فصلية فهد

الثاني والثلاثون

ريم:طبيت سبحت ومشطت شعري وضفرته رحت اقرة ورة ساعتين سمعت صوت زلم وسلام جوه اجت ليان

ليان:ولج اجو اجو

:شكو منو اجو

ليان:الزلم وي علي

ريم:صدككك

ليان:والله

ريم:ياربيييي فرحانههه

ليان:انشاءالله دوم

ريم:راح ابجييي

ليان:ولج عليمن

ريم:دموع الفرح راح يختبنيي

ليان:من امده حضي المن باجية كومي خلينا نتسمع عليهم شيحجون

ريم:اي يلا كومي
رحنا اني وليان جوه محد بالصالة بس احنا اكو شباك بين الصالة والاستقبال وحطينا اذنا نسمع شيكولون ماسمعنا شي حجيهم ناصي بس سمعت كال شخص بصوت عالي

:-جايين اليوم على سنة الله ورسوله نطلب المحروسة لابنا علي وانتا تعرفه بعد وعمه

:- اي طبعا ابن اخوي واعرفه كلش زين

ليان:ماكو صوت شنو السالفة يحجون بالخنسة

ريم:اسكتي خل اسمع

ليان:شسمعين ماكو صوت

ريم:تعاي نصعد فوك

ليان:اي خوش عندي دراسة هم اريد اقرة

ريم:يلا نروح
صعدنا فوك واني اكل بضافري كلش متوترة عفت القراية وكلشي لحدما صار المغرب رحنا صلينا كلنه ونزلت ساعدتهم بالعشاء صبينا ماشفت احد بس ابوي وامي ونسوان اعمامي لا علي ولا شباب

ليان: يمه

:-ها ماما

ليان:شو محد موجود بس احنه وين اخواني

:-صار عدهم شغل ماكدرو يجون

ليان:كلهم صار عدهم شغل

:-ليث وأكرم وحيدر راح يطلعون وي اصدقائهم بس البقية سمعت عدهم شغل

ليان:ها تمام

ريم:اني اشوف امي وليان يتبسبسن صار عدي فضول غسلت المواعين اني وليان وحنين كالت مابيها حيل رايحة تنام

ليان:ولج تعرفين ليش محد هنا

ريم:لا ماعرف عرفتي وينهم

ليان:اي امي كلتلي حيدر وليث وأكرم طلعوا وي اصدقائهم والبقية عدهم شغل

ريم:صدك

ليان:اي بالحرف

ريم:علي ماصارله هواي من نزل يمته صار عده شغل

ليان:هاي من هساا وهاييي

ريم:تضحك وتغمز كرصته خجلانه غسلنه المواعين وصعدنا فد ربع ساعه اجت ليان وكالت ابوي يصيحج واني سمعت هيج كمت اطكطك برجليه من التوتر بلكوه يالله سويت روحي طبيعية فتت للغرفة ومدنكه راسي