فصلية فهد

البارت التاسع

هديل:زينب فدوة قنعي اخوية
زينب:شنو مستحيل هاذا من احجي وياه يدفرني
هديل:حبابة شوية اذا ماقتنع خليه
زينب:الله كريم اشوفه واكله ضلينه ساكتين كتله راح اروح فتحت غرفتي بعده ماجاي رحت سبحت وبدلت تراك نوم رحت للجرباية نمت بارد الجو يخبل يخلي الواحد ينام نمت...

فهد:جان عدي شغل حيل اني جان حلمي قبل انو اصير ضابط لكن ماكملت ضغوطات وابوي شيخ بوكتها بطلت اجالي ولد يكولون داعم واحد وهادين عليه طبعا من عشيرتنه هو جنت بمكتبي كاعد غير اسمع صوت
علي: ممكن ادخل
فهد:ادخل
علي: السلام عليكم
فهد:وعليكم السلام اهلا بيك خير تفضل
علي:مثل ماعرفت من ابوي داعم ومجان قصدي هسا يهدون عليه تقبله
فهد: طبعا لا باجر نحل الموضوع انشاءالله اطيني رقمه
علي: خوش سجل
فهد:سجلته راح علي واتصلت عليه
فهد:السلام عليكم عمي
الحجي: وعليكم السلام منو
فهد:اني فهد حسان كاضم شيخ عشيرة علي___
الحجي:علي الي داعم ابني؟
فهد:اي
الحجي: اهلا بيك عمي احنا نريد نحجي وياكم لاصير طلايب
فهد:خير إنشاءالله مايصير غير التريده باجر راح اجيلكم
الحجي: اهلا وسهلا حاضر
فهد:شوية حجينه وسلمت عليه كملت كلشي صعدت بسيارة وصلت للبيت كلها نايمة مطفين الاضوية ساعة ١١ فتحت الغرفة بدلت شفتها نايمة براءة وخدودة اليخبلن ماتحملت بسته بخدة خذيت راحتي😂شميت ركبتها تهد الروح ما اجذب واكول حبيتها هواي تصرفاتها براءتها جرئتها من تحجي وياي من يمتة واني حبيتها نمت يمها حضنتها حيل بستها بركبتها
زينب: حسيت على شي درت وجهي واشوفه صافن ومبتسم طفرت كلت شعندك هنا
فهد:غرفتي ونايم بفراشي مايصير
زينب:مايصير يلة كوم
فهد:تردين نامي ماتردين روحي نامي بلقنفة
زينب:خزرته سمعته يضحك خذيت مخدة وجرجف رحت نمت حيل تضايقت مو مريحة شفته نايم رحت علكيف ونمت بطرف جرباية كلش
فهد: اني نومي خفيف كلش من حسيتها نامت شوية دنيت سويت روحي نايم واني اضحك بكلبي😂 شفتها نايمة نمت كعدت الصبح بدلت خليتها نايمة ونزلت لكيت الكل كاعد صبحت وتريكت شفتها نزلت حجيت لبوي على سالفة الرجال كلي حلها بعد
فهد:يلة اني راح اروح مع سلامة بست امي وابوي وطلعت اروح احلها هل سالفة الجديدة

