سوسن : السلام عليكم
جعفر : وعليكم السلام
سوسن : ام نبأ وياك
جعفر : هلا بيج خالة
سوسن : نبأ حجتلي كلشي وكالت تريد تتواصل وياي
جعفر : اي خالة اني رايدهة على سنة الله ورسولة
صار كلام هواي بينهم وماما جانت نيتهة تخلي يخلص كلامة وتكلة اترك بنتي بس تراجعت بقرارهة بكلمة منة..
جعفر : خالة فدوة لتحرميني من نبأ احبهة ورايدهة
سوسن : اذا هاي نيتك خلي امك تتواصل وياي بس تواصلكم يصير بحدود
جعفر : مثل ما تردين
جنت بالطارمة ونورسين يمي ماكدرت اكعد من التوتر شفت ماما طلعت
سوسن : وين الموبايل
نبأ : ليش
سوسن : روحي احجي وي جعفر
نبأ : يعني قبلتي
سوسن : وليش ما اقبل
ضليت اصرخ من الفرحة رحت اركض عالموبايل اتصلت عليه من الفرحة مانكدر نسكت من الضحك
نبأ : واخيراً
جعفر : هية هاي الخايفة منهة
نبأ : شلون قنعتهة
جعفر : سر المهنة
نبأ : اروح اصلي ركعتين اهداء الأم البنين عليها السلام
جعفر : انتظرج
سديتة ورحت صليت واني اصلي نزلت دموعي من الفرحة حسيت الله عوضني من بعد كل هاي المعاناة خلصت صلاتي ردت اتصل عليه
سوسن : نبأ تواصلكم بحدود تعرفين المجتمع العايشين بي وتعرفين تفكيرهم وتعرفين شنو يسوون من يعرفون بيج عندج علاقة
نبأ : تدللين
اتصلت عليه احس اول مرة احجي ويا ضلينة للصبح عيونة ما شافت النوم سولفنة شنو نسوي بعدين ونسولف عالخطوبة واحنة بعدنة ببداية علاقتنة .. الصبح ما كدرت ابقى اكثر سديتة ورحت انام خليت صورتة كدامي وصافنة على تفاصيلة على عيونة .. عيوني تتجول على ملامحة واحجي بيني وبين نفسي هذا مو اي شخص هذا هدية من رب العالمين هذا الشخص عوض من ربي هذا الشخص الراح يصير بلسم جروحي هذا الشخص راح اكمل حياتي ويا .. ما حسيت على نفسي ونمت ماطولت وكعدتني ماما
سوسن : نبأ كومي كملي شغلج
نبأ : ماما ما اكدر اكوم جسمي كلة ايأذيني
سوسن : كومي غسلي وتصحصحين بسرعة
كمت غسلت احس نحول بكل مكان بجسمي كوة امشي رجعت اريد اشيل الفراش ماكدرت ايدية رخن نمت عليه
سوسن : اني شحجيت
نبأ : ولله ما اكدر اتحرك جسمي كلة ايأذيني
