في الطياره
ناصر : اديم افتحي عيونتس شوفي الغيوم
اديم ماسكه يد ناصر بقوه : لا لا ما ابي افتحهااا
ناصر مسك وجهها وهمس : افتحي لا تخافين انا موجود
اديم فتحت عيونها وناظرت بعيونه وابتسم لها ناصر
ناصر : شوفي الغيوم
اديم لفت بتردد وناظرت من الشباك وشهقت وبكت : ناصر نزلنييي ناصر خليهم ينزلوني تكفى يانااااصر
ناصر : حبيبتي لا تخافييين تعالي بحضني تعالي وقام ناصر وشالها وحطها بحضنه وجلس وكانت اديم بوضعية البيبي و وجهها على صدره ورجولها بحضنه وتبكي
ناصر : خلاص ياروحي لا تبكين شوي ونوصل
اديم : احد يشوفنا
ناصر ضحك : لا لا يروحي ذي درجة الاعمال
اديم : تكفى ناصر
ناصر : ياقلبي لا تبكين خلاص ناظري وجهي
ورفعت اديم راسها عن صدره ورفع ناصر نقابها وضحك
ناصر : يويلي على الخشم الاحمر وباس خشمها بكل حب
اديم رجعت تحط راسها بصدره ونامت وكان ناصر يسولف
ناصر : تخيلي هذا اللي صار وسكت شوي وما سمع رد وشافها نايمه بوجهها الطفولي وخشمها الاحمر وضحك
ناصر : من الصبح اسولف مع نفسي وحضنها ناصر ونام
وبعد كم ساعه صحى ناصر
ناصر : اديم اديم
اديم : هم همم
ناصر : يلا قومي وصلنا
اديم : شوي شوي
ناصر ضحك : وين شوي حنا بالطياره قومي ننام بالفندق
اديم حضنت رقبته وهمست باذنه : قلت شوي
ناصر تقشعر جسمه وزادت نبضات قلبه: احم زين وشالها ناصر واخذ شنطتها وحطها بحضنها ونزل من الطياره قدام الكل وهي بحضنه وركب سيارته
ناصر : للفندق اللي حجزته
السائق : حاضر استاذ ناصر
ناصر : اديم ياعيوني قومي
اديم كانت حاضنه ناصر بقوه : همم شوووي بس
ناصر ضحك : عجبتس حضني
اديم هزت براسها بمعنى نعم وضحك ناصر : اجل كل يوم نامي بحضني
اديم : تم ما اقول لا
ناصر ابتسم على احساس العشق : فداتس حضني وكلي
اديم ابتسمت : احبك
ناصر فز قلبه وزادت نبضات قلبه وانفاسه تلخبطت : وش قلتييييي
اديم : وش قلت
ناصر : وش قلتي اديم وش قلتي
اديم : تم ما اقول لا
ناصر : لا ماقلتي كذا
اديم : الا قلت كذا شكلك يتهيا لك اني قلت شي غير
ناصر صدق كلام : ممكن المهم يلا قومي وصلنا الفندق
اديم : حنا وين اصلاً
ناصر : بالمالديف
اديم شهقت ونطت وحضنته : احلفففف اماااانه
ناصر كان منتظر هاللحظه من زمان : ايه والله
اديم : بس ماراح نطول عشانها عمليه ونرجع
ناصر ضحك : ياعيوني العمليه شهر كامل
اديم : شلون يعني
ناصر ضحك : مدري فهاوة ريهام جتس ولا شنو
اديم شهقت: شهر العسلللل
ناصر : اخيراً فهمتييييي ما بغيتي
اديم حضنته : شلون عرفت ان المالديف المكان المفضل
ناصر : الله يخلي ام زكي
اديم ابتسمت : يااااعيووووني هييييييي اخ يحبي لها
ناصر : وانا
اديم ابتسمت : واغراضييييي
ناصر : تذكرين يوم تشترين اغراض وتقولين لريهام هالملابس لشهر العسل اللي ماراح يصير عشان شغلي
اديم : ايه
ناصر : ام زكي حطت كل شي كل شب بمعنى الكلام ورتبت الشنطه وظبطت كل شي هي
اديم نزلت راسها ودمعت عيونها : ياروحي يا ريهامي ياعييييوني هي اشتقت لها الكلبه
ناصر : خلاص راحتتت تزوجت
اديم : تزوجت اخووي يعني عااادي
ناصر ضحك : صح يلا خلينا ننزل للفندق ونزلوا ابطالنا
..................................
