ليه عمرُي مالقى لبره دفا الا دفاكِ؟

البارت الواحد والعشرين

في السياره
كان ناصر ماسك ايدها الصغيره بقووه ويتاملها
اديم ضحكت : شرايك تنتبه للطريق
ناصر : هاه
اديم تقدمت وباست خده : انتبه للطريق يعيوني
ناصر ابتسم : ابشري
اديم غمضت عيونها بتعب وهي ما كانت
ناصر : اديمي
اديم : همم
ناصر : وصلنا الفندق يلا ونزلت اديم ودخلوا الفندق
وهم بالطريق للغرفه صرخت اديم اول ما شالها ناصر
ناصر : كنت اشوف هاللقطه كثير وحبيت اسويها ياعروستي
اديم ضحكت : لا احد يشوفنا بس
ناصر قرب من خشمها وباسه : وإذا شافونا بقول لهم زوجتي على سنة الله و رسوله واطلع كرت العايله واحطه بعيونهم
اديم : نزلنييي لا اطييح
ناصر نزلها ومسكها من خصرها : خليني اتاملك الحين شوي
اديم بخجل : انتظر بغير ملابسي
ناصر مسح وجهه : يلا غيري وبروح اجيب العشاء
اديم : تمام وطلع ناصر وجلست اديم على السرير وهي مرتاحه وفرحانه وكانت تناظر الغرفه بحب وطلعت شنطتها وفتحتها وانصدمت من لبسها : ريهااام وشذا يويلييي وشلون البسه قدامه والله ما البسه
وكان لبس اديم قصير فوق الركبه بشوي
اديم : لي الله بلبسه ودخلت الحمام تتروش ولبست وقعدت على السرير تكلم البنات
ريهام: هاه بشريني اخباركم
اديم : الحمدالله للحين كويسين
نور : بعد شوي ماراح تكونين كويسه
اديم : مافهمت
شهد : بقره يااربي انا اكتشفت كل وحده تتزوج تكون بقره
اديم شهقت : ياحيوانههه انقلعيييي وقفلت الجوال ودخل ناصر معه الاكل : اديم
اديم نطت وسحبت اللحاف وتغطت : هلا
ناصر انصدم : شفيتس اطلعي
اديم : انا كذا زينه
ناصر بخبث : لو جيتس راح تندمين
اديم فتحت عيونها بقوه وقامت من السرير
ناصر انصدم من لبسها وصد بعيونه : تعالي يلا بناكل
أديم ارتاحت اول ما صد وجلست قدامه
ناصر : مدي يدتس
اديم : لا ما ابي
ناصر : بدينا اديم
اديم مدت يدها واكلت وكان ناصر ياكل ويناظر لها
اديم : شرايك تنزل عيونك عني شوي
ناصر ضحك : شلون عرفتي اني اناظر لتس
اديم رفعت عيونها : اعرف ونزل عيونك عني
ناصر قام وجلس قدامها ومد يده يمسح شفايفها : لا تنسين انتس زوجتي ولي حق بكل شي فيتس
اديم قدمت وجهها وهمست : ادري وعارفه هالشي و وخر عني بقوم
قام ناصر وقامت اديم وسحبها ناصر من خصرها
اديم شهقت : شفيييك وخر بغسل
ناصر يناظر عيونها الوسيعه ويتامل كل شي فيها : بسالتس
اديم : اسال بس ابعد
ناصر شدها له اكثر وقربت منه اكثر : من يشبهتس يالفارقه
اديم ابتسمت : مدري
ناصر بعد عنها وراح يغسل ولحقته اديم وطلع ونزل ثوبه ولبس شورت بدون تيشيرت وانسدح
طلعت اديم وشهقت: بتنام كذا؟
ناصر : ايه وش فيتس
اديم استغربت وخافت يصير اللي ببالها : لا مافيني شي
ناصر فتح يده : تعالي
اديم قمطت العافيه : هاه وين
ناصر : بحضني
اديم دخلت بالفراش وبعدت عن ناصر وصرخت اول ما سحبها ناصر
ناصر همس بأذنها: ما قلت لتس تعالي بحضني
اديم : لا تهمس ياخي
ناصر قرب من أذنها: لا تعانديني عشان ما اسوي شي ما يعجبتس
اديم لفت عليه : وش بتسوي يعنييي
ناصر ناظر بعيونها وقرب من مبسمها وباسه وحط ايده ورا ظهرها وانصدمت اديم وانكتمت وكانت تحاول تبعده عنها بس ما كانت تقدر وضربت صدره وبعد عنها ناصر
