فصلية فهد

البارت السادس عشر

هديل:حامللللللل

الحجية:كللووششششش

زينب:ضليت مصدومة كلبي يدك حيل يعني اكو روح ساكنه بطني لا ماصدك ياربييي شكراً الك كلش هواييي فرحت هوايي اجت اجت الحجية باستني وتهلهل جان ماموجود فهد فاا كلت اسويها مفاجاة اله
نزلتني الحجية

الحجية:علكيفج يمه علكيفج

هديل:يمة راح يصيرلنه بيبي صغير ههه

زينب:ضحكت نزلنه كعدوني بالصاله والحجية تنصحني هيج سوي هيج لاتسوين واني استمع ومركزه شوية اجه مصعب يركض

مصعب:ها شنو شصار

هديل:زينب حامل

مصعب:والله الف مبروك اخيتي

زينب:الله يبارك بيك واني مبتسمة

اجه الحجي هم وكناله فرح هوايي بالخبر عائلة كلش حلوة ومحبتها فطرية كاعد يحجون وياي نزلت ندى بتراكها الوردي

ندى:شكو وصل صوتكم لجوارين

هديل:انتي مالج شغل

ندى:عيني اسكتي جنج فصمة

هديل:اسكتي لا والله

الحجية:كافييي بسجنن

كل وحدة تكترت وسكتت

الحجية:زنيبة حامل

ندى:هاا صدك اي علخير

زينب:هزيت راسي وراحت رحنا تغدينه كعدت بالنص بين الحجية وبين هديل والحجية تجيب الاكل تكلي اكلي لو توكلني واني فرحانه كملنه رحت اغسل مواعين

هديل:ها ها وين رايحة

زينب:اغسل المواعين ليش

هديل:شنو ليش حبيبتي انتي حامل روحي اكعدي يم امي

زينب:علكيفي مايصير تغسلينهن بوحدج

هديل:لا تخافين راح تجي المسمومة ندى تغسلهن مامسوية شي

زينب:عاد خليني انضف الارضية

هديل:لا يعني لا راح اصير عمة حوبيي روحي

زينب:تضحك ودفع بيه تكلي روحي طلعت شفت ندى جايه خازرتني سويت روحي ماشفتها رحت للحجية

كتلها:عمة من يجي فهد لاتكليلها اني اكله

الحجية:خوش بنيتي

زينب:عمة مشتاقة لمي اريد اكلها بهلخبر

الحجية:ماعرف بنيتي يجي فهد ياخذج ليها

زينب:حضنتها وكتلها شكراا الله يحفضج النا

الحجية:غير انتي بنيتي وعزيزتي تدرين اني اول ماشفتج حسيتج طيبة وحبوبة مادورين مشاكل

زينب:اكتفيت ببتسامة واني بحضنها

الحجية:صرتي هسا حامل شكد لحيت على فهد يزوج اريد اصير بيبي قبل ماموت