صحى مشعل وابتسم اول ما تذكر ريهام وراح لامه
مشعل: يمه
ام رعد : ياعيون امك
مشعل: صبحتس الله بالخير يالغاليه
ام رعد : صبحك الله بالنور يا عريس
مشعل ابتسم وام رعد ضحكت : اجلس يا يمه اجلس
جلس مشعل: سمي يالغاليه
ام رعد : اولاً مبروك يا وليدي والله يتمم لكم على خير
مشعل تنهد : الله يبارك فيتس يا يمه والله يسمع منتس
ام رعد : واعرف انك خذيت البنت الصح اللي بتحبك بكل احوالك وريهام لا حبت حبت من قلب
مشعل مسك ايدينها: حبيبتي يا يمه انا خذيت اللي اختارها قلبي وعقلي بعد تفكير طويل
ام رعد زغرطت: الحمدالله اني شفت هاليييوم
مشعل ضحك : الحمدالله وكله بفضل الله ثم فضلتس انتي
ام رعد : ليه انا شسويت
مشعل: صبرتي علي و صرتي لي سند وظهر ورفعتيني بدون ما احس وخليتيني اطلع من اللي انا فيه ولا فتحتي موضوع الزواج مع من يومها ولا ضايقتني بالكلام اني انساها واني واني رغم ان ابوي كان يقول كذا بسبب كلام الناس واكيد جاك كلام بس ما سويتي مثل ابوي وطنشتي الناس عشاني
ام رعد ابتسمت : يويلي يا يمه انت ولدي انت قطعه مني قطعه من دمي ولحمي اذا ما صبرت عليك اصبر على مين يا روح امك انت
مشعل حضنها : الله يخليتس لي يا اغلى ما املك
ام رعد ضحكت : ويخليك لي يا قطعة من روحي
مشعل باس راسها وقام لبيت جده و وصل
مشعل: السلام عليكم ورحمة الله وبركاته
الكل : وعليكم السلام ورحمة الله وبركاته
ابو حمد : وينك ياولدي
مشعل: توني صحيت وجيتكم على طول
ابو ناصر : معذور معذور
مشعل ابتسم له وباس راسه
ابو ناصر: مشعل تعال ابيك
مشعل: ابشر وراح وراء ابو ناصر ودخلوا المجلس
ابو ناصر : اجلس يا بوك
مشعل جلس : شفيك يا عم خوفتني لا تقول هونت
ابو ناصر ضحك : لا لا ياولدي مشعل انت تعرف انك ولدي وانك غالي على قلبي
مشعل ابتسم وكمل ابو ناصر كلامه : ما امداني امس اكلمك بذا الموضوع لكن ابيك تعرف وتحطها حلقه بأذنك اعرف انك خذيت اغلى شخص بحياتي خذيت روحي وقلبي وعيوني خذيت شبيهتي انت خذيت شمعة البيت و روحه خذيت بنتي وامي و حبيبتي وصديقتي واختي حط بنتي بعيونك واسمعني عدل وانا متاكد انك قد هالشي
انا بعمري ما نزلت دموعها لا تنزلها انت لا تنزل دموعها دام ابوها بعمره ما نزل دموعها يالمشعل وانا عارف انك ماراح تنزل دموع بنتي الوحيده وحط بنتي بقلبك قبل تحطها ببيتك زين يالمشعل
مشعل ابتسم : ياعم انا شلون بنزل دموع اللي حبيتها من قلبي وشلون بقدر انزل دموع اغلى وحده ببيتنا ولو نزلتها اديم وحنين ورفيف وانت وامي وجدي وجدتي والكل بيذبحني لانها اغلى وحده ياعم بنتك بالحفظ والصون وهي بقلبي قبل لا تكون ببيتي لا تشيل هم
ابو ناصر ابتسم : الله يوفقكم ويتمم لكم على خير
مشعل ابتسم : امين ياعم
..................................
بالمالديف
ناصر : اديم قومي
اديم : هممم
ناصر : قومي ياااعيوني وقلبي
اديم ابتسمت وفتحت عيونها : قمت وش تبي
ناصر قرب منها وباسها : ابي هالشي
اديم فتحت عيونها بقوه : خييير قليل ادب
ناصر ضحك : انتي حلالي صح ولا لا
اديم : حلالك بس استأذن اول
ناصر : طيب ممكن
اديم : لا
ناصر طاح يضحك : شفتي حتى لو استأذنت بتقولين لا
اديم ضحكت وقامت للحمام واخذت شور سريع : ناصر
ناصر : هلا
اديم : نسيت منشفتي ممكن تجيبها
ناصر ابتسم بخبث : ابشري
اديم طلعت ايدها وعطها ناصر المنشفه : مشكور خلاص روح جيب فطور على ما البس
ناصر بضحكه خبيثه : ابشري
وطلعت اديم وهي لابسه المنشفه على صدرها وصرخت اول ما حست بيد على خصرها
ناصر : اص انا
اديم : ماني لابسه شي غمض عيونك واطلع
ناصر قرب من نحرها : اغمض عن حلالي ولف ناصر جسمها قدامه