ناصر : هذا اللي بسويه
اديم ضربت صدره بقوه : ياااحيوان مين سمح لك
ناصر قرب منها وهمس : قلبي
اديم : انقلع ولفت للجهه الثانيه وسحبها ناصر وباس كتفها بقوه
ناصر : اضيع من عيونتس يابنت حمد
اديم ابتسمت : نام احسن لك
ناصر : ناظريني
اديم : شتبي
ناصر : ناظريني ولفت اديم له
ناصر : خليتس كذا
اديم : ورع شتبي انقلع
ناصر سحبها مره ورفعها شوي ونام على صدرها : وش فيه قلبتس ينبض بسرعه
اديم تورطت : مدري هو كذا اصلاً
ناصر رفع انظاره لعيونها : متاكده
اديم بطفش : ناااصر خلاص نام بكره من الظهر بنروح لجدي ولازم اكشخ خلاص نام
ناصر : بوسيني
اديم : تحلم ونام ونامت اديم وكان ناصر يفكر ويقول :
هالليله اخر ليله بتجمعنا من حب بس عندي سؤال
معقوله بقدر انسى بقدر انسى هالراحه والامان بحضنتس
راح اشتاق لكل شي يخصتس يا اديمي بس الشكوى لله القلب مو لتس لغيرتس .. اه بس ونام ناصر وهو متضايق من فراقه من اديم
..................................
بسيارة رعد
رعد : ياعم
ابو دهام : هلا
رعد : بكره بجي املك
ابو دهام : حياك الله يولدي
رعد : الله يبقيك ويخليك
ابو دهام ابتسم ودق : يلا يانور جيبي اختس وامتس انا برا
نور : بابي خلاص الحين طالعين
رعد ابتسم اول ما سمع صوتها : ياعم
نور شهقت
ابو دهام : وش بلاتس
نور : مافي شي يلا طالعين
ابو دهام قفل : وش فيك يالرعد
رعد : لا بس ابي اقول لك انها العصر
ابو دهام : ماعندي مشكله يولدي لو تبيها الحين
رعد ابتسم : تم يلا
ابو دهام همس له : تبي نور تذبحني
رعد ضحك وركبت ام دهام وبناتها
ام دهام : السلام يالرعد
نور و روح: السلام عليكم
رعد : هلا عمه وعليكم السلام ورفع رعد انظاره للعيون الحاده اللي يحبها وابتسم براحه ان بكره بتكون حلاله
رعد : ياعم لا تعلم احد عن السياره
ابو دهام فهم : أبشر يارعد تبيها مفاجاءه
رعد : هالله هالله بتفرح اديم فيها حيل
ابو دهام : خلاص بيني وبينك وانتوا يويلكم تقولون لاحد
ام دهام : ابشر طال عمرك
ابو دهام ابتسم لها
نور رفعت أنظارها بتردد وطاحت عينها بعيونه وفز قلبها بحب وتذكرت لما كان قريب منها ولما مسك يدها وتذكرت اشياءهم الصغيره بس كبيره بقلوبهم
رعد مد يده من جنب كرسيه ومسك رجلها
نور ابتسمت اول ما شافت يده وناظرت له وهزت برأسها بمعنى لا رعد فتح عينه بقوه وخافت نور يزعل ومسكت يده
واخذ رعد نفس وغمض عيونه بقوه ونور تحاول تفك ايدها من ايده و وقف قدام بيتهم
ابو دهام : معليش يالرعد ازعجتك
رعد زعل : افا ياعم اذا ما شلتك بيدي اشيلك بعيوني اذا ما خدمتك بخدم مين انت ابوي الثاني
ابو دهام ابتسم لها
ام دهام : مشكور يولدي
رعد : ما سويت شي يالغاليه ودخلوا ابو دهام وام دهام و وراهم روح و نور وقبل لا تدخل نور ارسلت بوسه لرعد
رعد ابتسم همس : احبتس
نور رفعت نقابها وبانت شفايفها وهمست: اموت فييك
رعد عض على شفايفه وركب سيارته وتحرك لبيته وقال بينه وبين نفسه: صادفتك و اثاريني انا من وقتها مُلهم لو ما شفتها بذيك الليله صدفه اخ جيتي مثل الشروق اللي محى كل ظلامي يانوري ونزل من سيارته ورح لغرفته
..................................
