فصلية فهد

البارت العشرين

غنى:لبست الفستان طلع توب ومكياج خفيف ماحطيت وفليت شعري شعري لاهو قصير ولاهو طويل وحطيت عطر ونزلت اني والبنات رحت جبت عصاير بصينيه وطبيت للاستقبال

:-اللهم صل على محمد وآل محمد

غنى:ابتسمت ورحت حطيت قدمتلهم العصاير وكعدت يم امي

:- ماشاء الله يمه الله يحفضها

ام غنى:بعد كلبي تسلمين

:-والله اليوم جاين على موضوع بي الخير

غنى:وجهي صار احمر على شويه ويغمى عليه كبل طلعت من الاستقبال وصعدت فوك واجن البنات وراي

ريم:احم احم

ليان:احمات

ريم:هسا تكولين منين ومنو وشلون عرفتيه

ليان:بدون لف ودوران رجاءً

غنى:خليني اغسل وجهي واجي

كمت اغسل وجهي واجيت الهن كعدت

حنين:ست غنى يله كولي

غنى:هو جان يعرفني بالجامعه كلما انتن ترحن يجي يسئلني شلونج محتاجه شي هيج كبرت علاقتنه بيوم وداني للحديقه واعترفلي يحبني وبس

ليان:بسسسس

غنى:اي بس

ليان:تمام صدكناج عودهه

غنى:والله شبيجن

ضلن ساكتات شويه نزلت حنين ورة شويه اجت تركض

حنين:قبل شويه راحن النسوان

غنى:كمزت ايي شحجنن

حنين:ماسمعت نزلت لكيتهن راح يروحن

غنى:هزيت راسي واني حايرة شراح يصير اهلي يوافقون لولا خايفه مر اليوم محد حجه على الموضوع الا اجت امي كالت

ام غنى: تعاي اخوج وابوج يصيحوج

غنى:هزيت راسي وكمت وراها واني متوترة يمكن راح يحجون وياي بالموضوع رحت يمهم وكعدت كال

ابو غنى:شلونج بويه

غنى:الحمدلله بخير انت شلونك

ابو غنى:بخير حبيبتي اليوم كالولي اجوج خطابه امج حجتلي الولد مهندس ويدرس مرحله اخيره وخوه شيخ وعائله جبيره

علي:اي وكالو وياج بجامعه

ابو غنى:انتي كولي تعرفيه الولد لولا

غنى:هزيت راسي لا لان عوده ماعرفهم النسوان لان ماشايفته الولد شلون اعرفه احجي بكلبي

ابو غنى:خوش اسئل على الولد ونشوفه وانتي فكري لاتستعجلين

غنى:اي سكتو واني طلعت عركت يبوو صعدت لفوك سبحت ولبست تراك رحت كعدت بالجربايه وتغطيت كل جسمي مشغله السبلت فتحت جهازي ولكيت هواي رسائل من عنده طبيت اول رساله