اديم : ناصر استحي اطلع خلني البس
ناصر ضايع برموشها وشعرها المبلول ورجولها المكشوفه: خليني كذا شوي
اديم رفعت عيونها لعيونه : ناااصر اطلع
ناصر حضنها بقوه وانصدمت اديم وطول حضنهم شوي
ناصر همس باذنها: ممكن بوسه
اديم ضحكت : مو ممكن الحييين ممكن اذا طلعت وخليتني البس
ناصر بعد عنها ومسك فكها وسو اللي براسها و وخر بعد دقايق وضحك
اديم غطت وجهها : ياا حيوووااان رح بررا
ناصر ضحك وطلع وجلست اديم وابتسمت وراح طلعت فستان ابيض قصير للفخذ ماسك على جسمها مصنوع من الحرير وسوت شعرها وحطت ميكب خفيف ولبست اكسواراتها اليوميه وتعطرت بعطرها وجلست تنتظر ناصر
دخل ناصر وارتعش قلبه اول ما شم عطرها ومسك قلبه وقال بينه وبين نفسه : يويلليييي ويلاه من عطرها شلون بمسك نفسي عنها الحين ومسح وجهه ودخل بشويش وشافها جالسه وتتامل الغيوم : اديمي
اديم فزت : هلا
ناصر نزل الاغراض وعيونه على خصرها : تعالي
قامت اديم لناصر ومسك خصرها وشدها له : انتي تبين تذبحيني
اديم ما هي فاهمه شي : هاه شنو
ناصر باس نحرها : اقول لتس تبين تذبحيني
اديم ابتسمت : ممكن و وخر ايدينه عن خصرها
ناصر : وين رايحه
اديم ركضت واخذت الفطور : بظبط الفطور
ناصر ضحك : طفله وربي
اديم : تراني سمعتك يالمروح
ناصر طاح يضحك : انا مروح
اديم : في احد غيرنا بالغرفه
ناصر بخبث : قريب بيكون في احد ثالث معنا بالغرفه
اديم شهقت و طرطشت المويه وشرقت
ناصر ركض وهو يضحك : بسم الله عليتس بسم الله وش فيتس
اديم صفقته بصدره : وجع بغيت اموت يالوصخ
ناصر : وش قلت غير اني بجيب قطوه لتس
اديم تفشلت انها فهمت غلط : هاه قطوه
ناصر ابتسم على جنب : ايه وش فيتس
اديم كملت تسوي الفطور : مافيني شي
ناصر سحبها : ولا فكرتي انتس بتكونين ماما قريب
اديم فتحت عيونها بقوه : تخسى وتعقب
ناصر ضحك : اخسى واعقب على شنو
اديم : اني اكون حامل بالشهور هذي
ناصر تخصر : ومتى ان شاء الله اشوف عيالي
اديم : غير هالسالفه بالله تشوفهم بعد سنه ان شاء الله
ناصر : بنتظر سنه عشانتس
اديم ببرود : لو ما تبي تنتظر طلقني ورح تزوج ارنب كل شهر جايبه لك بزر
ناصر ضحك ومد لها اصبعه : اتفقنا
اديم : على شنو
ناصر : بعد سنه
اديم مسكت أصبعه بأصبعها : اتفقنا
ناصر : بس وش طلق وتزوج يعني عادي
اديم : مو تبي عيال
ناصر : ايه ابي اشوف عيالي
اديم : طيب تبيهم مني ولا من غيري
ناصر : اكيد منتس
اديم : خلاص اجل اصبر سنه اذا تبيهم مني واذا ما تقدر تصبر طلقني ورح تزوج وشف عيالك
ناصر : لهدرجه انا عادي عندتس
اديم : مو عادي بس انت تبي عيال وهذا انسب حل ولا بتروح لطريق الحرام
ناصر : اديم وش هالكلام
اديم باست خده : يلا يلا فطور
ناصر ضاع من بوستها وكان صعب عليه يتنفس وراح وراها وضحك على طولها : الحين انتي قصيره بزياده ولا انا طويل بزياده
اديم بطرف عين : انت طويل بزياده
ناصر : كم طولتس بالله
اديم بتردد : ١٥٠
ناصر طاح يضحك : يالله ذا طول بالله
اديم بطرف عين: وانت كم طولك
ناصر : ١٩٥
اديم شرقت : ماشاءالله عامود كهرباء مو انسان
ناصر طاح يضحك وضحكت اديم على ضحكته : حسبي الله على عدوتس انا عامود كهرباء
اديم اوقف جنبي بالله و وقف جنبها وضحكوا
ناصر : توصلين لبطني
اديم : اوريك وركضت تجيب كعبها ولبسته
وطاح ضحك ناصر : توصلين لصدري
اديم زعلت : اافففف وخر
ناصر استغرب من زعلها وركض شالها وصرخت اديم : ناااصر نزلني بطييييح نزلنننييي لا اطيييخ
ناصر ركض فيها للمسبح وصرخت اديم اول ما دخلت بالمويه وتركها ناصر وطلع ياخذ نفس وضحك : اخ يا خبله بس اختفت ابتسامته اول ما قالت اديم : نااصر ما اعرف ااسبب اسبببح ما اعرررف