بيت ابو ناصر تحديدًا غرفة ريهام
نزلت ريهام اغراضها وانسدحت : اخخ ابتسامه حلوووه ياااربي ابتسم لييييي انااا معقوله
*^*^*قبل نص ساعه *^*^*
ام رعد : مشعل انتظر خالتك ام ناصر وبنتها
مشعل : زين يا يمه
ودخلت ريهام : السلام عليكم
مشعل ابتسم : وعليكم السلام هلابتس
ريهام ناظرت بعيونه وبادلها النظرات ونزلت عيونها بتردد
ام ناصر : يلا عقبالك
مشعل ابتسم : ان شاء الله
ام رعد ابتسمت ان ولدها رجع مثل اول بس هي متأكده انه ما نسى رهف بس راضي يتزوج
ريهام فز قلبها وناظرت بعيونه وكانها تقول مين
مشعل حس بكلامها وقال بعيونه انتي وفتحت عيونها بقوه
وضحك مشعل
*******
ريهام : الحمدالله لك يارب الحمدالله يارب اذا هو خير لي قربه مني واذا شر ابعده عني ودقت على شهد 
شهد : هلا ريهامي
ريهام : اخخ بموت
شهد : وش فيتس
ريهام قالت لها السالفه وبس والله هذا اللي صار
شهد : الله كيوووتتتت يماميييي
ريهام : الحمدالله
شهد بتردد : بس متأكده انه نسى زوجته
ريهام : شهد مستحيل ينساها وانا بزعل لو نساها كان يحبها اكثر من نفسه واللي صار لاهو بيده ولا بيدنا وعشان كذا انا راضيه لو خذني بس لو فيه مشاعر لي
شهد : يعني عادي تاخذين واحد يحب زوجته المتوفيه
ريهام : قلتيها متوفيه صح ماراح يحبني مثلها بس بيحبني
شهد : زين ياروحي خلاص الله يوفقكم لو بينكم خيير
ريهام ابتسمت : امين يلا بقفل بنام
شهد : تمام وقفلت ريهام وانسدحت وغرقت باحلامها مع مشعل
..................................
