بعد شهر
اديم : اوف متوتره خايفه
ريهام : وش فيتس رايحين تختارون القاعه عادي
اديم: بروح مع ناصر لحالي
ريهام طنشتها: تعالي امسكي حطي مسكرا والبسي اكشخ شنطه عندتس والبسي كعب خفيف نتفه كذا
و وين العبايه الجديده
اديم بخوف : تحت
ريهام : زين حلو اجل البسي ساعه وإكسسوارات والدبله اهم شي
اديم : امشي ننزل عشان اذا جاء اطلع بسرعه
ريهام : يلا و وش باقي ما جهزتي
اديم : بعدين اقولتس اذا رجعت نامي عندي عشان نخطط وش باقي وما باقي لاني متوتره وضايعه بشكل كبييير
دق جوال اديم : ناصر
ريهام : ردي
اديم بصوت خفيف : هلا
ناصر فز قلبه : انا برا
اديم : تمام دقيقه واطلع
ناصر قفل وانتظر اديم و ركبت اديم وانتشر عطرها بالسياره
اديم : السلام عليكم ورحمة الله وبركاته
ناصر اخذ نفس عميق : وعليكم السلام عليكم ورحمة الله وبركاته وكان ناصر يناظر لها
ناصر : شلونتس
اديم بصوت خجول : بخير انت شلونك
ناصر : جعله دوم ، بخير
اديم : تدوم لاحبابك
ناصر ابتسم لها : تسمعين شي ؟
اديم كانت تطقطق على جوال وتكلم ريهام : عيوني شنو
ناصر ابتسم بعد كلمة عيوني : تسمعين شي
اديم : عادي اي شي اسمعه
ناصر شغل اغنيه وهو يناظر عيون اديم :
عيونك اخر امالي وليلي اطول من اليم
كيف القى كلامٍ عذب يوصف دافي احساسي
عشقتك قبل ما اشوفك وشفتك وصرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
وكانت الاغنيه توصف ناصر و شعوره وكان ضايع برموش اديم وعيونها وكان وده يضمها وتحتويه كان وده يطيح بحضنها ولا يقوم لا عشان سدن ولا عشان غيرها كان يشوف اديم شي مو قادر يفهمه بس في شي يقول له لا يقول له : مالك حق تحبها مالك اي حق تقرب منها وانت تبي تتزوج عليها وهي عروس
اديم : ناصر ناصر
ناصر : لبيه
اديم : ممكن اشغل شي انا ؟
ناصر : مو على اساس تحبين كل شي
اديم : ياخي لا تصير بزر بالعكس احب عبادي مرره
ناصر عطها جواله وكانت اديم تبحث عن الاغنيه ولقتها :
لو جيت افسر هالغلا اتحمس
اتخيلك بوسه تجي بين الخدود
من بوستك صعب علي اتنفس
كاني طفل ضايع لحضن امه يعود
و اديم ما كانت تقصد شي صحيح تحب ناصر لكن مو ذاك الحب وكان ناصر يناظر لها وقال : وصلنا
اديم : بسم الله ونزلت
و وقفت جنب ناصر لكن فز قلبها ونبض بقوه و زادت انفاسها وكانت ضلوعها ترجف اول ما حست باصابع خشنة بين اصابعها ويد كبيره غطت يدها ناظرت ليدها وشافت يدها مشبوكه بيده وكانت تحاول تهدي انفاسها السريعه بس زادت اكثر اول ما حست بيد ترفع وجهها لعيونه كانت تناظر عيونه وهي قريبه منه بالحيل ويدها بيده وصدرها قريب من صدره وتحس بانفاسه و نبض قلبه
ناصر : وين رحتي ياحلوه
اديم محتاره بعيونه و ودها تفهم وش تقول هالعيون ليه لهدرجه تخوفها وتخلي قلبها يزد اكثر واكثر
اديم : بس تذكرت شي
ناصر تحرك وتحركت معه اديم وكانت قريبه منه وتشوف صدره يرتفع وينزل
اديم غمضت عيونها بقوه وهي تحاول تنسى الشعور
ناصر : اديم
وما كان يسمع رد من اديم وناظر لها
ناصر بخوف : ادييم ادييم