نزل ناصر بالمويه بسرعه وحضنها وطلع : اديم اديم فيتس شي
اديم كانت تكح بقوه : بغيت اموووت
ناصر ضحك وطاحت عيونه على جسمها اللي بان بسبب المويه وكان ساكت ويناظر لها
اديم : ناصر فيك شي
ناصر كان ساكت ويناظر لها : احم مافيني شي قومي غيري
لا تمرضين
اديم قامت للحمام وشهقت اول ما شافت جسمها وغطت صدرها بيدينها: يويللليييي باين كللل شي وانا اقول شفيه الخبل ساكت ويناظر وضحكت ولبست شورت ابيض وتي شيرت قصير ابيض ولبست فوقهم فستان ساحلي ابيض شفاف وربطت شعرها وطلعت وتدور ناصر وشافته يسبح بالمسبح وجلست على حافة المسبح ودخلت رجولها بالماي
ناصر : جيتي
اديم : ايه جيت
ناصر ناظر لها وشاف لبسها والشورت : تبين نمشي على البحر
اديم : ايييه
ناصر : يلا وطلع ناصر من المسبح وغير ملابسه بسرعه وركضت اديم تجيب قبعة القش ونظاراتها وجزمتها ( اكرمكم الله)
ناصر : يلا
اديم : يلا مشينا بس في احد يعني اخاف يشوفني احد وانا بذا المنظر
ناصر ضحك : المكان مافيه الا انا وانتي
اديم : يمه
ناصر ضحك : لو اذبحتس هنا و ادفنتس ما احد داري عنتس
اديم حضنته : يمه ناااصر لا تقول كذا
ناصر حضنها : امزح ياروحي
اديم ضربت صدره : مزحك يخوف و خرت عن ناصر وركضت تجمع الأصداف
ناصر ضحك : مدري وش متزوج انا بزر ولا حرمه
اديم : تراني سمعتك ولو جيتك بعلمك مين البزر
ناصر ضحك ونزل الفرشه والقهوه وجلس يراقبها بحب وهي تجمع اي شي تشوفه قدامها واذا لقت شي نادر تركض لناصر توريه كأنها توريه ابوها
اديم : ناااصر لقييت شي
ناصر ضحك : لبيه ياعين ابووووي
اديم : لقيييت شي وركضت توريه ناصر
ناصر : الله تجننن مرره حلوه
اديم : اخ لو اقدر اخليها سلاسل والبسها
ناصر : ما عليه ياروحي تعالي خلينا نمشي
اديم : زين بلبس جزمتي واجييك
ناصر راح بس ضحك اول ما نطت اديم على ظهره
اديم : معليش ما اقدر استحمل اذا شفت احد طويل لازم انط على ظهره
ناصر ضحك : فداتس كلّي بس تسوين برعد كذا
اديم وهي متعلقه برقبته : كل يوم اسويه
ناصر ضحك : ياحلوتس اخخ انا اشهد انها احلى ايام حياتي
اديم بفهاوه : احبك
ناصر وقف وانصدم ولف جسمها وحطها قدامه : وش قلتي
اديم استوعبت على نفسها : وش قلت بسم الله عليك
ناصر فاتح عيونه بقوه : قلتي احبك؟
اديم : لا ما قلت كذا شكلك تتخيل
ناصر : اديم ذي المره الثانيييه اسمع احبك
اديم لعبتها صح : ناااصر لا يكوون؟
ناصر خاف انه اديم تشك : شكلي اتخيل من بوستسس
اديم : شفيها بوستي
ناصر قرب من وجهها : ما خلتني اتنفس زين
اديم باست خده الثاني : وهذي وحده ثاني
ناصر فز بسرعه وباس مبسمها وانصدمت اديم وكانت تحاول تدفه عشان تتنفس: وجعع الا وجع
ناصر : اخخ مسك مسسسك شسوي
اديم ابتسمت : ردني وراء ظهرك ورجعها ناصر وراء ظهره وقام يمشي ويعلمها عن الاشياء اللي يعرفها
اديم : نزلني اذا اوجعتك
ناصر ضحك : تكفيين وربي ما احس فيتس مدري ليه ما تاكلين
اديم ضربت صدره : لا تغلط
ناصر : ما اغلط المهم صدق وش تحبين من الحيوانات
اديم : بعلمك بس ما تضحك
ناصر : وعد ما اضحك
اديم همست باذنه : الصقور
ناصر نزلها وهو مصدوم : وش قلتتتيييي
اديم ضحكت : الصقور
ناصر مستغرب ان بنت تحب الصقور : متاكده الصقور الصقور ؟
اديم : ايه ايه الصقور ابوي مو عنده صقور
ناصر : ايه ابوتس عنده بس ما توقعت انتس تحبينهم
اديم : شدعوه عليييك
ناصر يبي يتاكد : لو اجيب لتس صقر الحين توكلينه
اديم بكل ثقه : جيبه وشف بعينك
ناصر مصدوم من شخصيتها : طيب يلا مشينا
اديم مشت قدامه وقال ناصر بينه وبين نفسه : هالنتفه تقدر تشيل صقر وتوكله يالله ما توقعتها كذا ماشاءالله
