فصلية فهد

البارت السابع

زينب:جان ينفتح الباب
فهد: صارلي ساعة ادور عليج تعاي اريدج
زينب:تمام هسا
هديل:روحي الزوجج لايخبص البيت بعدين احجيلج
زينب:خوش مو تنسين رحت للغرفة كتله رايد شي
فهد:اي حضريلي ملابسي اريد اطلع
زينب:كلبت وجهي ميحضر النفس
فهد: خاف ماعاجبج
زينب:سكتت رحت حضرت ملابسه جانت الساعة تقريبا ٩ الصبح نزل جوه يصيح
فهد: مصعبب وينك يمة مصعب وين
الحجية:والله يايمة مادري مساع جان موجود هسا ماهو
فهد:خوش هسا اتصل عليه
الحجية:ليش انشاءالله صاير شي
فهد:لا مايصير شي بس أريده بشغلة
الحجية:خير انشاء الله
فهد:بست اديها وراسها ورحت طلعت بره جايلي ناس مشتكين عليه دكيت عليه مرة ثانية رد
مصعب:ها بلضلع شلونك لك
فهد:اول شي سلم عدل ثاني شي احترم شوية
مصعب:اي خوية صار رايد شي عجيب متصل عليه
فهد:ولك اليوم جاين ناس مشتكين عليك
مصعب: منو همة غير اعرف
فهد:وين انته؟
مصعب: بالمطعم يم صديقي
فهد:خوش جايلك سديت الخط صعدت بسيارة وتوجهت للمطعم

زينب: ماكو شي رحت الهديل تكمل السالفة رحت ركض شافتني عمتي كالت
الحجية:يمة اكلج اليوم راح يجونه خطار سوينه غدة
زينب:صار عمة تتدلين رحت بستة رحت الهديل فتحت الباب جانت تدرس كلت هلو هديل اكلج
هديل:زينب مو هسا اكملج السالفه بعدين
زينب:ماجيت علمود هاي اليوم راح يجونه خطار تعاي نسوي غدة
هديل: خير منو همة
زينب:مادري ماسئلت منو يلة تجين لو تكملين قرايتج
هديل:لا اجي اصلن بس واجب عندي وحليتة
زينب:خوش اتانيج بالمطبخ
هديل:لميت كتبي ونزلت رحت للمطبخ طبعا اني مانزل جوه هواي امي جانت موجودة رحت كعدت يمة ونضحك واني سويت دجاج وتمن وزينب عليها الخفيف
زينب:سويت زلاطة وصبيته بمواعين وخليت طرشي وخضرة وسويت لبن بلنعناع وبديت اسوي حلويات يجربونه بعد الغده وي الجاي كرات الخشخش وخليت عليه حليب بعدها سويت حلى بارد كملنه الغدة ورحنا رتبنة البيت وبخرناه كعدنه بالصاله انتاني وره شوية وصلو حسب ماسمعت بيت عمهم رحت سلمت وكعدت عادي جانت هديل كاعده يمي سألتها كالت بصوت ناصي
هديل: شوفي عمري هاذا عمو ابو احمد خوش رجال بس ابتلى بمرته الحية ام احمد وجابتله ذولة الحياية احمد وملاك شوفي هاي ملاك الزاحفة الكتلج عليها ديربالج على رجلج منها شوفيها لابسة اصغر فستان عدها
زينب:ضلينا نضحك اني وياها كتلها كافي عيب لايسمعونه
هديل:عادي خلي يسمعون هاي الحقيقة
زينب:ضلينا نضحك بعدين سكتنة اجت ملاك وكعدت بنصنه وكالت الهديل
ملاك:هلو هديل شلون داكتها ضحك وسوالف ويه الفصلية واني ماتحاجيني
هديل:اول شي الي كلتي عليها فصلية عدها اسم وهو زينب ثاني شي غير مرت اخوي واحجي وياها انتي ليش مقهورة
ملاك: لا عليمن مقهورة هيه كلها فصلية يعني خدامة
هديل:ملاك انتبهي الكلامج وتأدبي والله بس يجي فهد الي اكوله
ملاك:يا وصايره تدافعيلها وبعدين شنو اخوج من يمتى ضل يحبها وهو اصلا ماراضي يتزوج
هديل:اي طبعا ادافع ومنو كلج فهد مايريدها اصلا سمعنه صوت فهد يسلم
فهد: السلام عليكم
_________________________________________
بس حبايب صح طولت بس جان اكو دراسة ماكدرت وانشاءالله تستمتعون