ليه عمرُي مالقى لبره دفا الا دفاكِ؟

البارت الخامس

عند البنات
ريهام : ترا بدق على عمي حمد
اديم : طيب
عند ابو رعد
وصله صوت ريهام
ريهام : السلام عليكم ورحمة الله وبركاته ياعم
ابو رعد : هلا يا ريهام وعليكم السلام ورحمة الله وبركاته
ريهام : شلونك يا عم
ابو رعد : الحمدالله انتي شلونتس
ريهام : بخير يا عمي بطلبك طلب بس ما تردني
ابو رعد : اطلبي كلّي لتس
ريهام : ابي اديم تنام عندي اليوم
ابو رعد : معصي
ريهام : ياعم تكفى
ابو رعد فكر شوي وقال طيب
ريهام : كفو يا عمي البطل وقفلت ريهام
وناظرت لاديم وقالت وافق
اديم ابتسمت بهدوء
وجاء ناصر ومعه طلباتهم
هذي لريهام قلبي
ريهام : اخخ احبك وربي
وهذي لحنين
حنين : مشكور ما تقصر يا بو صقر
وهذي لرفيف
رفيف : يملا العافيه
وهذي لاديم
اديم : شكراً
وحرك ناصر لبيت عمه حمد
ونزلوا حنين و رفيف وانتظر ناصر شوي وانتبهت ريهام
وقالت : نصوري اديم بتنام عندي اليوم
ناصر : حياها الله
اديم : الله يبقيك

..................................
بالعزبه
دخل سيف على جدته وجده وقال هلا ومرحبا بشيخة الدهام
وهلا بـ دهام الشيخه
ابو حمد بطرف عينه :  من متى ما انجلدت ؟
ام حمد بضحكه : يالماخوذ ما تستحي على وجهك
سيف طاح عليهم يضحك وقال : يا جد شفيك ما تبيني امدح جدتي وامدحك
ابو حمد : اقول قم قم لا اتوطى بطنك قم شف الحلال
و حلال ابوك قم
سيف قام يروح يشوف الحلال مع رعد والباقين
اسماعيل: يمه تخوف وش فيها
رعد بطرف عين : تخوف ذي ؟
اسماعيل بخوف : ياعمي روحوا بس بروح اقعد مع جدتي
سيف : يا عيااال
مشعل وسلطان : هاه
سيف كان يناظر البركه الي بوسط عزبتهم
رعد فهم عليه وقال انت ودك تنجلد اليوم صح؟
سيف : اقول رح يالشايب
مشعل : قدااام واخر واحد يوصل عليه كل شي
قاموا العيال يركضون وسبقهم رعد ودخلوا كلهم بالبركه
واخر واحد كان سلطان
سلطان : يهب عليكم وشذا السرعه ليه ما خذيتها منكم
رعد بضحكه مثل ضحكة اديم : اقول ولا كلمه كل الشغل عليك
..................................
عند الاباء
ابو رعد جالس وهو و اخوانه ببيته ودق جواله
هلا يبه
ابو حمد : تعال انت واخوانك للعزبه
ابو رعد : سم
ابو حمد : ولا واحد يتعذر كلكم تجون سامع
ابو رعد : سم وقفل ابو رعد وقال يلا امشوا
ابو ناصر : وين ؟
ابو رعد : قم قم بنروح للعزبه
ابو دهام : لا لا ماني برايح
ابو رعد : ابوي يقول الكل يجي
طلعوا ابو رعد والباقين للعزبه

