في صبح يوم الجمعه في الرياض
رعد: أصبحنا واصبح الملك لله يالله كم الساعه الحييين قام رعد يغسل وجهه ويتروش لصلاة يوم الجمعه
ام رعد: يلا يا اديم قومي تاخر الوقت وانتي باقي نايمه لا يشوفس ابوس قومي يا اديم
اديم: واذا شافني بيضرب خليه يضرب تعودت
ام رعد : الي حزت بخاطرها ان غضب ابو رعد يروح كله لاديم لدرجه تعودت على الضرب ، خلاص نامي انا بروح اقوم خواتك
اديم: طيب
ام رعد: راحت وهي تدعي ما تفقد اديم الي استحملت كل شي يصير فيها عشان أمها وبالعكس اديم راضيه تفقد نفسها عشان امها
حنين: رفيف قومي لاتوطى بطنتس لايجي ابوي الحين ويعصب على الكل
رفيف: ماعليييتس بس انتي لو تسدين حلقتس بنرتاح
حنين: انصدمت الله من كلامها طيب يا رفيف اوريتس
وراحت حنين تجيب ماي وكبته على رفيف والصدمه الاكبر ان رفيف ما قالت شي وكملت نوم
دخلت ام رعد وهي تشوف رفيف غرقانه وحنين فوق راسها
وطلعت لانها ضاقت على بنتها اديم
طلع رعد من غرفته وشاف باب غرفة حنين ورفيف مفتوحه وطق الباب وحنين قالت مين
رعد بضحك : عزرائيل
حنين بصدمه مره ثانيه : انتوا شفيكم اليوم علي
دخل رعد ومات ضحك على منظر رفيف الي نايمه ولاهي مهتمه
قام مشعل على ضحك رعد وحنين ودخل الغرفه وضحك معهم ونفس الحكايه قام سيف وطاح معهم
مشعل: اختكم ذي مصروعه مكبوب عليها ماي وللحين نايمه
رفيف : تبيني اقوم عليك الحين؟
مشعل: لا تاكدت انها مصروعه
رعد: توك تدري صباح الخير يالطيب
سيف: ماعليك منه ذا بدنيا ثانيه
مشعل نزل راسه وطلع لانه ضاق من كلمة سيف
رعد: شفيه مشعل
سيف: مدري لايكون زعل
حنين بصراخ : مشعل يزعللل اول مره تصير ياعررب
رعد: نزل نعله ورماها على حنين أقصري حستس يا بنت
حنين: طيب طيب
قامت اديم على صراخ حنين وهي منفسه
شافوها رعد وسيف وقالوا بنفس الوقت هلأ بالغاليه
وقاموا يحضنونها كل اخوان اديم من البنات والعيال يحبونها
ضمتهم اديم بكل قوتها لانها مكسوره ومجروحه وقالت لهم يامرحب بحبايبي
ونطت عليهم حنين وقالت وانا وانا ياكلاب تراني اختكم ضموني معكم وسيف قال لرعد اختك ذي نشبه ترا
رعد قال اصدق شي قلته حنين ضحكت وهي متعوده على هالكلام لان تعرف مو من قلبهم بس انصدموا اول ما حسوا بمويه على ملابسهم الا يناظرون رفيف تحضنهم وانا طيب وش جدار وطلع مشعل وشافته اديم وقالت بس الحين اكتملنا وسحبته بالقوه و حضنوا بعض وكان مشعل يحضن اديم بقوه لانه يحبها وهي الوحيده الي تجبر جرحه
{ نبذه عن اديم تحب اخوانها حيل ولا ترضى عليهم بكلمة وتاكل كل شي عشانهم وحنونه حنونه حنونه عليهم مره واذا طلبوا شي تسويه لهم } نكمل
رعد: خلصتوا يلا على الصلاه انت وياه
راحوا كلهم يصلون وتجمعوا بالصالة عند امهم حبيبتهم
.....................
في بيت ابو دهام
دهام : يالله صباح خير مين الي يدق هالوقت
لين : اذا ما سكرته ترا بكسره على راسك
دهام بضحك : وش قلتي وش قلتي يالحلوه
لين بحده : دهام انا كفايه علي ولدك الي يرفس بطني ولا يرحمني تجيني انت تبون تذبحوني مره وحده
دهام قرب منها وهو يبوس خدها وكان قريب من مبسمها: خلاص يالام المعصبه بنقفله
لين : الحمدالله ما بغينا
دهام: الله يعينك ياولدي والله يانك بتنجلد جلد
لين بحده وبصوت عالي : ودك تجرب قبل ولدك ؟ دهام : ضحك وراح للحمام
عند روح و نور وامهم وابوهم على طاولة الطعام
ابو دهام : دهام وينه تاخر !
ام دهام : الحين يجي
وما مرت دقايق الا جاء دهام : صباح الخير يا اهل الخير
ابو دهام وام دهام والبنات بنفس الوقت : صباح النور
ام دهام: يمه دهام وين لين ليه ما جت معك
دهام : يمه لين ذبحها ولدي ماغير يرفس فيها ولا خلها تنام
ام دهام : الله يعينها و يسهل عليها يارب
الكل : امين
خلصوا فطورهم و دهام وابوه طلعوا للمسجد
والبنات وامهم جالسين بالمجلس
................
ابو ناصر : جالس ينتظر عياله ينزلون وهو يناظر الوقت وباقي لهم خمس دقايق لو مانزلوا بيسوي مصيبه عليهم
ام ناصر : وهي جالسه تتقهوى وتتكلم مع خوياتها عشان تطلع معهم
ما مرت الخمس دقايق الا الكل نزل
تجمعوا ريهام و وليد وناصر على الاكل
تكلم ابو ناصر : يا وليد يابوك عطني البيض عندك
وليد مد يده بياخذ البيض ويعطيه ابوه الا ياخذها ناصر ويأكلها
وليد ضحك : ياليل ذا الحرامي ياخي حق ابوي
ابو ناصر ضحك : الحين وش اكل انااا ها علمني
ناصر الي كان يعرف ان عند ابوه حساسية بس ابوه مو مهتم
ناصر : عاد شسوي كنت ابيها يبه سامحني
ريهام الي تكلمت واذا تكلمت صار الجو حلو : عاد انت كل شي تبيه
قاموا كلهم من السفره
أنت تقرأ
ليه عمرُي مالقى لبره دفا الا دفاكِ؟
Roman d'amour"يا دار الأحباب كلٍ له من أسمه نصيب وأنا نصيبي من البيبان مقفولها غرَّبت نفسي بنفسي لين صرت الغريب اللي عجز ياصل الديرة وهو حولها"