اديم فزت : هلا
ناصر قرب من وجهها : شفيتس صار لتس شي
اديم بعدت وجهها : لا ماصار شي كمل
ناصر تركها على راحتها : ايه شوفي هالقاعه هذي اللي تبينها
اديم : وش عرفك اني ابيها
ناصر ضحك : ام زكي
اديم شهقت ومسكت وجهه وحطته قدام وجهها : وش قالت لك بعد
ناصر فز قلبه وعجبته هالحركه اللي كان مو متوقعه من اديم بالذات : لا تخافين اختي مو خبله لهدرجه تقول كل شي اهدي بس قالت ترا اديم تحب هالقاعه وانا اخذتها لعرسنا
اديم بفرحه : اماااانه
ناصر ضحك : ايه والله
ضحكت اديم وحضنته وناصر انصدم وش هالشعوره اللي جاه فجاءه قلبه زاد نبضه وعيونه ترجف وضلوعه بتطلع و انفاسه زادت بس ما طول هالحضن كثير أديم استوعبت اللي سوته
اديم بفشله : معليش تحمست
ناصر : لا .. لا عادي انا زوجتس مافيها شي
اديم : مشكور والله وطلعت اديم تركض للسياره وركبت وضمت رجولها لصدرها وصرخت بفشله وقالت : انتييي خبله تضمينه عشان هالشيييي يارررربييييي خبله ودقت على شهد
ادييم : الحقينييي
شهد : احتزمي بي وش بلاتس
اديم : روحي لبيت ابوي بسرعه
شهد : ابشري الحين اروح
وقفلت اديم وتعدلت اول ما ركب ناصر السياره
ناصر : وخلصنا من القاعه
اديم : يملا العافيه والله
ناصر ابتسم لها وشغل السياره ونزل ياخذ لهم قهوه
اديم بينها وبين نفسها : وين ذلف
ورجع ناصر وركب ومعه قهوتين V60
ناصر : امسكي ذي لتس وجبت لتس من الكافي اللي تحبينه
اديم : لي انا ؟
ناصر : وفي احد غيرنا بالسياره
اديم ضحكت واخذت القهوه : يمكن ام زكي تطلع لنا الحين
ناصر : ما استغرب اصلاً لو طلعت لنا فجاءه
اديم كانت تناظر له بحب لانه يعرف قوتها المفضلة و من وين : يعطيك العافيه على القهوه
ناصر ابتسم لها وتحرك ودق جواله وكانت سدن وقفل بوجهها ورجعت تدق اكثر من مره
اديم استغربت وناصر لاحظ نظرات اديم وقفل جواله بالكامل وابتسم لها وكانت اديم تفكر مين ذا او ذي ونزلت او ما وقف عند بيتها ودخلت ونزل هالكعب اللي ذبحها وركضت لغرفتها ودخلت وشافت شهد تتهاوش مع ريهام
ريهام : يابنتي وش اعدام !!
شهد بعصبيه : تعلمينييي بشغليييييي وش فيج انا افهم اكثر منج
ريهام : بسبب سرقه اعدام
شهد : ياااربي تعبت تعتب من الغباء اللي متوارث عندنا
اديم : تراني جيت
شهد و ريهام : علمينا شصار
اديم بخوف : بسم الله الرحمن الرحيم الناس تسلم وانتوا علطول تبون تعرفون كل شي
شهد بعصبيه وهي تاكل سلطه : اذا ما علمتيني بزعل منج
اديم : اقول كلي اللي بفمتس اول بعدين تكلمي
ريهام : حماره
شهد : طالعه عليج ياحظي
ريهام : وعع وعع يبي لها اصفقها
شهد تقدمت لها و باستها : وهذي لج
ريهام : انا بصفق نفسي
شهد ضحكت واديم دخلت تبدل ملابسها وطلعت بعد مالبست شورت وجابت شورت لشهد عشانها
اديم : امسكي
شهد : ليه بروح
اديم : على وين ان شاء الله يالطيبه
شهد : ما علمت امي
اديم دقت على خالتها وقالت لها وقفلت : قالت اصلاً ماعندي بنت شهد خذوها انتوا دامج تبينها خوذيها حلالج
شهد شهقت : باعتني
اديم : حرام عليتس تحبس اكثر من كل شي