في الفندق
صحى ناصر وشاف شعر على وجهه ولحيته واخذ نفسه وشم عطر يحبه وابتسم اول ما شافها نايمه وقرب منها وباس مبسمها بخفه ومرر اصابعه بشعرها بس علطول تذكر كلامه امس ومسح وجهه وقام ياخذ شور
صحت اديم وقامت من السرير ومشت وطاحت عينها شماغه وثوبه اللي جنب فستانها وكعبها اللي جنب جزمته واكسسواراتها اللي جنب عقاله وابتسمت بحب وهي تشوف التفاصيل الصغيره هذي ممكن تزيد هالحب بينهم
وتخليهم اقرب لبعض من حبل الوريد
اديم : صحيت
ناصر ببرود : ايه تبين فطور
اديم : ايه وجب لي معك V60 لو ماعليك امر
ناصر : طيب وطلع من الحمام ودخلت اديم وخذت شور وطلعت تطلع فستانها الوردي مكشوف الظهر والصدر وطلعت ذهبها اللي يدل انها عروس وقعدت على التسريحه
وقالت : بجيب راسه هالبارد شغلت عبادي وبدت تتمكيج
وخلصت مكياجها اللي برز ملامحها ولبست فستانها الضيق والمكشوف ولبست ذهبها وتعطرت بافخم العطور وتبخرت بافخم البخور وسوت شعرها ويفي ولبست دبلتها وطلعت عبايتها الجديده وشنطتها وحطت اغراضها وطلعت اغراض ناصر وجلست تنتظره
دخل ناصر وتفجرت شرايين قلبه من شم عطرها بكل مكان ، نفس العطر اللي تل قلبه من مكانه ومسك قلبه وضربه ومسح وجهه ودخل وشافه ظهرها المكشوف و زادت انفاسه ونبض قلبه ولفت اديم وكانت هذي الغلطه اللي سوتها تجمد بمكانها من صدرها المكشوف وجمالها وخصرها المحنوتّ تقدم لها ومسكها من خصرها وتامل عيونها لدقايق وكان محتار بعيونها
اديم ضحكت : شفيك
ناصر مارد عليها وقرب من نحرها وحط راسه عليه
اديم دخلت اصابعها بشعره وهمست : شفيك ياروحي
ناصر اخذ نفس عميق : مافيني شي يلا تعالي ومسكها من يدها الناعم وقعدها قدامه وفتح الاكل لها
اديم : ما تبي تاكل
ناصر : لا ما ابي
اديم : ليه
ناصر : بس
اديم : كيفك وكانت عيون ناصر محتاره بين خصرها ولا أكتافها المكشوفه ولا عيونها وجمالها
اديم : لا تقعد تناظرني
ناصر نزل عيونه وطلع جواله يكلم سدن وابتسم
ورفعت اديم عيونها على ابتسامته وناظر لها ناصر بخوف
اديم : شفيك
ناصر توتر : هاه مافيني شي
اديم بشك : متاكد
ناصر : ايه يلا اذا خلصتي البسي عشان بنروح تاخرنا
أديم طنشت الموضوع: طيب وقامت اديم تحت انظار ناصر لها وفي براسه مليون سؤال : بيقدر يبعد عن هالجمال هالحنان هالامان ، مو قادر يتخيل يطلقها وتروح لغيره وراحت هالافكار اول ما قالت اديم : خلصت يلا مشينا
ناصر فزّ : ايه يلا امشي وطلعوا ناصر واديم
..................................