وصلوا لشقتهم
اديم : يلا رح جب لي صقر
ناصر : يلا وراح ناصر يجيب صقر وشاله وهو خايف ودخل الغرفه وقال : اديييييمم
اديم : هلا
ناصر : تعالي شيله تكفييين
اديم ضحكت : شفيك خايف
ناصر : يابنتي لو هجم علينا الحين رحنا فيها
اديم : عطني عطني الدس
ناصر : خذي
لبست اديم الدس وخذت الصقر من ناصر
ناصر : خلاص صدقت بس خلاص لا تفكين عيونه
اديم ما سمعت كلامه وفكت برقع الصقر وبدت تطلع اصوات تهدي الصقر فيه وتمسح على بطنه وظهره
ناصر صرخ : اديييم لا يعض يدتس
اديم : اسكت بس
وطلعت اديم اكل الصقر : وحطته بيدها الثانيه وبدت توكله وهي رافعه راسها وبعد ما خلص اكله لبست برقعه
اديم : من وين جبته
ناصر : انا اوديه
اديم : طيب وعطته الدس ولبسه ناصر وهو مصدوم
وجلست اديم وهي تناظره : انتبه زين
ناصر : زين وطلع ونسى جواله وانسدحت اديم ودق جوال ناصر و تجهلت الجوال وقعدت على جوالها لكن جوال ناصر يدق باستمرار استغربت اديم وراحت تشوف مين اللي يدق وكان مكتوب ( سدن ❤️) دق قلب اديم بالرعب واخذت الجوال وردت
سدن : وينك
اديم : نعم
سدن انصدمت : مين انتي
اديم : انتي اللي مييين
سدن : الدكتوره سدن
اديم : انا زوجته وحنا بشهر العسل واتمنى تختفي هالاتصالات لاننا تونا عرسان ولو تعرفين الادب والاخلاق ما تدقين على شخص توه متزوج وبشهر عسله بعد وقفلت بوجهها وانسدحت بالسرير ونامت ودخل ناصر وشافها منسدحه واخذ جواله وانصدم اول ما شاف مكالمات من سدن وطلع برا يكلمها
ناصر : انتي شفيتس ما قلت لتس لا تدقيين
سدن : تراها ردت علي
ناصر قام يرجف : وش... و... وششش
سدن : ردت علي اديم ردت عليييي
ناصر : وش قلتي لها
سدن : قلت اني دكتوره وقفلت بوجهي
ناصر ارتاح: اي كفو يلا يلا بقفل
سدن : دقيقققه تعاال
ناصر : وش فيتس
سدن : زوجتك تقول انكم باحلى ايام حياتكم وحب وغرام ومدري ايش وطايح بحبها انتت ومن هالكلام وش تفسيره ؟
ناصر انصدم وصدق كلام سدن : لا مو صحييح تكذبب ذي
سدن : طلقني
ناصر شهق : انتتييي صاحيييه بعد حب ثلاث سنين اطلق
سدن : عايش قصة حب مع الاميره اديم وش تبي فيني
ناصر : اي قصة حبببب انتي الثانيه تكذب عليتس ذي وربي
سدن : ورقتي توصلني وقفلت بوجهه وعطته بلوك
ناصر قفلت الدنيا بوجهه وعصب بقووه ودخل وسكر الباب بقوه
اديم : الباب بشويششش
ناصر : اديييم وش قلتي للدكتوره سدن
اديم ضحكت : اشتكت لك الدكتوره سدن
ناصر تاكد انها قالت الكلام : وش قلتي
اديم : ابد قلت لا تدق عليييك وحنا بشهر عسل لانه عيب
ناصر : كذابه
اديم ضحكت و قامت : جعلك ما صدقت
ناصر ضربها كف ومسك فكها ورفعها : اديييم وش قلتي لهااا
اديم دفته وضربته كف : ما تمد يدك علييي فاااهم
ناصر مسكها : تضربينييي انا
اديم : اضربك واضرب امثالك اللي يمد ايده علي اكسر ايديه لا تحسبني خوافه واسكت مثل غيري انا اديم بنت رغد واحسب الف حساب قبل تمد ايدك يا رخيص
ناصر عصب وكان بيضربها كف بس مسكت ايده اديم : قلت لك بكسر ايدك لو مديتها لا تخليني اسوي شي انا ماودي اسويه
ناصر : انا رخيصصص
اديم : وش قايله لك هالزفت
ناصر : احترمي نفسس
اديم : احترمني عشان احترمك واحترم اللي معك
ناصر مسك راسه وكان بيطلع ومسكته اديم : شف مديت ايدك علي بس والله ما اسكت عن هالشي واذا بتفكر تمد ايدك علي مره ثانيه لا تنسى اني عن مية رجال واخواني بيكسرون راسك اذا عرفوا انك مديت ايدك وتركت ايده اديم وقالت : الحين انقلع لها واخذت جوالها وطلعت برا
ناصر وقف مصدوم من شخصيتها القويه وطلع برا عشان يهدأ وكانت اديم معصبه و تردد : لحول ولا قوة الا بالله
..................................
