عقيل : اي حقك ما تقبل احجي عليهة واذا تريد اضربني مرة ثانية مو ذيج المرة ضربتني على مود هاي الكح..بة واني وشيباتي وابني بطولي يلا هسة هم اضربني
بابا ابو عقيل دنك راسة وسكت بعدين ضلوا واحد يصيح بوجه الثاني مسلم ابن خالو عقيل ما اتحمل راد يروح عليه صاح بي خالو عقيل
عقيل : مسلم احترم نفسك وولي برة كرار مرتضى اخذوا واطلعوا ماريد اشوف وجهة
دخل بابا ابو عقيل للغرفة وصار هدوء مرت دقايق طلع هوة وهند والولد وبوقتهة فرحتنة ما تنوصف من بعد مشاكل وتشتت خوالي والضلم واذيت بيبي ام عقيل طلعت الحية من البيت واخيراً راح نرتاح صح مانرجع مثل قبل خوالي مايرجعون للبيت وبابا ابو عقيل ميرجع ويانة مثل قبل بس المهم خلصنة من هند ومشاكلهة .. مرت فترة قرروا يخطبون لمرتضى ومحمد صار عقد القرآن عالموبايل بسرعة وسوينة حفلة محمد قبل حفلة مرتضى ماما كالت اريد اسوي حفلة الهدى احلى من حفلة فاطمة لأن عماتي على كلشي يحجن وميعجبهن العجب لبست بحفلة محمد فستان كريمي جوة الركبة وفتحت شعري وحفلة مرتضى بدلة قصيرة وردية ورفعت كذلتي ليورة ما طول اسبوع وسوينة عرس مرتضى واكيد اكثر وحدة فرحت اني لأن علاقتي قوية ب هدى لبست بعرسة بدلة تركوازية وعدسات تركوازية وماما سوتلي تسريحة مر ثاني يوم العرس وثالث يوم واني احاول انعزل عن العالم والهوسة مرت فترة كلشي طبيعي وماكو مشاكل .. ماما كالت كم يوم ونروح نشوف عماتج فجأ عباية نورسين اختفت اسبوع ما الهة اثر مابقينة مكان ما دورنة بي..
محمد : اتصلت فاطمة كالت باجر نجي
نورسين : راح اسوي ملابسي لأن عماتي ما شاء الله على كلشي يحجن وميعجبهن العجب
فتحت الكنتور ضليت مصدومة
نبأ : نورسين تعالي شوفي
نورسين : هاي شجابهة هنا
نبأ : شمدريني اني دورت وبيبي دورت مرتين
محمد : اني فتحت كنتوري لكيتهة وشمرتهة بكنتورج
فتحت الكنتور لكيت عباية نورسين مصفوطة بين ملابسي عبالك احد مخليهة واني متأكدة دورت وبيبي اكثر من مرة تدور وما معقولة كل ما افتح كنتوري ما اشوفهة لأن اول ما فتحتة صارت بوجهي .. اخذتهة ورحت الماما
نبأ : ماما لكيت عباية نورسين بكنتوري ومحمد يكول اني لكيتهة بكنتوري وشمرتهة بكنتورج ومبينة مو مال شمر مصفوطة ومخلينهة بين الملابس وبيبي هم اكثر من مرة دورت بكنتورة
سوسن : مو كتلج مرتضى ماخذهة صارلنة اسبوع ندور عليهة هسة من رادن يجن عماتج طلعت وحدهة العباية
جان عدنة شك ب مرتضى لأن قبلهة بكم يوم رحنة الخالو عقيل وهدى رادت ترجع للبيت كال النورسين ارجعي وياهة حتى ما تبقى وحدهة ونورسين ما قبلت .. اجن عماتي ثاني يوم وكلشي طبيعي لا فتحنة الموضوع ولا سوينة مشكلة طلعت بالطارمة لكيت مناظر مرتضى على دراجتة اخذتهن ورحت لمحمد لكيتة فاتح الكنتور وواكف