شهد حضنتها : وانا احبج اكثر من كل شي
اديم بزعل : اللي يحبني ما يزعلني
شهد : ياليل يابنتي
اديم طنشتها وانسدحت : المهم اجلسي يلا وتعدلوا
تعدلوا البنات وابتسمت اديم بخجل واخذت المخده وحطتها بوجهها وصرخت
ريهام : اوووه وش مسوي اخوي
شهد ضحكت : وش مو مسوي
اديم جلست ورجعت شعرها وراء أذنها وقالت لهم السالفه وهي ميته من الحياء
ريهام بصدمه : مستتتتحييييلللل اخووووي كذا ما توقعته
شهد : ولا انا ولا يعرف الكافي اللي تحبينه واااي رومنسي
ريهام رفعت راسها : اكيد حبيبتي اخوي رومنسي ودامني اختي اكيد ذوق
اديم وشهد : من جنبها ذوق
ريهام : حبيبتي تسبين اخت زوجتس وانتي تسبين بنت خالتس
شهد : ياليل يالشخصنه توكلي بس
اديم : المهم اشتري فستان عرس ولا استاجر
ريهام : وليه تشترين فلوس على الفاضي
شهد : صدق والله
اديم قوست شفايفها: المشكله ذوقي صعب ماراح يعجبني شي اعرف نفسي
ريهام : اجل والله لا نشتري
شهد : ايه والله بس لا نشوف هالشفايف كذا تكفيين
اديم ضحكت : بس ترا ببيعه ماعليكم
ريهام بطرف عين : لو ما بعتيه انا ببيعه فاهمه
اديم فكرت بالموضوع: ولا اقول استاجر احسن
ريهام : وش هالتناقض يااااربي
شهد ضحكت وطاحت بحضن ريهام
ريهام : والله انتس حلوه
شهد : شكلج تحبيني
ريهام قامت ومدت يدها لها وقامت شهد وقالت ريهام : تتزوجيني ايتها الاميره
شهد : نعم ايها الامير
اديم تخصرت : وانا وش جدار
شهد سحبتها : تتزوجيني ايتها الاميره
اديم : نعم نعم ايها الامير الجميل
ريهام : اسرع خيانه بوجه التاريخ
شهد ضحكت واديم طلعت تكلم مشعل وركضت وراها ريهام وشهد وقالت ريهام : وين رايحه شصاير
اديم : انتظري اكلم مشعل ايه وش تقول
مشعل فز اول ما سمع صوتها : بكره الملكه
اديم وريهام و شهد باستغراب : ملكة مين
مشعل انفجع منهم : بسم الله الرحمن الرحيم أعوذ بالله
اديم : ملكة مييين
مشعل : رعد بن حمد بن دهام ال هاشم على
نور بنت احمد بن دهام ال هاشم
ريهام زغرطتتت بفرحه : احلفففف
مشعل ضحك: والله يا ريهام
شهد بفرحه : انتتصررررر الحببببب
اديم : يالله يالفرحه يارب تدوم هالافراح ببيتنا
الكل : امين
اديم : عقبالك يالمشعل
مشعل بحزن : يصير خير وقفل
ريهام : انتي خبله تقولين له كذا وهو ما تخطى زوجته
شهد صرخت : مو رعددد
اديم : بسم الله لا مشعل اللي توفت زوجته وحبيبته
شهد بحزن : ياروحي والله اخخ احس بصيح
اديم : لا تكفين مافيني انا اصيح انا بعد وانا عروس
ريهام : غريبه نور ما قالت لنا
شهد : دقي عليها شوفي ودقت ريهام على نور
نور : نعم شتبين
ريهام : نايمه
نور : هم
ريهام : بكره رعد بيجي يملك اختي نور
نور : طيب شسوي.... هاااااه وشششش
ريهام : اذني يالكلبببه اذنييييي
نور قامت وطاحت وصرخت
اديم وهي تاكل : طاحت الخبله
نور : وين الجوال
ريهام: الو الو
اديم : يابقره تدور الجوال اصبري
نور : الو موجوده
ريهام : ايه
نور : وش تقولييين بكره رعودي بيجي يملك
البنات بصوت واحد : رعودّي !!
نور : اخلصوا بكررره !