بيت ابو دهام
نور تكلم البنات مكالمه : بنات بصيييح ما بقى الا ٢٠ يوم على العرس
شهد : استهدي بالله ترا كله عرس وخلاص وتمشي الامور
نور : يا جعلتس تذوقين اللي اذوقه الحين
ريهام ضحكت : الا صدق اديم ليه ما دخلت
نور : مدري والله بس الله يستر
شهد : البنت بشهر عسلها تبيها تترك هالشهر وتشوف وجيهكم
ريهام وهي تناظر وجهها : وش فيه وجهي
شهد : مثل البعير
ريهام : الخلا بس
شهد ضحكت وقامت تقلد ريهام : المهم متى نروح نشتري للعيد باقي ١٠ ايام
نور : انا شريت لما كنت اجهز جهازي
شهد : ما شريت انا
ريهام : ولا انا تتوقعون اديم شرت ولا لا
شهد : الا اظن شرت
ريهام : ما اتوقع غريبه هالانسانه ما كلمتنا من يوم وصلت
شهد : تلقيناها طايحه بالحب والغرااام مع ناصرها
ريهام ضحكت : ياربي ما ابي اتخيل اسكتي
نور : حسبي الله على ابليسكم تخوفوني تراني عروس
ريهام : وحتى حنا عروسات وعرسنا بعد كم شهر
شهد : وصادقه خيتي اص
نور : انقلعوا بس خليني اقفل و قفلت نور
ريهام : انا بقفل بعد بروح اشوف شي اكله
شهد : تمام ياورعه
ريهام : انقلعي وقفلت بوجهها ونزلت جوالها بس دق ضحكت وقالت : شهد شتبين
مشعل: ياليتني شهد
ريهام شهقت وقفلت بوجهه وركضت للمخده وصرخت بس بسرعه رفعت راسها اول ما سمعت جوالها
ريهام: هلا
مشعل: ليه قفلتي
ريهام : بالغلط
مشعل: وشلون عروستي
ريهام عضت شفايفها ومسكت قلبها : بخير وشلونك انت
مشعل: بخير دامتس بخير وصحه وسلامه
ريهام: دوم
مشعل: تدومين لي
ريهام تنهدت : ايه وش عندك اخر هالليل
مشعل: انزلي تحت
ريهام فتحت عيونها بقوه : هااااه
مشعل: ريهامي انزلي تحت انا برا
ريهام : طيب وقفلت وركضت تحط شوي بلشر وعدلت شعرها ولا انتبهت لبسه القصير وركضت بسرعه وفتحت الباب وطلعت ايدها
مشعل: بدينا بالحركات
ريهام بفهاوه : وش
مشعل دخل وشهقت ريهام وفز مشعل وسكر فمها : اصص
ريهام: شتسوي لا يشوفك ابوي
مشعل: واذا شافنا تراني زوجتس
ريهام ضربت راسها : صح نسيييت
مشعل ضحك : شوفي جبت لتس من ماك وقهوه وحلا
ريهام تخصرت : تعرف اللي احبه
مشعل: بالظبط ونفس الوجبه وبدون خس والقهوه V60 بارده
ريهام ابتسمت : مشكورر
مشعل طاحت عيونه على بطنها الطالع والشورت اللي مغطي نفس فخذها وصدرها المكشوف : عادي احضنتس
ريهام : لا
مشعل ما سمع كلامها وحضنها بقوووه وباس خدها : مسسك يا ناس ومسك وجهها : احبتس
ريهام فتحت عيونها بقوه وسكتت
مشعل بزعل : ما تحبيني
ريهام : هاه
مشعل نزل راسه ولف بيروح : بالعافيه وادخلي لا تمرضين
ريهام حضنته من وراء : وانا بعد احبك
مشعل تنهد : ايه كذا صححح
ريهام ضربت بطنه : حيووااان
مشعل ضحك وحضنها: ممكن بوسه
ريهام ما ترددت وباست خده : تم
مشعل مسك قلبه : انا بموت مسكيني
ريهام ضحكتت : يلا روح قبل يشوفك ابوي
مشعل: ابوتس مو هنا
ريهام شهقت : وينه صاير له شي
مشعل: مسك وجهها : لا لا بس بيت جدي هو وامتس واخوتس
ريهام: ليه ما خذوني
مشعل: لانتس نايمه
ريهاااام : يمه مشعل يعني من الصبح بالبيت لحالي
مشعل هز راسه بمعنى نعم
ريهام : طيب يلا روح
مشعل: وين بروح باكل وجبتي و اروح
ريهام ابتسمت : يلا تعال معي
مشعل لف ظهره لها : نطي
ونطت ريهام وهي تضحك وبيدها الاكياس: انتبه لا تطيحني
مشعل: لا تخااافين ما اطيحتس لو شنو يصير
ريهام ابتسمت : هذي غرفتي
مشعل نزلها وهمس بأذنها : وغيري ملابستس قبل لا اسوي شي ما يعجبتس
ريهام : وش فيها ملابسي وراحت للمرايا وصرخا وسكرت الباب بوجه مشعل وضحك مشعل
ريهام : يااا حيواان ليه ما تقول لي اني لابسه كذا
مشعل: انا شدخلني
ريهام ضحكت ولبست روبها : يلا تعال ودخل مشعل وابتسم : وين نجلس
ريهام : على السرير عادي
وجلسوا ابطالنا وطلعوا الاكل وصرخت ريهام
مشعل فز : وش بلاتس الله يخرش عدوتس ونطت ريهام بحضنه وحضنته : تعرف وجبتي المفضللله
مشعل حضنها : اكيد اعرفها ياعيوني
ريهام : شلون
مشعل: تذكرين لما نمتي عند اديم قبل سنتين
ريهام : ايه
مشعل: وسالتس وش تبين وقلتي هالوجبه أعشقها
ريهام : ايييه
مشعل: ايه كتبتها عندي بالمفضلات حقاتس وجبتها
ريهام : كاتب الاشيااااء المفضله اللي احبها عنددك
