ليه عمرُي مالقى لبره دفا الا دفاكِ؟

البارت السابع عشر

بيت ابو حمد
ام حمد : يارغد
ام رعد : لبيه
ام حمد : تعالي يا بنتي اسمعيني دقي على الرعد و قولي له ياخذ الشيبان ويروح لمخيمي بالعزبه زيين
ام رعد : ان شاء الله ودقت ام رعد على رعد
رعد : سمي يا ام المعرس
ام رعد بضحكه : قصدك ام العروس وانا امك
رعد : لا يا يمه خطبت انا
ام رعد صرختتت : وشهو وش تقووولللل انتتتتتت
رعد : بسم الله الرحمن الرحيم وراتس رحت خطبت مع جدي وابوي
ام رعد : يااااراااسي يويلي ويلااااه انت ما تخاااف ربك
ام حمد : وش بلاه السربوت وش مسوي بعد لا تقولين لي فقع راس احد
ام رعد : ياليت يايمه ياليت بس انا بفقع راسه
ام حمد ضحكت : وراه وش مسوي الماخوذ
ام رعد : خطببب
ام حمد : ماشاء... هاااه وش وشوووش ووشو منهو
ام رعد : منهو السربوت
ام حمد خذت الجوال من ام رعد : يالله ما تستحي ماعندك اهل تعلمهم
رعد ضحك : ياجده يا حبيبتي
ام حمد بحده : قص الله لساانك لا تقول حبيبتي لو اني صدز حبيبتك كان علمتني ياللي ما تستحي
رعد : يا جده قبل ساعه علمت جدي وقال امش
ام حمدد : يويلييييي ويلااااه فضحنا انا ماخذه وش ياااربي
ابو حمد : شيخ
ام حمد : والله من جنبها شيخ اقول تعال للبيت واعلمك انت وحفيدك الكلب السربوت
ابو رعد : الحمدالله مالي دخل اجل
ام حمد : انت بالذات لا اسمع حسك
ضحك رعد : وش بلاتس يا جده
ام حمد : منهي البنت
رعد : من بناتس
ام حمد : بناتي شكثرهم اي وحده منهم
رعد : نور بنت احمد بن دهام ال هاشم
ام حمد ضربت صدرها : يويلي انت صاحي البنت صغيره علييك
ام رعد : منهي يا يمه
ام حمد : نور
ام رعد زغرطت : بالعكسسس احسنن البنااات نور
ام حمد : كم عمرها هي
رعد : كبيره كبيره
ام حمد زغرطت : مبروك اجل يولدي
رعد : بدري يالغاليه
ام حمد : اقول سد حلقك واسمع
رعد ضحك : سمي يالغاليه
ام حمد : ابيك تقول للكل يجهزون اغراضهم بنرقد بالمخيم اللي بالعزبه اسبوع زين
رعد : ابشري يا شيخة الرعد
ام حمد ضحكت : لا يسمعك جدك بس
ابو حمد : ياقليل الخاتمه مرتي انت شتبي
وقفل رعد وهو يشوف عقال طاير له من بعيد
.................................
بيت ابو رعد
دخلت ام رعد
ام رعد : رعد خطب
اديم شرقت بالقهوه : وششششهوووو
رفيف غصت بالاكل : ايشششششش
حنين جت ومعها ورق عنب : شبلاكم
الكل قال : رعد خطبب
طاح من يدها الاكل وقالت : هاااااه
اديم رفعت ثوبها وحطت رجلها للباب وطلعت قدام رعد وقالت : انت صااااحييييييي منهيييييي
رعد بمزح : اخت خوي
سمعوا البنات واللي ترفع ثوبها واللي تشيل الجزمه معها وقالوا البنات بصوت واحد : و نوررررر
رعد دخل وجلس : والله شفت نور مو ذاك الحلا واخت خوي صاروخ وطحت بحبها
اديم مسكت راسها بقوه : انت بلاك شي علييك سخونه انت وراك تسذا علامك الله يقعلك ولا يردك و البنيه المسكينه يويللييييييييي حااااالي
حنين : مبدول انت مبدول
رفيف : ابك مير انه تسلب
رعد : طلع العرق
اديم اخذت الخيزرانه ومسكت ثوبها بيدها الثانيه وركضت لرعد وشافها رعد وقال : اصبروا اصبروا بعلمكم
اديم اخذت طرحتها وشدتها على راسها وجلست
اديم : انطق قبل لا اتوطى ببطنك
رعد : شوفوا انتوا قولوا لها رعد لقى احسن منتس طول و عز وجسم وجمال وطبخ والبنت تجنن وتهبل و نور خبله لو احد قال لها احبتس تصدقه
اديم ارتفع ظغطها : يويليييي اذبح نفسي ولا شسوي ودخل مشعل و سيف على كلامها
سيف : وش بلاتس صرتي جدتي
اديم : تعالوا شوفوا اخوكم خطب غير نور ورعد كان قايل لهم المقلب اللي بيسويه بالبنات 