اديم : ايه تو حددوا
نور : كم الساعه
اديم : ٥ المغرب
نور : يمدي نطلع للسوق نشوفف
اديم : يلا بدق على رعد
نور بصراخ : لااااا الا رعد يويلتس
اديم : مشعل
ريهام بصراخ : لااا
اديم : لحول انتي وياها مو كيفكم قوموا بسرعه طلعوا نقابتكم والدنيا وركضوا البنات ودقت اديم على رعد
رعد :لبيه
اديم : تعال للبيت
رعد : ابشري
و راحت اديم تكمل اكلها وتضحك على شهد و ريهام يتهاوشون على الكوايه و دق جوال اديم وقالت : رعد بررا
شهقت شهد : حسبي الله على عدوج اخلصي يلا
ريهام طلعت لسانها : تستاهلين
شهد : اخلصييي بسرعه باقي الطرحه والنقاب انا
ريهام البسي عبايتس والحين اخلص وراحت شهد تلبس وتخلص
اديم ركبت قدام : سلام رعودي
رعد بشك :رعودي ؟
اديم : السلام
رعد : وعليكم السلام بس اكيد تبين شي
اديم : لا والله مو انا اللي تبي نورك
رعد : نوري
اديم : ايه نورك قالت رعودي قبل شوي وخذيت الاسم منها
رعد : نوري قالت رعودي
اديم : ايه والله
رعد ابتسم بقوه بس اختفت ابتسامته اول ما شاف ثنتين يركضون للسياره
رعد : بسم الله مين ذولي جنون
ريهام : جنون فعينك
رعد : هلا والله ام زكي توقعت انها انتي
ريهام : سد حلقك ورح لبيت عمي ابو دهام بس
رعد بحده : اعقب
ريهام فزت وصرخت : وجع خوفتني ياكلبببب
رعد : انا كلب ؟
ريهام : لا اديم
اديم : حطي كل شي بظهر اديم كل شي
شهد : اللي يحب يتحمل
ريهام : صحح صح بنت خالتي الحب افعاال
اديم : الله يستر بس
وتحرك رعد لبيت عمه وشافت نور من الشباك وانصدمت برعد ونزلت عبايتها ولبست اكشخ عبايه عندها وحطت مسكرا و مناكير وهي كانت لابسه عبايه من سنة جدها و ظبطت شكلها ونزلت وشافها رعد وابتسم وركبت
نور : السلام عليكم
الكل : وعليكم السلام
شهد : شلونج يالعروس
نور : العروس اديم توني ما صرت عروس
اديم : ياروحي بتصيرين بكره عروس
نور بصوت عالي : مدري ليه مستعجل الله يهديه خلينا نخلص من عرس اخته ونفرح فيها بس هو اللي يخليني عروس
رعد : سبحان الله اللي يحب يستعجل بكل شي
نور قربت وهمست باذنه : اعلمك بعدين كيف تستعجل بدون ما تقول لي
رعد : قلت لتس خلينا نسوي حفل بعد اسبوع قلتي لا بس عائلي صح ولا لا
نور : صح بس يعنييي مو بذي السرعه
رعد : نتفاهم لحالنا الحين مو وقته قدامهم
نور زعلت وانتبه لها رعد وكمل طريقه للمول و نزلوا البنات ومسك نور
نور : تراني باقي ماصرت زوجتك شبلاك لا تلمسني
رعد رفع ايدينه : معليش بس الحين وش فيتس زعلتي
نور : لانك خليته بكره ياخي ما جهزت نفسيي ولا الحلا ولا شي
رعد طلع جواله : جدي شلونك شرايك نخلي الملكه بعد اسبوع لان عندي شغل بالدمام وبتاخر اسبوع
ابو حمد : زين ياولدي
رعد قفل جواله وقال : ارتاحي وراح وتركها
نور بينها وبين نفسها : لايكون زعل وركضت وراها
رعد : الحقي البنات انا بشوف خوي لي هنا يخاويني اسبوع للدمام
نور : زعلت
رعد بحده : لا و روحي بسرعه قبل لا يبعدون وتضيعين
نور راحت للبنات
ريهام : جت نور
اديم : اخاف مسوي شي لها اعرف اخوي مو صاحي الله يستر
شهد : هالفستان حلو
ريهام : حنا وين وانتي وين
شهد : شسالفه
ريهام : اتوقع تهاوشوا
اديم : الله يستر بس
نور بخنقه: يلا بنوتاتي
اديم : شفيتس
نور قالت لهم السالفه
اديم : خبله مفروض ما تزعلين كذب على جدي عشانتس
نور : ايه بس مدري شفيه تضايق
اديم : ماعليس نهايته بيرضى
نور : ماعليه اعرف شلون اجيب راسه
اديم ضحكت
أنت تقرأ
ليه عمرُي مالقى لبره دفا الا دفاكِ؟
Romance"يا دار الأحباب كلٍ له من أسمه نصيب وأنا نصيبي من البيبان مقفولها غرَّبت نفسي بنفسي لين صرت الغريب اللي عجز ياصل الديرة وهو حولها"