..................................
عند اديم وريهام
ريهام : مشكور نصوري
ناصر : ولو ياقلبي
اديم : شكراً
ناصر : العفو يا بنت العم
نزلوا البنات و رحوا لغرفة ريهام
اديم بتعب : اف اخيراً وصلنا تعبت اهخ
ريهام : ماعليه كل شي يهون لاجل الكشخة وكان يجهزون للعيد
اديم نزلت عبايتها وقالت لريهام احد من اخوانك موجودين ؟
ريهام باستغراب: لا ليه
اديم : بنزل اجيب مويه
ريهام : زين انزلي ما في احد
اديم نزلت للمطبخ وصادفت ام ناصر
ام ناصر بحب لاديم : اديم عندنا يا هلا ومرحبا تعالي
اديم بابتسامة: يامرحبا فيتس يا عمتي وسلمت على ام ناصر
ام ناصر : شلونتس شخبارتس
اديم : بخير جعلتس بخير انتي شلونتس
ام ناصر : الحمدالله وينتس قاطعه عنا
اديم : يوه عمتي كنت مشغولة الفتره الي راحت بس الحمدالله عدت على خير
ام ناصر وهي تناظر باديم : وش هالجمال
كانت لابسه جينز ابيض مع توب ازرق وشعرها المدرج الطويل الاسود  وخصرها المنحوت وعيونها احلى من عيون المها ومبسمها
كاانت اديم جميله جميله بشكل يوجع و ينضرب عليها المثل :
كانها مثل ما تهواه قد خلقُت
في رونق الحسن لا طول ولا قصرُ
الورد من خدها يحمرُ من خجلً
والغصن من قدها يزهو به الثمرُ
البدر طلعتها والمسك نكهتها
والغصنُ قامتها ما مثلها بشر
كانها افرغت من ماء لؤلؤةِ
في كل جارحةِ من حسنها قمر
اديم بخجل : يابعد قلبي ياعمه
ام ناصر : يلا ما تشوفين شر انا بطلع وانتبهوا لانفسكم زين
اديم : ابشري
ام ناصر : تبشرين بالجنه
اديم اخذت الماي وطلعت لريهام
ريهام : تو الناس عبالي رحتي
اديم : اخ يالغباء اروح وعبايتي عندتس ؟
ريهام : الي هو وينتس تاخرتي
اديم شفت امك وجلسنا نسولف شوي
ريهام : اي زين
..................................
عند الجد دهام
ابو جمد : يا صقر
ابو ناصر : لبيه
ابو حمد : ولدك وينه ؟
ابو ناصر : جاي جاي
ابو حمد هز راسه
دخل ناصر عليهم وقال السلام عليكم ورحمة الله وبركاته
الكل : وعليكم السلام ورحمة الله وبركاته
ابو حمد : وينك يالسربوت ؟
ناصر : وديت البنات للسوق ورجعت
ابو حمد : شكلك ما تربيت انت وياااه
ناصر طاح يضحك : افا يجدي ليه
سلطان : بتعب اسمع انت وياه تعبت وانا اقهويكم كل واحد يقوم لنفسه
ابو حمد بعصبيه : عجيب والله ! لا انتوا يبي لكم العصا على ظهروكم وراك تقل حرمه
رعد بعد كلام جده ماات ضحك وسيف كان اسوء من رعد
اسماعيل قام من نومه : وش العلم
دهام : صرت ام يا اسماعيل
اسماعيل: هاه !
دهام : مبروك تتربى بعزك
رعد : حسبي الله على عدوك يا دهام بموت بطني
اسماعيل بطرف عين : وقسم بالله انكم سامجين
دهام : نمزح معك عادي
اسماعيل: مزحك ثقيل مثل دمك
ام حمد : خلاص انت وياه كلش الا اسماعيل
اسماعيل: شفتي جده اخ بس
ام حمد : تعال تعال بحضني
اسماعيل بفرحه : تم
رعد بزعل : وانا ياشيخة الدهام
ام حمد بضحكه: تعال انت بعد
سيف وسلطان ومشعل وناصر بوقت واحد : وحنا
ام حمد بكل حنان الدنيا : تعااالوا انتوا
وكل احفاد ام حمد كانوا بحضنها وحوالينها
دخل ابو حمد وناظر لهم بصدمه وقال : عجيب والله!
قوموا ياللي ما تستحون قوموا ابعدوا عن مرتي
العيال بصوت واحد : اوهه يالغيوررر
ابو حمد : لا والله هالمره ما بسكت وأخذ عصاته وضرب العيال وقال ابعدوا عن مرتي وانتي يا شيخه فتحتي حضنتس لهم !
ام حمد بخجل : وش بلاك عليهم جدتهم انا
ابو حمد بحده : شيخه!
ام حمد وجهها احمر : سم
( ابو حمد غيورر ولا وده يقول شي لشيخة قلببه ، راح تبدا الأحداث البارت الجاي استمتعوا بناتوتي ❤️‍🔥❤️‍🔥❤️‍🔥)