فصلية فهد

التاسع والعشرين

مر اليوم عادي رجعنه للبيت لكيت علي راجع والكل ملتمين بالصاله وفاير دمه ويصيح

علي:انيييي مو كتلككك عوفهمممم

ليث:خويه مادري بيهم حيسون هيج

علي:تاكل خره وتنجبب ولككك كم مرههه كتلك عوفهم عوفهم شوف وين وكعوك

ليث:.....

ريم:رحت للبنات الملتمات بزاويه ومصدومات

:-شكو شصاير

غنى:ليث مصادق شله مو زينه وهسا ناصبين عليه بشغله مخد...رات

ريم:عزااا صدكك

غنى:والله يربي ليش هيج

علي مسحه وجها صار احمرر من العصبيه بلكوه صابر

علي:لا الاه الا الله شلون ورطه

ريم:بهلثناء دخل عمي عكد حاجبه

ابو ليث:شكو شبيكم

علي:تفضل شوف ابنك شمسوي

ابو ليث:ليث شمسوي

ليث:والحسين مو اني هما الي ورطوني

ابو ليث:فهموني شكوو

علي:ابنك مصاحبله شله خايسه مسوين مشكله وذابينها عليه

ابو ليث:مصيبت شنو

علي:مخد...رات

ابو ليث:صدكككك

ليث:بويه والله مامسوي شي جنت بالبيت كاعد وتصلوا عليه كالولي نطلع سوه رحت بسيارتي رجعت للبيت لكيت مخدرات بسيارتي والله

ريم:انصدمنه كلنا وماتوقعنه عمي ضرب ليث راجدي قوي من قوته وكع بالكاع لكنه رجع وكف

ليث:والله ماسويت شي موزين ونزلت راسك ضحكوا عليه بس والله كلولي نروح للملاهي بس بالقران ماقبلت ونزلتلك راسك بويه صدكني

ابو ليث:مع الأسف عليك سافل

ريم:وكع عمي من طوله ضغطه نزل صرخت عمتي وركضتله كلنه التمينه علي نساعدهم كسر كلبي ليث عيونه دمعت يريد يبجي بس مايكدر ياربي فرجها وديناها للغرفه تمدد على الجربايه شويه وارتاح وطلعنه كلنه

علي:اني احلها شلون ماجان وانته عندي حجي وياك تعال وراي

ليث:تمام

ريم:طلعوا ثنينهم برا وعمتي ام ليث ضلت تلطم وصرخ زوجات عمامي يحاولن يسكتنها جبتلها مي يمها غنى تهديها شويه وهدئت شغلنه قران بصوت عالي ونضفنه البيت اني والبنات صعدنه فوك

ليان:شدكولن شراح يصير

ريم:مادري انشاءالله خير

غنى:ربنا يحلها مايتركنا انشاءالله

مر اسبوعين وهدء الوضع حسب ماسمعت علي حال الموضع معارف وهيج سوالف واصلا ليث بريئ وهما مورطينه مابقه شي على عرسي اقل الشهر بدينه نحضر اني كملت نيشاني والجنط وهالسوالف الدوخه بليله الحنه رحنه للصالون وليان تهزلي خصر