مشعل : ماشاءالله تبارك الله الله يتمم على خير و وش يبي بنور ذي بكره بس تبكي عند راسه على اي شي
سيف : الحمدالله خذيت برا العايله احسن قرار وانا اخوك
اديم مسكت راسها وجلست تصيح
رعد انصدم : ابك خطبت نور يالخبله
اديم : احلففف امانه احلف
رفيف وهي تاكل : مستحيل اصدقه
رعد : انا اللي مستحيل اصدق لو جاني علم انس ما تاكلين
حنين : يراسي مخي مو مستعوب وليه تكذب على البنت انك تحبها
رعد ناظر لاخوانه : اكتشفت الغباء متوارث عندنا
الكل : وانت اولنا
رعد ضحك وتعدل : اسمعوا انا خطبت نور بنت احمد بن دهام ال هاشم
البنات : احلف
رعد : يويلي ويلااه انا اموت فيها وتبوني اخذ غيرها والله لو مهرها الموت اني لا اموت وانا ما اشوف الدرب وانا رعد ولد دهام ما اقول كلمه الا اني قدها
اديم زغرطت باعلى صوت
رعد : وجععع إذني ابيهااا
حنين : مبرروووووك يا نجد العذّيه اخوي التسلب بيعرس والله يعين بنت الناس لا يطير عقلها و تجينا ثاني يوم تبي الطلاق منه
رعد قام شالها للطين وقال : انزلتس
حنين باست راسه : انا التسلبه بس نزلني ياخوي مشعل ياخوييييي افزززع لاختتك
مشعل : مالي دخل انا انتي يبي لسانتس القص
حنين ناظرت لسيف وسيف قال : ظلام ما اسمع وطلع برا
حنين : اخ يافارس احلامي وينك تفكني منهم
ورجع سيف اول ما سمع كلامها وقال : ايش قلتي فارس احلامتس الا والله بنظلم الولد فيتس ثاني يوم يجينا يقول انتوا معطيني ادميه ولا تسلبه
حنين كانت على كتف رعد ورفعت راسها : نزل رعد ونزلها رعد وقالت : نعم يا حبيبي الا والله انه محظوظ
مشعل : والله مقرود مو محظوظ واذا صبر عليتس اصلاً بسجل كل فلوسي باسمه
رعد : وانا بعطيه كل حلالي
سيف : وانا اعطيه روحي على صبره عليتس
حنين : والله بيكون سعيد حظ هالرجال اللي بياخذني
رعد : يراسي يالثقه توكلي بس لا اجيتس
اديم : خذوا هالاغراض و جيبوها واخذ رعد الاغراض وقال : اكثر من شعر راسي وخذت اديم الورقه منه وقالت : سيف و مشعل عليكم الخضار و الفواكه و رعد عليك المقاضي
وطلعوا اخوان بطلتنا يشترون الاغراض
اديم : رفيف
رفيف : هاه
اديم : وجعاه قومي جيبي الصابون وطلعي الفرشه اللي فوق
رفيف : ليه انا بالذات
اديم : لانتس اطول وحده فينا وانا ماقدر اوصل لها يلا اعجلي
رفيف : انا ليه ما خذيت من طولكم وجع
اديم ضحكت : حنين وانتي جيبي مكنسة الغسيل وشغلي المويه وجيبها دام الجو حار بسرعه
و رجعوا البنات ورفعوا شعورهم
حنين : شعري قصير شلون ارفعه
اديم : مين قال لتس تقصينه
رفيف : صح شعري طوله يعتبر قصير بس ربطته
اديم راحت لحنين و ربطت شعرها وقالت : ارفعوا ثيابكم بس لا توصل فوق الركبه عشان لا جو اخوانكم فاهمين  و رفعوا البنات ثيابهم وجلست اديم ترش مويه على الفرشه وحنين تكب الصابون على الفرشه و رفيف جابت الكاميرا و حطتها بمكان باين عشان يوضح كل شي
اديم : اسحبي الهوز
حنين : وش اسحب
اديم تعاالي لا ينفلت من يدي ويرش علينا
حنين ركضت و زلقت
اديم خافت وتركت الهوز اللي قام يرش بكل مكان بس سيطرت عليه رفيف وعطته اديم و الحوش صار كله ماي
اديم : يويلي حالي انتس خبله
حنين مسكت ظهرها: يويلي ظهري انكسر
اديم : وانتي خبله علطول كسر قومي بس قومي
وقامت حنين و دخلوا العيال والأرض صابون ومعهم بطيخ واحد مع سيف والثاني مع مشعل وصرخت اديم : في صابون انتبهوا بس ما سمعوها العيال وطاح مشعل وطاحت البطيخه على بطنه وضحك عليه سيف ونزل البطيخة عند الباب ودخل وطاح على جنب مشعل
مشعل : حوبتي يالماخوذ ودخل رعد معه الاكياس و واحد بفمه وطاح معهم
