فصلية فهد

التاسع والثلاثون

ليان:ها

ليث:اكلها احبج دكلي ها يلكعبه

ليان:جاي يحجي واني فلتت صعدت بلغرفة سديت الباب وضليت اتنفس بسرعه هاذا كلي احبج فتحت عيوني على وسعها استوعب صعدت بالجربايه اكمز فرحانه وضحكتي شاكه حلكي ردت اكول لحنين بس ماكدرت غطيت نفسي ونمت

كعدت الصبح اروح لدوام حرامات ما ابقى يم اختي عود صباحيتها لبست ملابسي وحنين كعدت هم تريكنه همزين ماشفت ليث كاعد اكرم وصلنه للجامعه نزلنه روحي طالعه من الدنيا

:-يعني الله يقبلها ريم محد بقى يمها

حنين:اي والله وراح نشوف الغثه هسا

ليان:اوووف يلا الضهر نطلع

رحنا للقسم كعدنا نراجع بالامتحان

ليان:بنات تره اني مادارسه زين البارحه عرس اختي

عذراء:لاتحلين بسرعه ركزي بالسؤال زين وراح تجاوبين

ليان:المراقبين هم يخلوج تركزين

حنين:اي والله يبقون واكفين فوك روسنه ويحجون حتى يوترونه

ليان:بدء الامتحان شفنه الاسئله كلش صعبه صدك جذب واني من الصدمه ابعد الورقه وارجعها عليه ثنين دكاتره واكفين فوك روسنه حتى القارية تنسى الاجابه

الحدما كملنا وحنين محروك كلبها لان ما مجاوبه زين اما ريم لان اليوم عرسها اخذت اجازه الها وتمتحن غير يوم شويه وعذراء صديقتنا المقربه كامت كالت تروح تجيب مي وتجي راحت بس تأخرت رحت اكوم اشوفها ودخلت بنيه تركض كالت

:-بنات صديقتجن عذراء تعاركت وي شله

حنين:طفرنه كلنا ورحنا ركض لكينه عذراء تريد تهجم على نسرين والبنات لازميها

عذراء:بيج خيررر تعاييي اوكفيي يمييي واحجيي مو خاتله وره البناااات وتتسبعين

ليان:انتِ هيوووو ماتوبيننن من المشااااكل

نسرين:هههههههه ارتاحيت من حركت كلبج صايرتلي بس انتِ وبس وكذا

عذراء:ولجججن وخرن خلي الزمهاااا

حنين:عذراء تعاي خلي تولي هيا متعمدة تسوي مشكله

بلكوه هدئنه عذراء وسكتت وبقت هيا وليان تتوعدلهن ردنه نروح للقسم بس حجت نسرين بصوت عالي حتى عذراء تسمعها

نسرين:صايرتنه هاي القويه الماتخاف من شي وهيا مسوينها خدامه لنسوان ابوها وهوا ابوه بنفسه ميهتم بيها بس يجي بنصاص الليالي سكير

حنين:باوعتلنه عذراء بصدمه رادت ترجع لنسرين بس نزلن دموعها عافتنه وراحت وليان راحت وياها التفتن صديقات عذراء على نسرين يردن يكتلنها

بس هيا رجعت لوره بسرعه وصديقت عذراء لاحتها براشدي فرت وجها بي خلته يصير احمر بردت كلبي