عند ريهام واديم
ريهام كانت بحضن اديم وقالت : اديم
اديم : عيوني
ريهام : مين كنتي تقصدين بتوتير ؟
اديم بتوتر : بقول لك بس شوفي مو مدري هالشعور صدق ولا لا
ريهام : قولي ماعليه
اديم بهمس : اخوك
ريهام : اوه زين
اديم بضحكه منتظره صراخ ريهام
ريهام بصدمه : هاااااه اخوي انا ؟؟؟
اديم بضحكه : ايه ايه بس شوفي مو متأكده من شعوري يعني اهجدي
ريهام بفرحة الدنيا : احلفي امااانه يعنييييي بتكونين معي بنفس البيييت ياااا فرحتتتتك يا ريهااااام
اديم بضحكه : اهجدي انهبلتي انتي
ريهاام جابت السماعه : قومي قومي ارقصييي يالدنيا افرحي يا نجد تحقق الي باااالي
اديم بصدمه : انتي تبين تفضحيني انتييي اهجدي لا اعطيتس كوع الحين اهجدي
ريهاام وهي تزغرط : اخ يا فرحتي
اديم قامت ومسكت ريهام وقالت ريهام اعقلي خلاص ما ندري يمكن اخوك ما يفكر فيني اصلاً
ريهاام بحده : وليه ما يفكر وانتي اجمل ما خلق ربي ماخذه كل الصفات الحلوه بالعايله ربي معطيك الجمال والاخلاق والصوت والجسم والشعر وكل شي !
اديم : مو غصب يحبني يا ريهام
ريهام : ابلش
اديم اقول وطي هالسماعه وبدق على البنات يجون
ريهام : جزاتس الله خير كنت بقوم
اديم بضحكه : انتي وش بلاتس تقل عجوز
ريهام : ما ودتس تنقلعين ؟
اديم بقروب البنات : بنوتاتي
نور : لبيه
روُح : امري
حنين : هلا
رفيف : وش بلاتس
غدي : هلا
ميهاف : وش
اديم : تعالوا بيت عمي صقر بنسهر فيه
البنات كلهم : تمام
..................................
عند العيال
سيف : ايه يمه وش احط بعد
ام رعد : عندكم ماجي ؟
سيف : وش ماجي ذا ؟
ام رعد : ماجي بهارات مكتوب على الكرتون ماجي
سيف وهو يدور ويده وصخه : لا مافي
ام رعد لازم : ماجي
سيف وهو يرفس سلطان
سلطان : وجع وشبلاك !
سيف قم لاقرب بقاله وجب حاجي
ام رعد بضحكه : ماجي يا يمه ماجي
سيف : الي هو يمه
سلطان : لا والله شايفني سواق انت و وجهك !
سيف : انادي عليك دهام و رعد ؟
سلطان قام وهو يتحسب على سيف
سيف : ايه ياحلوة اللبن
ام رعد : وبعدين حط شوية مويه ومعجون طماطم وبس يمه
سيف بحب : اخخ يا جعلني ما ابكيتس يابعد الدنيا
ام رعد : يلا عاد توكل
سيف : مع السلامة وانتبهي لنفستس ولجمالتس
قفل سيف وهو ينتظر سلطان
..................................
عند الجد دهام
كانوا رعد و مشعل ودهام واسماعيل يسولفون عن المباراه
دق جوال دهام وكانت امه المتصله
دهام : لبيه
ام دهام بخوف : دهام الحق يا دهام
دهام فز من مكانه وقال : وش العلم وش بلاكم
ام دهام : لين يا يمه لين بتولد
دهام بصدمه : وشهو وقفل دهام وركض للسياره
رعد بخوف : وش العلم
ابو حمد : قم ياقليل الخاتمه شف ولد عمك وش علته
رعد والعيال قاموا
رعد : دهام وش صاير
دهام بصوت متقطع : لي.. لينننن ... بتولد ... يالرعد
رعد والعيال مشوا لبيت ابو دهام
..................................
