حوراء : تأشر على الحمام البالغرفة وتصرخ .. هنا واكفة ولله جانت هنا
تصرخ وتبجي محد كدر يسكتهة ضربتهة امهة راشدي ضلت تبجي
ام جعفر : شبيج تخبلتي
حوراء : بيبي ام عقيل جانت واكفة كدام الحمام وتباوع علية
حضنتهة وضلت تبجي وياهة .. بهاي الفترة عشنة حالت رعب كل شخص إينام بغرفتهة يكول احسهة موجودة بالغرفة حسينة روحهة ساكنة ويانة .. انقهرنة . انكسرنة . اتطشرنة ماكو كلام يوصف حالتنة من بعد ما ماتت .. واكيد تواصلي وي جعفر مستمر وصرت اتواصل ويا اكثر لان نورسين ما تاخذ الموبايل مني اكثر وقتهة وي البنات ماما صارت تضغط علية بموضوع الخطوبة..
سوسن : نبأ كولي الجعفر يجي يخطب هذا الاسبوع واذا ما اجة يحلم بعد يحجي وياج
نبأ : ماما صدك تحجين مو عدنة فاتحة وامج ما صارلهة عشر ايام من ماتت
سوسن : مشكلتكم هاي فاتحة مو فاتحة يجي يخطب هذا الاسبوع الأجة اهلاً وسهلاً ما اجة انسي شخص اسمة جعفر
تركتهة ودخلت للغرفة كلت معذورة لأن متأذية بسبب وفاة بيبي ما اضغط عليهة كلت الجعفر بالموضوع استغرب من طلبهة لأن الوقت مو مناسب ابد .. بهاي الفترة كثرت مشاكلنة اني وجعفر وخالو كرار طلك بنين وصار عندة ولد من عدهة اسمة (جاد) اتبرت منة واخذة خالو انطى الزوجة خالو نبيل تربي لان عايشين بنفس البيت..
💬 جعفر : ماريد تصير بينة مشاكل بعد احاول بكل طريقة اتجنب كلشي يضوجني بس حتى ما نتعارك
💬 نبأ : ولا اني بدون شي نفسيتنة تعبانة ومشاكلنة ما تخلص
💬 جعفر : ماريد اتركج بسبب شغلات تافهة
💬 نبأ : من اليوم يتغير كلشي
مر اسبوع على وفاة بيبي راحوا خوالي وخالاتي القبرهة كعدت اراسل جعفر كالعادة
💬 جعفر : نصعد اتصال مشتاق الصوتج
💬 نبأ : اي بس يجي احد نسدة
شفت الاسم (شهد) جنت احجي وياهة ووي جعفر نفس الوقت دزيتهة الهة بالغلط
💬 شهد : المن هاي ولج
💬 نبأ : بالغلط
💬 شهد انجبي واحجي متعبر علية هاي السوالف
كعدت احجي الهة على جعفر
💬 شهد : هيج امج متفهمة
💬 نبأ : ليش ما تتفهم ممسوية لا عيب ولا حرام اصلاً علاقتنة الشي الوحيد الحرام بيهة بس سامع صوتي
💬 شهد : الله يحفضكم ويجمعكم بالحلال
💬 نبأ : يلا ولي منا اريد اروح احجي وي حبيبي
تركتهة ورجعت دزيت الرسالة الجعفر
💬 نبأ : نتصل بس من يجي احد اسدة
