فصلية فهد

السابع والثلاثون

غنى:مر تقريبا اسبوع على صار بعمي وملتهين شغل وجامعتي نروحلها اني ومصعب لان اخير فترة بالحمل كلش كلش تعبت فا اخذت اجازه ايام حتى ارتاح اليوم موعدي حتى اشوف جنس البيبي كلش فرحانه وضحكتي شاكه حلكي نزلت جوه ابشر عمتي طبيت للغرفه لكيت زينب كاعده وامها يم عمتي

غنى:بعد شوي رايحة للدكتور اشوف جنس البيبي

زينب:ان شاءالله البالج حبيبتي

غنى:عمري كلشي من الله حلو
رحت بدلت وصحت مصعب نروح للمستشفى رحنه واني كلش متحمسه صعدنا بلسيارة باوعلي مصعب لزم ايدي ورة شويه وصلنا نزلنا من السياره سوينه اجرائات ضلينه ساعه بس نفتر دخلت على الغرفه مصعب ماخلوا سلمت على على الدكتورة

د.:تفضلي حبيبتي على السدية

غنى:كعدت على السدية طلعت بطني شويه وابتسمت

د.:الف مبروك حياتي بنية

غنى:الله يبارك بيج عمري
طلعت من الغرفه ومن شفت مصعب نزلن دموعي ماتحملت من الفرحة

مصعب:ها غنى ليش تبجين

غنى:مصعب

مصعب:روحه

غنى:بنية

مصعب:صدك

غنى:والله

مصعب:جا ليش تبجين

غنى:من الفرحة ياربي دائما جنت اتمنى اول طفل تكون بنية والحمدلله

مصعب: الحمدلله

غنى:مسح دموعي رجعنا للبيت طايرين من الفرح والضحكه شاكه حلكنا بشرناهم كلهم باركولي وحضنوني رحت صليت صلاة شكر لله على كلشي حمدت الله رحت اتصلت على امي وبشرت البنات كلش فرحن على فرحتي شويه ضليت اسولف ودعتهن بليل ساعه بالتسعه اجوو ولد عم مصعب كالو عدنا شغل باجر وقريب عليكم مو منطقتهم بعيدة شغلهم منا قريب دخلناهم بالاستقبال اجه فهد ومصعب هم سلموا عليهم اني صعدت فوك حطيت راسي على المخدة ونمت
------------------
مصعب:نايم وحسيت واحد يكعدني فتحت عيوني لكيت غنى بس باوعتلها ابستمت وكالت

غنى:مصعب كوم

مصعب:ها شكو اكو شي

غنى:لا بس شسمه

مصعب:شنو

غنى:مشتهيه شي بس مدري شنو

مصعب:كولي شي حتى اجيبه الج

غنى:مادري

مصعب:يعني شنو حامض حلو مالح حار شنوو

غنى:والله مادري مشتهيه شي بس ماعرف شنو

مصعب:عصري دماغج شويه حتى تعرفين شنو

غنى:امممم... ايي ايييييي عرفتها والله عرفتتت

مصعب:صلواتت احجي شنو

غنى:مشتهيه فواكه

مصعب:يانوع فواكهه