اديم ضحكت : اخ يراسي ما تسمعون انتوا صار لي ساعه اقول في صابون
رعد : ظهرريي اخخ
اديم راحت لرعد تبي تساعده يقوم وسحبها رعد وطاحت
اديم بكت : وجع يالخايس جايه اساعدك
رعد قام وطاح وقام وتمسك وحنين تضحك على طيحاته وتصوره لنور
نور : يازييين زوجي
حنين : مسرع تو تو الناس ما صار زوجتس
نور : بس بيصير بالنهايه
حنين : انقلعي وطفت جوالها وراحت تكمل تغسل الفرشه
ورفيف تاكل وتغني وتغسل
رعد : ليه الدموع وش يرضيتس علميني
اديم بخبث : ابيكم تغسلون معي الحوش والفرشه
رعد : ابشري بس وصرخ قال : سيف مشعل و كانوا العيال ياكلون البطيخ بالمطبخ وثيابهم ماي
سيف بصوت عالي : هاااه يالنشبه شتبييي
مشعل : ماعليك منه كمل
رعد : اديم تبكي
سيف بصدمه : وشهوووه
مشعل غص بالاكل : اييشششش وركضوا وطاحوا بسبب الماي وقاموا وركضوا لاديم وقال سيف : مين ابن الكلب اللي زعلتس اديم ناظرت لرعد وقالت بصوت باكي : رعد
مشعل : ولعنه
رعد : وجع لا تلعن حسبي الله على عدوك يالكلب
سيف كان بيضربه عشان دموع اخته وفزت اديم تمسكه وقالت : انتظر انتظر برضى بس اذا ساعدتني بالحوش انت و مشعل
سيف : تم مشعل امسك الصابون وحطه بحلق رعد
مشعل : راح للصابون وأخذه و راح لرعد
رعد كان يرجع وراء ويقول : تستهبل انت وياه صح
مشعل : تعال عشان مره ثانيه تزعل الغاليه
رعد : تراها اختي بعد
سيف نط على ظهره : يالردي دامها اختك يالسلوقي ليييه تبكيها هاااه وعض كتفه
رعد صرخ : وجع كتفي انا ما سويت شي وقسم بالله من وراء راسهااا
سيف : شرايك تدور فيني احس وناسه
رعد بحده: وراء ما تنزل قبل لا انزل فيك ضرب
سيف : احم سم طال عمرك ونزل والعيال رفعوا ثيابهم و اكمامهم وكل واحد مسك لها شغل
رعد ينظف مع اديم الفرشه بالمكنسه
وسيف ومشعل يتهاوشون مين يمسح الارض بعد الغسيل
ورفيف وحنين ياكلون ويفكون بين مشعل وسيف و ام رعد طلعت بقوتها وتراقب عليهم
ام رعد : في ثلاث مسحات داخل ونطوا العيال ياخذونها وطلعوا بعد ما نزول ثيابهم
رعد : راح اعد لثلاثه ونطلع الماي كله برا زين
العيال والبنات : زييين
رعد : واحد اثنين ثلاثة
وانطلقوا عيال ام رعد يشفطون الحوش من الماي ويطلعونه برا واللي فاز من العيال رعد واللي فازت من البنات حنين ورجعوا يتسابقون مره ثانيه ورعد كان بيفوز بس سيف حط رجله على رعد و رعد طاح وسيف فاز
رعد :غشاش انت طيحتنيييي يالكلب
ام رعد : ياللي ما تستحي تراني موجوده
رعد حك راسه وابتسم : امم يالغاليه معليش
ام رعد : استغفر الله واتوب اليه
سيف : والله مالي دخل فييك عاااد
رعد : بكره تجي نور وتجلدكم
سيف : امحق اقولها اء تصيح اعرفها ذي
رعد بغيره : خيييير وش تعرفها يالطيب
سيف بخبث : اعرفها واكثر من مره شفتها وسلمت عليها
رعد بيرد ولعبها صح : ايه وانا بعد شفت روح وسلمت عليها
سيف : اعقب ما تقول اسم حرمتي
رعد : وانت لا تقول اسم حرمتي ولا تقول شي انت مو قده
سيف بعصبيه : ياااخي نمزززح شفيييك
حنين : تبون اكل
لفوا عليها وقالوا بصوت عالي : لااا
حنين : احسن
رعد مسح وجهه وقال : السموحه ياخوك
سيف : شدعوه يالرعد تمون تمون

(( مالي وجه بس ماعلييييه سامحوني وجبت لكم بارت عائلي وفيه ضحكك وبكره الرومانسيه والحببب واللقاءات و الاعترافات لاني اشتقت للجو العائلي وتسذا 🫣وبنزل بهالوقت ان شاء الله حبايبي وعطوها حقها عشان نستمر وتعالوا انستا و ادري مقصره بس اصبروا بعوضكم بدال البارت الواحد بنزل اثنين مع بعض وكلما مره اتقدم خطوه وانزل اكثر واكثر ياقلبي انتوا
فمان الله استودعكم الله الذي لا تضيع ودائعه ❤️❤️❤️❤️❤️))