مشعل: طبعاً يااااروحي انتي
ريهام بتردد : مشعل
مشعل وهو ياكل : عيوني
ريهام : مشعل انا خايفه
مشعل نزل الاكل ومسك فكها : ليه ياروح المشعل ليه
ريهام : اخاف ما نتفاهم ونزعل من بعض وننفصل وانا الصدق ابي حب ورحمه وتفاهم وامان
مشعل مسح على راسها : انا حبيتس من احلامي فيتس ويوم تاكدت اني احبتس قلت : اقلطي يا بعدهم كلهم وارحبي وعلى طاري الامان انا كلي امان انتي فمان الله وفي وجهي وشنبي
ريهام تنهدت وقال مشعل: صدقيني قلبي يحكي لتس حقيقه صدقيني ما ارى غيرتس ملاك من اجل وصلتس باتخد اية طريقه ما ابالي لو طريقي لتس هلاك يابنت صقر
ريهام ضحكت : احبببك
مشعل: اموت فيتس بس الاكل صار بارد
ريهام اخذت الاكل وبدت تاكل وهي بحضن مشعل
..................................
في مكان بعيد جداً بالمالديف
دخل ناصر وهو تعبان عليه حراره بسبب ألهواء والمطر اللي برا دخل على اديم واديم شافته وشهقت
ناصر رفع يده لها : اديم وطاح من طوله وصرخت اديم : ناااصرر نااااصر تكفى ناااصر ناااصر قوم يا نااصر ومسكت راسها بقوه وقامت تبكي وركضت تجيب مويه ورشت بوجهه وما صحى وجابت مسحات طبيه وحطته عند خشمه وما صحى وركضت تجيب عطر قوي ورشته بمنديل وحطته عند خشمه وكح ناااصر بقوه وهو يقول : سدن
اديم تركت كل شي بيده وراحت تجيب مويه وركضت وشربته ناصر ولا انتبهت على كلمة سدن : ناصر شفيك
ناصر بعصبيه : مافيني شي وخري عني
اديم حضنته : خوفتني علييك شفيك
ناصر : مافيني شي
اديم تقدمت وباست جبته : عليييك حراره
ناصر : ماعليه تروح
اديم : تقدر تقوم
ناصر : ليييه
اديم : تقدر ولا لا
ناصر : لا
اديم قامت وقومت ناصر معها : وين بتوديني
اديم : الحين تشوف وأخذته اديم للحمام تروشه
ناصر : وش نسوي هنااا
اديم : لازم تاخد شور تقدر ولا اساعدك
ناصر كان فعلاً مو قادر يسوي شي : ماقدر
اديم : طيب وجابت كرسي وجلست ناصر ونزلت الفستان الساحلي وربطت شعرها فوق ونزلت ملابس ناصر ما عاد الشورت وكان ناصر يتأملها ومستغرب ان قبل كم ساعه مضروبه والحين تساعدني وكان ناصر يحلف انها اطيب قلب
اديم : خليك دقايق واجيك
ناصر : طيب
وراحت اديم تجيب شامبو وملابس لناصر وحطتهم على المغسله وبدت تغسل ناصر بالمويه البارده وحطت شامبو على شعره وهي زعلانه منه بس ما يطاوعها قلبها تخليه مريض وتعبان كذا
اديم : وين شامبو جسمك
ناصر : ذاك الاحمر واخذته اديم وبدت تحطه على جسمه
اديم : الحين عاد انت نزل شورتك واغسل جسمك واذا لفيت المنشفه نادني طيب
ناصر : طيب وطلعت اديم وخلص ناصر : اديم
اديم : خلصت
ناصر : ايه ودخلت اديم : واخذت المنشفه وبدت تنشف شعره ولبسته تيشيرته
اديم : يلا انت البس الباقي واذا خلصت اطلع انتظرك برا
ناصر هز راسه بمعنى نعم وبعد ما خلص طلع واستند على اديم و وصل غرفة نومهم وانسدح وظبطت اديم الفراش
ناصر : مشكوره
اديم وهي ترتب الاغراض : العفو وراحت اديم تطبخ شوربه دافيه لناصر وبعد ما خلصت جابته
ناصر انصدم من ذا الاهتمام رغم اللي صار قبل كم ساعه
جلست اديم على طرف السرير : سم بالله
ناصر : بسم الله وبدت توكله بيدينها وهو يتاملها وقطعت له الخبز وحطته مع الشوربه
ناصر : ما احب الخبز
اديم : مفيد افتح فمك
ناصر فتح فمه وبدا ياكل اللي ما يحبه بسببها
اديم : نسيته
ناصر : شنو
اديم: امسك شوي وراحت ركض للمطبخ وجابت عصير البرتقال والليمون الطازج
اديم : اشربه كله زين
ناصر : طيب وشرب ناصر العصير كامل واخذت اديم الصحون وراحت توديهم للمطبخ وتغسلهم وجابت حبوب مخفض حراره ومن هالاشياء وعطتهم ناصر
ناصر : وش ذولي
اديم : ممكن تاكلهم وانت ساكت
نااصر سكت من عصبيتها : طيب واكلهم وراحت اديم تطفي النور : يلا نام
وانسدحت اديم جنب ناصر وهي زعلانه وشايله بقلبها كثييير عليه ونامت اديم وضل ناصر صاحي وانصدم اول ما شافها قايمه تقوس حرارته وترجع تنام وكل ساعه تقوم تلحفه وتتاكد منه
ناصر بينه وبين نفسه : اخخ ياقلبييي شلون بفرقاها نام ناصر وهو متضايق انه لو ما يرجع بيتزوج سدن وينسى اديم
..................................
