كعدوا يقنعون بيهة حتى ترجع واني ادعي حتى ما تقتنع لأن اذا رجعنة راح نرجع للصفر يعني كل هاي تقدماتنة وتعبنة لا شيء من بعد محاولات ويترسون براس ماما كلام جذب بجذب بس حتى ترجع انطتهم القرار الأخير ..
سوسن : راح ارجع الخاطر عقيل
هنا فقدت الأمل راح ارجع للسجن وراح تتعب نفسيتي مرة ثانية .. كم يوم فرغنة البيت ورجعنة للجحيم مرت فترة كلشي طبيعي وراحوا يخطبون الخالو كرار ومن رجع كعد يسولف النة شنو سوة وبهاي الفترة صرت مقربة منة كلش اربعة وعشرين ساعة كاعدة يمة وصرت كل يوم ارطب ايدي ورجلي وادلكهن الة من كد ما احبة ما احس هذا الشي يقلل من قيمتي .. كاعدة يمة بالليل واجة مرتضى..
مرتضى : نبأ اذا خلصتي تعالي وراي للغرفة
خلصت من خالو ودخلت للغرفة
مرتضى : انتي ماعندج كرامة؟
نبأ : ليش شمسوية
مرتضى : كل يوم تدلكيلة وتسويلة اكل مثل الخدامة وسوالف وضحك
نبأ : بس اني ممسوية شي غلط وهذا خالي مو شخص غريب والاسوية ابأرادتي ممسوية شي مجبورة عليه
مرتضى : حاولي تبتعدين عنة لا تقوين علاقتج بي لأن كاعد يستغلج ويشوفج فقيرة وراضية يكول خلي اكربهة
نبأ : إن شاء الله
طلعت من يمة ورجعت كعدت يم خالو ممهتمة الكلامة كاموا من يشوفوني هوة ومحمد يخزرون بية لأن ميحبون خالو وماعاجبهم الأسوي مرت فترة من بعد خطوبة خالو وصارت مشاكل بينة وبين خطيبتة (بنين)
اجة مختنك ويضغط على نفسة نام على بطنة وضل يبجي وساد ايدة حيل
سوسن : كرار متستاهل دمعة من عندك ولله الف وحدة تتمناك عمت عينهة اذا تبجي على مودهة واذا تريدهة وتحبهة معليك ابأحد ابقة وياهة
عم بنين نهة عليهة وكال مياخذهة وخالو معاند يكول صارت زوجتي ما الة حق ينهي عليهة ولو يبقى اخر يوم بعمري ما اطلك .. مرت فترة واجانة خبر انو بنت عم بنين انخطبت وابو بنين نهة عليهة بسبب اخو واتفقوا ثنينهم يشيلون النهوة وثنينهن يتزوجن نفس اليوم ونفس الوقت يطلعن من البيت مر كم يوم بدينة نجهز غرفة خالو جانوا يسوون بغرفة الأخشاب اجة اتصال الخالو كرار خلص من الأتصال كال..
كرار : اتصلوا علية كالوا باجر زواج بنت عمهة ولازم احنة زواجنة وياهم يعني باجر
ضلينة وحدة صافنة بوجه الثانية ما اتوقعنة قبل يوم ينطونة موعد الزواج كملوا الغرفة وثاني يوم ماما راحت للسوك جابت كلشي نحتاجة واني قررت اجيب عدسات تركوازي وفستان ابيض قصير وشعري مفتوح بس خليتلة ماشة من الجهة اليسرى شلت بيهة طرف الشعر وحاولنة قدر الأمكان ما نخلي الزواج ممل الخاطر خالو مر يومين وتلاثة واني ما اكدر اروح يم خالو لأن عريس جديد وجنت مقهورة كلش من يوم الزواج واني يم بيت بيبي ام عقيل كم يوم واجة مرتضى..