في الجد دهام
ابو حمد : وينهم
رعد : ياجد عرسان ويجون الحين
ابو رعد : يبه بروح
ابو حمد : معصي
ابو رعد : خلاص يارجال خليتني احضر عرسها وملكتها ماني بحاضر لها شي بعد
رعد : رح ما احد غاصبك واذا عن جدي ما عاد بيقول لك شي
ابو حمد : تعطي امر وانا موجود
رعد : اللي ما يبي بنتي واختي يطلع برا ومجلسي يتعذره
ابو حمد : عيب ابوك يولد
رعد : لا تقول ابوي
ابو حمد بعصبيه : الا ابوووك
رعد قام : ماعندي اب اسمه حمد انا ابوي دهام
ابو رعد : احسن انقلع تفكني من شرك
رعد : من متى تحسبنا عيالك اصلاً عشان تفتك من شرنا
ابو رعد : رح لامك ذي بس
رعد بصرااخ : لاتقولل ذي فاااهم
ابو رعد : عجيب والله تصارخ على اببببوووك
رعد : تخسى تكون ابوي فاهم تخسى
ابو رعد قام : يولد استحى على وجهك
رعد : شف انا ساكت لك عشان خاطر امي واديم
ابو رعد ضحك : من زين اديم وامك و وش بتسوي ياحبيب امك وقرب منه ابو رعد وهمس : امك ذي *******
رعد مسكه ورفعه
ابو حمد صرخ : يالرعد عقوقق يالرعد نزللهه
رعد : تقولللل عن امييييي كذاااا والله ما اخلييييك وقسم بالله اني لا اندمك على هالكلمهه
ابو حمد : يا مشعلللل سا سيففف
مشعل دخل هو وسيف وركضوا اول ما شافوا اخوهم
سيف : يارعد نزززله لا تاااخذ ذنب عشااانه
مشعل : رعد الله ما بيوفقك بحيااتتك عشان نور يارعد
رعد تركه اول ما سمع اسم حبيبته وكان ضايع ومتضايق وطلع يجيب الشيخ ودخل على ابو دهام معه الشيخ
ابو دهام : يالرعد مو ببيت جدك
رعد بضيقه : ياعم ارجوك الحييين
ابوو دهام : طيب يولدي وراح ابو دهام ينادي نور
ابو دهام : نور رعد جاي يملك
نور : شلووون مو عند جدي
ابو دهام : المفروض بس يلا معليه
نور زعلت : يلا الشكوى لله
ابو دهام طلع يبلغ الشيخ انها موافقه وخلصوا من الملكه وراح الشيخ
رعد بتوتر وضيقه : ياعم ابي اشوفها
ابو دهام شاف ملامح رعد الضايقه : ابشر يولدي
رعد كان وجهه احمر وعروقه بارزه ودخل ابو دهام
ابو دهام : رعد يبي يشوفتس
نور : طيب وراحت نور للمجلس ودخلت وشافها رعد وركض لها وحضنها وبدا يبكي
نور تجمدت بمكانها وخافت اول ما حست بدموعه على كتفها : شفيك رعودي
رعد كان يبكي : لا تبعدين خليني بحضنتس تكفييين محتاج لتس والله محتاج
نور : ياحبيبي انت شفيك علمني
رعد : احضنيني
نور حضنته بقوه : حبيبي رعودي شفيك علمني
رعد : لا تساليني بس عالجيني
نور بعدت ومسكت وجهه وباست مبسمه وبعدت عنه بعد دقايق وناظرت بعيونه : ارتاح تمام ياروحي
رعد : خليتس قريبه مني دايماً
نور جلست : تعالي انسدح بحضني ونام لك شوي ارتاح
رعد ابتسم وانسدح وهو يناظر عيونها الحاده : الحمدالله اللي كتبتس من نصيبي
نور ابتسمت : والحمدالله اني حبيتك ولا ندمت بلحظه ياروح روحي
رعد : انتي نوري بظلامي وانتي اماني بعز خوفي وانتي وجودتس مهم يخلي قلبي يتطمن
نور دمعت عيونها : ياروحي انت احبك
رعد غمض عيونه ومسك يدها  : اعشقتس ونام رعد
وطلع ابو دهام وهمس : شفيه وليه نااايم بحضنتس
نور خافت : يبه مدري جاني متضايق ونام بدون ما يحس
ابو دهام ابتسم لانه عارف بشعور رعد : ماعليه يابنتي انا بروح انا وامتس واختس واذا صحى تعالي معه
نور ابتسمت له : ان شاء الله وطلعوا اهل نور وبقت نور و رعد ورفعت نور راس رعد وقامت تجيب بطانيه له و لحفته ونامت جنبه وتلامس خشمه بخشمها

(( سلام حبايبي رجعت لك ببارت حلو ومليااان حب وحركااات عشان اراضيكم عن الايام اللي راحت وعطوها حقها عشان نكمل وانا ما نزلت الايام اللي راحت عشان ما شفت تفاعل كثير على اخر بارت ، وتعالوا انستا ❤️))