في شغل رعد
محسن : يالله ما بقى شي
رعد وهو يمسح وجهه : الله يسهلها هالايام
محسن: لا يارعد اسمعك وانت نايم تقول اسم بنت
رعد : وش الاسم
محسن همس : نور
رعد فز : لا تقول اسم زوجتي
محسن ضحك : واضح انك تحبها حيل
انسدح رعد : احبها وبس الا اني ميت فيها وماني مصدق بعد ٢٠ يوم بتكون ببيتي
محسن : الله يوفقك يا عين اخووك
دخل خالد : يلا ياعياال بدا الدوام
رعد وهو يلبس بدلته : الله يصبرنا ويسهلها
الكل : امين
قاسم : عاد اعزمنا على عرسك يالرعد
رعد : اول الحاضرين انتوا
الكل : حيييي عينك
رعد : أبشروا بي يا اخواني
الكل : كفو
رعد : كفوكم الطيب نزلوا العيال
اللواء محمد: رعد
رعد ضرب تحيه
اللواء محمد : استرح
رعد استرح : نعم
اللواء محمد : خذ هالاغراض و حطهم بمكتبي
رعد بصوت حاد : اللواء منصور لا تنسى اني اللواء حالي حالك ولا اني خادم عندك خذ اغراضك ورح
اللواء محمد مسك رقبته : ما تسمع كلاامي ترا وظيفتك بيدي
رعد ضحك : وبلاويك بيدي ولا تنسى اني رعد ولد رغد
اللواء محمد ضحك : ولد رغد
رعد : ايه ولد رغد بنت سيف ال سعد
اللواء محمد : خذ اغراضي وانت ساكت
رعد مسكه وضربه : انقلع أنت وأغراضك يا كلببب
اللواء محمد : اورييييك وربي لا اندمك على هالضربه
رعد طلع سجارته وحطها بين شفايفه : اعلى ما بخيلك اركبه زين
..................................
بيت ابو فارس
فارس : متردد اكلمها ولا لا
ام فارس : كلمها يا حظيييي خذ اخبارها
فارس : زين يمه خلاص روحي بكلمها
ام فارس : يلا يمه كلمها وسولف معها
دق فارس بعد تردد كثييير وابتسم اول ما قالت : الو
فارس : مساء الخير
شهد : وجع مييين يا قليل الادب
فارس ضحك : احد ما يعرف صوت زوجه
شهد : اوه فارس
فارس : ايه فارس شلونتس
شهد : بخير انت شلونك
فارس : انا توني صرت بخير
شهد ضحكت
فارس : دوم دوم ياروحي
شهد : تدوم لاحبابك
فارس : اميين يا اول احبابي وآخرهم
شهد : احم ايه
فارس : ايه عطيني سوالفتس
شهد انسدحت وبدت تقول له اللي صار وبدالها الحديث فارس ومرت ثلاث ساعات وما انتبهوا
فارس : ايه وعاد انا وناصر تضربنا بوقتها وسكت فارس اول ما سمع انفاسها وعرف انها نايمه وابتسم وباس الجوال وقفل
( هاااي يا حبايبي وحشتوني حيلللل ادري مالي عذر بس هالبارت بيخلكم ترضون وبنرجع ننزل كل يوووم عطوها حقها عشان نكمل مع بعض بالروااايه 👏🏻🤍)
أنت تقرأ
ليه عمرُي مالقى لبره دفا الا دفاكِ؟
Romantizm"يا دار الأحباب كلٍ له من أسمه نصيب وأنا نصيبي من البيبان مقفولها غرَّبت نفسي بنفسي لين صرت الغريب اللي عجز ياصل الديرة وهو حولها"
