الصباح ... بيت مساعد
سيف كان جالس يحلب النياق و مرته ذكرى خلته يوقف عن شغله
: يعع تخيل بس احلب ناقه
سيف : يشيخه خلك بس تصيرين حلالي اذا ما خليتك تصبحين و تمسون على النياق ما اكون سيف
: ايه ان شاء الله دامها السالفة نياق بطلنا ما ابيك
ضحك سيف : والله يا حبيبتي اذا صار على كيفك ذيك الساعة نشوف
ضحكت : خلاص سيف بقفل بابا يناديني
سيف : مع السلامة
تنهد من مرته الذكرى ويحس انه ضيعه من يدته و ياليته تقدم لها
-
في مكتب الجد جمعة ...
طقت الباب و دخلت : صباح الخير جدي العزيز
جمعة ابتسم : صباح النور تعالي يا بنيتي
جلست بالكرسي اللي قدام المكتب و كمل : ها شلون الرياض معكم و لا اشتقتي للامارات
الياسمين : لا والله الحمدلله رجعنا ما صدقت على الله
جمعة : الحمدلله ما ابي اطول عليكِ بس حاب اشاورك بموضوع
الياسمين : ابدا لك كل الاوقات سم
جمعة : انتي تخرجتي من الجامعة و الحين جالسة في البيت اذا ودك تبدين تشتغلين ترا موجود مكانك بالشركة
انصدمت الياسمين : تسلم يا جدي والله يا انك جيت بالوقت الصح و قامت تبوس راسه
جمعة : على خير تبدين دوامك يوم الاحد
الياسمين: ان شاء الله و الحين على اذنك ولا ودك بشيء ثاني ؟
جمعة : سلامتك بحفظ الرحمن
مشت الياسمين و فتحت الباب و طلعت
جالس فمكتبه يحاول يشغل نفسه لانها مالها مكان الا عقله و مرته ذكرى يوم كانوا صغار
كانوا يلعبون في بيت المزرعة (طبعا بيت مساعد هي نفسها المزرعة )
الياسمين : بابا شف محسن وش يسوي
راكان : ياربي يا محسن وش مسوي بعد
محسن : والله يا عمي ماش بنتك دلوعه كبيت على وجها الرمل و بكت
ضحك فهد : شف ولدي ما سوا بس بنتك و لف على محسن انت منجدك؟ تقول البنت دلوعه زين ما دخل بعينها
محسن جلس على الارض و قال : و اذا دخل الرمل بعينها وش بيصير يعني بتموت ؟
و لف للجوري شافها تناظره وهي معصبه و ابتسم
ضحكوا كلهم على النظرات اللي بينهم و هم عارفين انه محسن ينبسط اذا شاف الجوري تبكي اوو معصبه
-
قطع عليه ذكرياته دخول احد الموظفين
: تفضلي هذي المخططات الي كنت تبيها و مد له الخطط
محسن : ايه هذي يعطيك العافيه
: تبي شيء ثاني؟
محسن : لا تفضل
طلع الموظف و انشغل محسن بشغله
-
: يعني انا اتساءل ليش ما نسكن عند جدي مو طبيعي زيادة على زحمة الرياض طريق بيتنا
ضحك معاذ و هو يسمع حلطمتها اليوميه و كملت : و غير ساكنين فمزرعه احد يسكن فمزرعه ؟
معاذ : والله ماشاء الله على ابوك ما بقى احد ما حاول فيه و هو صامل على العيشه هناك
قمر : شف الصداقه حتى انا احب المزرعه و متعلقه فيها بس مو لدرجة اني اعيش فيها لو نجيها كل اسبوع انا راضيه
معاذ : كلنا راضيين و انا اللي بجيبكم بنفسي بس هو خليه يوافق.
تنهدت قمر و لفت للشباك تشوف الطريق
