فصلية فهد

البارت الرابع عشر

غنى:هسا خليني اعرفكم على عائلتي الجميلة جدو اسمه محمد بيبي اسمها زهرة وعدهم ثلاث ولد وبنية وحدة
بابا الجبير اسمه حسين عنده ثنين ولد وبنية اني
علي ضابط
وليث مهندس
واني جامعة مرحلة ثانية

وبعدين عمو احمد عنده ثنين ولد وثنين بنات
تيم مهندس وعده شركة
وحيدر هم مهندس ويشتغلون بنفس الشركة
ريم وياي جامعة مرحلة ثانية
ليان هي المفروض جامعة مرحلة ثالثة لكن تاخرت سنة ماقبلوها

بعدين عمو قاسم عنده ولد واحد وبنية وحدة
حسن جامعة قسم تخدير
بنين تدرس سنة اخيرة كلية تربية رياضيات ومزوجه ابن عمه نسمه اسمه اياد

احنه بنات عم وبيناتنه كم شهر 
بعدين عمتي نسمه عندها ولد وثنين بنات وايمان تاركه الدراسة وحوراء تدرس صف رابع علمي واياد كلية تربية رياضيات
وهاي عائلتي الجميلة اللطيفة ❤
——————————————————
زينب: صار يوم خطوبة هديل وكلها مخبوصة جابوا كيك وعصاير رتبنا البيت وعطرنا من الصبح اشترينه كوشة كلش حلوة هديل راحت للصالون اني كاعدة يم الحجية اجتلي تركض

هديل:زينب زينب

زينب:شنو شكو

هديل:يلة كومي خلينا نروح للصالون

زينب:شنوو لا مايقبل فهد

هديل:يلة فدوة اني اقنعة يلة

زينب:اني اعرف مايقبل

هديل:يمة كليلها خلي تروح محد يمي

الحجية:يمة روحي شيصير يعني

زينب:عمة مايقبل فهد

هديل:اني من يجي اقنعة لان بعد شوي نروح للصالون

زينب:هزيت راسي اي

هديل شوية صفنت كالت:لا راح يطول من يجي خلي اخابره 

زينب: بعد احسن

راحت خابرته واسمعها تتوسل مايقبل

هديل:فدوة فهد يعني شيصير خليها تروح وقريبة يمنه

فهد:لا هديل اريدها

هديل:هيج تخلي اختك مكسورة الخاطر روح

فهد:استغفرالله هسا اجي

سدت الخط اشرتلها شكال

هديل:كال هسا يجي

زينب:زعلت وراحت لغرفتها ضليت يم عمتي اتصلو عليها

الحجية:يمة منهو

زينب:عمه هاي ام احمد

الحجية:جاوبي وطينياه

زينب:سويت مثل ماكالت وطيتياه جاوبت

الحجية:هلا بيكم اتفضلو بيت بيتكم

زينب:بعد هواي حجي سدته كالت