عند ام دهام
لين بصراااااخ وجهها معرق : بولددد تكفووون
ام دهام : اهدي يا لين وصلي على النبي
لين : عمه تكفيييين يا عمه ما اقددر
ام دهام : اصبري يا يمه اجر باذن الله اجر
لين بصوت باكي وهي ترجف : خايفه يا عمه خايفه اموتتت
ام دهام بحده : لحول ولا قوةً الا بالله اذكري الله
لين بصراخ : يا دهااام وينك يا دهااااام
روح : يمه دقي على الاسعاااف يا يمه
ام دهام : دقايق ويوصل دهام وكانت لين تاخذ انفاسها بصعوبة
فكرت ام دهام تولدها بس استبعدت الفكره خوفاً على لين و والبيبي
لين صرخت صرخه مرعبه وبعدها صمت
ام دهاام بخوف : ليييين ليييين يايمه ليييين بسم الله عليتس
روح وهي تبكي
لكن زاد الرعب اول ما سمعوا صوت البيبي الي انتشر بكل البيت
شهقت روح وركضت تدق على دهام بس دهام نسى جواله بالعزبه
ودخل دهام وشاف المنظر و سودت الدنيا بعيون دهام
وطلعوا ركض للمستشفى
نزل دهام وهو معرق ويرجف وينادي الطورائ من فكرة الفقدان بدوا الممرضين يركضون لسيارة دهام وخذوا لين والبيبي ونزلت ام دهام وهي تهدي دهام وتدعي لـ لين
وكان دهام يسال الرايح والجاي وين لين و وصلوا مكان الانتظار وكانوا ينتظرون احر من الجمر وبعد انتظار طويل
طلعت الدكتوره و وجهها اصفر بعد محاولات وهي تنقذ لين
دهااام بصراخ : مييييين ؟؟
الدكتوره : لا ابشرك ما فقدنا احد الحمدالله وصحتها كويسه و و الولد كويس
دهاام : ولدد !!
الدكتوره باستغراب: ايه ولد ما كنت تعرف ؟
دهام : لا قالوا لنا بنت
الدكتوره بضحكه : لا لا ولد و ولد مثل القمر
دهام فز وحضن امه حضن طويلل وبكى من كل قلبه
ام دهام : الحمدالله لك يارب الحمدالله يااارب
دهام من الفرحه مايدري يجلس يقوم ونزل يسجد سجدة شكر وراح يكمل الإجراءات وبعد كم ساعه صحت لين وهي مفجوعه وتصارخ : وين بنتييي وين البنت
دخلت الممرضة مع دهام
الممرضة: مدام مافي خوف ولد انت موجود
لين بعصبيه : تكذبيين انتي دهاام بنتي وينها
دهام بضحكه: قصدتس ولدنا ؟
لين باستغراب: وش تقول انت ولد ؟؟
دهام : اي يا حبيبتي ولد مو بنت جحفلنا وطلع ولد
لين بخوف : بشوف الان بشوف يا دهام الان
دهام : اهدي يا لين الدهام اهدي
لين توها تستوعب وضحكت : يعني ولد مو بنت
دهام وهو يبوس راسها : اهخ اي ولد
لين : من بدايتها كذا
دهام طلع عشان يبشر اهله انه جاه ولد
وكتب بقروب العايله : ابشركم رزقني الله بولد والحمدالله مرتي بخير و ولدي بخير
ابو رعد : مبروك يا ولدي الله يجعله من البارين الصالحين
ابو ناصر : مبروك ياولدي والحمدالله على سلامة مرتك و ولدك
ابو دهام : يا عساه من مواليد السعادة والحمدالله على سلامته وسلامة امه
ام سلطان : مبروك يا دهام ومبروك ما جاك والحمدالله علو السلامه
ام اسماعيل: الف مبروك ياولدي والحمدالله على سلامتهم
دهام : الله يسلمكم
وما وقف جوال دهام من التبريكات
..................................
بقروب العيال
رعد بضحك : اجل جحفلكم
دهام : يا شيخ اسكت وقسم بالله لو تشوف المنظر الي شفته لا تنصرع بمكانك
سيف : مطنوخخخ الذيببببب جحفلكم انه بنت وطلع للدنيا ولد
سلطان : ماعلييه المهم عدت على خير يا رجال الحمدالله على سلامتهم وجعله من مواليد السعادة المطنوخ
رعد : ايه والله ذا الاهم ومبروك يالخوي
سيف : مبروك يا ولد العم و اوريك اذا ما خليته سربوت ما اكون سيف ولد حمد
رعد : والنعم بس اهجد لا اكفخك الحين
اسماعيل: مبروك يا دهام والحمدالله على سلامتهم ولا تخلي ولدك مع ذا الخبل وقسم بالله من الحين اقول لك ولدك بيجيك مصروع
دهام بضحكه : سيف والله لو جيتك ما تسلم
سيف : اقول انقلع بس
( هاي بنوتاتي الحمدالله على سلامة لين الدهااام و ولدهم المطنوخ الي جحفلهم ان شاء الله في بارت ثاني اليوم استمتعوا ✨)
أنت تقرأ
ليه عمرُي مالقى لبره دفا الا دفاكِ؟
Roman d'amour"يا دار الأحباب كلٍ له من أسمه نصيب وأنا نصيبي من البيبان مقفولها غرَّبت نفسي بنفسي لين صرت الغريب اللي عجز ياصل الديرة وهو حولها"