زينب:كعدت من النوم واني مامرتاحه ابد تريكي وغسلت المواعين حيل تعبانه اليوم مادري البيت هدوء اجتلي الحجية كالت
الحجية:يمة عدنه زولية وجاي الشتا ماتفرشينها وتغسليها
زينب:من عيوني عمة وينها جانت فوك الكنتور صحت مصعب
مصعب:ها صحتوني محتاجين مساعدتي
زينب:اي والله الزولية فوك الكنتور ماجيبلياها
مصعب:شلون اتسلق مثلن
زينب:جبت سطل كتله هاذا اصعد صعد وجابلياها تنكث تراب حيل ضليت اكح
مصعب:اشتعلو اهل غنى على هلسالفة
زينب: منو غنى(واني اكح)
مصعب:جريت حسرة اخخ
زينب:ضليت اضحك عليه امداني احنا بيا حال ويطك حسرات رحت حطيتها بلحوش شغلت الماي وصوندة رحت صحت هديل تساعدني جبيرة ماكدر وحدي غسلناها غير متت ضهري راح وراحت هديل تعبت ضليت وحدي اجلف وماكو طلعت تراب هواي منها صفطتها ثكلية حطيتها على سطل تثبت وغسلت الحوش وطبيت للبيت كلت
زينب:عمة خلصت
الحجية:تسلمين يمة الله يوفقج انشاءالله
زينب: ابتسمت بعد عمري حيل احبه وجهة بشوش يومية صلاة وصوم فارتاح الها كالت
الحجية:تعالي حبيبه اريد احجي وياج
زينب:كعدت ها عمة
الحجية:شني ماصاير شي بينج بين فهد
زينب:شلون يعني
الحجية:ضحكت يعني ماخذاج حباج
زينب:ضليت مرتبكة مافهمت كلت لا
الحجية:بعد شوي طلعين وياي لسوك
زينب:ليش
الحجية:اريد اشتريلج كم حاجة
زينب:هزيت راسي بمعنى اي صعدت فوك رحت حضرت ملابسي وسبحت ماجان عندي لا مكياج لاشي دخيل الله اني بنية ضحكت على نفسي شكاعد احجي
نضفت غرفتي صارت ساعة ٤ نزلت كلتلي الحجية بدلي راح روح هديل كيفت الا تروح ركضت بدلت رحت لغرفتي بدلت من ملابسي الي عندي ملابس بسيطة قميص ابيض وبنطرون حجاب اسود وحذاء اسود  رحت لهديل يلة شافتني فكت حلكها
هديل:طالعة تخبلين
زينب:ابتسمت شكرا
هديل:بس اذا شافج فهد مادري شيسوي بيج
زينب: شنو مابيه شي
هديل:راح اطيج صاية تلبسينها احنا منطقتنا شعبية كلي تحجي تعلي
زينب:هاي شنو وذا
هديل:بكيفج بعد
زينب:ضليت صافنة كتلها بضوجة خوش عندج
هديل:اي عندي جابتلي صاية طويل لبستها يعني حلوة مابيها شي نزلنه اتصل عليه سيف رجعت الغرفتي كلت الو
سيف:هلا ميت هلا شلونج عمري
هديل:الحمدلله تمام انته شلونك بصوت ناصي
سيف:من سمعت صوتج يلة صرت زين
هديل:ضحكت يلة يمته تخطبني
سيف:عمري كتلج كملي دراستج خاف تخربطين بنهايه السنة انشاءالله اجي
هديل: تمام بضوجة
زينب:يلة هديل راح نروح
هديل:تمام يلة راح اسده
سيف:وين رايحة
هديل:لسوك اني وماما ومرت اخوية
سيف:خوش ديري بالج على نفسج احبج
هديل:واني احبك يلة باي سديته واني بطني فراشات
نزلت
زينب:رحنه صعدنه بسيارة اسوك متروس ناس رحنه لمحل الملابس اشترتلي تيست نوم واني خجلانه حيل جابتلي عطور ومكياج كم شغلة وهديل اشترت اكسسوارات وملابس كملنه رجعنه للبيت رحت فوك بدلت لبستة جان كلش حلو بس مستحيل البسه كدامة اكو ميز جان ومراية حطيت مكياج صفطت وعطور صار يجنن لبست ملابسي اذن الاذان رحت توضيت وصليت اني جنت بلبيت اصلي واصوم بس تكطعت صلاتي من اجيت للبيت فصلية حطيت سجادتي بلغرفة صليت كعدت واني ابجي رفعت ايدي كلت يارب حيل مختنكة مشتاقة لمي حيل مادري شصار بيها ضليت ابجي قريت قران شوية ارتاحيت وقررت احجي ويا فهد ماتحمل بعد والله رحت سويت عشا وتعشينة غسلت المواعين وسويت جاي لعمي وعمتي وفهد جنه كاعدين مانحس غير دكة بالباب حيلل طفرنه
فهد:هايي شنووو
_________________________________________
بس حبايبي لتنسون تصويت❤❤

يتبع..