صباح يوم جديد ...
دخلت مكتبها وجلست تشوف الملفات اللي عطاها غسان و لفت نظرها الملف اللي جابه رائد خذته جلست تتفحصه و فجاة انتبهت لاشياء بتغير مجرى القضية
في شركة جمعه ...
جمعه: وهدي الملفات تأكد لي منها
سيف : طيب
جمعه : وهذي الملفات توديها لبنت همك
سيف : حاضر
راح سيف و شاف موظفه : لو سمحت
: هلا
سيف : وين مكتب بنت عمي ؟
: بنت عمك؟
سيف : حفيدة جمعه
: ايه اخر مكتب على اليسار
سيف : شكرا و راح طق الباب جاء صوتها تسمح له بالدخول دخل و شاف اسمها و تنهد لما شاف اسمها
رفعت رأسها و شافته خذت نفس : تفضل سيف
دخل ومد لها الملف : جدي يقول هالملف لك
خذته وجاء بيطلع و قالت : سيف
لف عليها و كملت : اجلس ابيك بموضوع
عقد حواجبه و جلس : امري
ياسمين : بسألك
سيف: تفضلي
ياسمين : هل من الطبيعي المتزوجة تجلس ببيت اهلها كل هالوقت ؟
سيف : ايه اذا بينهم شيء
ياسمين : يعني انا جالسة ببيت اهلي عشاني انا زوجي بيننا مو عشان يمكن انا ما تزوجت ؟
سيف : ها ؟
ياسمين : انت من وين جايب اني متزوجة ؟
سيف : ذاك اليوم اختك قالت انك انخطبتي
ياسمين : بس انا انكرت
سيف : انكرتي بس بعدها اختفيتي
ياسمين : و انت حطيت هذا سبب لاختفائي ؟
سيف: فيه سبب ثاني ؟
ياسمين : ابوي عرف اني اكلمك
سيف : و بعدين ؟
ياسمين: خذ الجوال مني و لما رجعه لي لقيتك مبلكني
سيف : و سالفة الخطبة ؟
ياسمين : حقيقيه بس انا رفضته
سيف : يعني انتي مو متزوجة و انا فهمتك غلط ؟
هزت راسها و سكتو شوي بعدها قال : اجل طلعتي بنت عمي ؟
ضحكت و قالت : طلعت ولد عمي
سيف : الحين انت مو اماراتيه ؟
شتت نظرها وكمل : كذابه صح ؟
ياسمين: لا انا قلت لك اني سعوديه
سيف : انت قلتي فيني عرق سعودي
ياسمين: ما توقعت الصراحة إنك تصدق وانا من كلامي واضح
سيف : يشيخه وانا يا عمري علي افكر كيف اقول لاهلي اني بخطبك و وين نسكن و اثاريك بنت عمي ؟
ياسمين : عاد بهذي ما كنت ادري انك من معارفنا اصلا رن جوالها : هلا جدي
جمعه : وصلك الملف
ياسمين : ايه
جمعه: زين اجل مع السلامه
ياسمين : مع السلامه و سكرت منه
سيف : يالله انا بروح وراي شغل توصين شيء
ياسمين : سلامتك و طلع سيف و قالت وهي مبتسمه : الحمدلله
اما هو ...
دخل مكتبه و سكر الباب و قال : yes yes الحمدلله مو متزوجة اجل هووف الحمدلله و جلس على الكرسي : انا قايل هي حقت سيف لحاله
-
العصر ...
جاء من الدوام شاف الوقت بدري راح يبدل لبسه و طلع و ركب سيارته و راح البقاله ياخذ مويه للمسجد ناويها صدقة
ركب سيارته و دخل المقبره : السلام عليكم دار قوم مؤمنين و انا ان شاء الله بكم لاحقون نزل عند قبره : السلام عليكم يوسف مبارك عليك الشهر سامحني ما قدرت اجي اول يوم رمضان و مالي وجهه اقولك اني انشغلت سكت شوي ثم كمل : ثامن رمضان يمر تدري ان للحين نروح كلنا ناخذ السجادات و المسابيح للمسجد كل ليلة رمضان سكتت ثم كمل: وديت للمسجد مويه نفس كل مرا لعل و عسى تسامحني كل الناس يقولون انك مسامحني بس انا ما سامحت نفسي ما اقدر احط عيني بعين اهلك يا يوسف ما قدرت و نزلت دمعه من عينه : يوسف سامحني اكان قصدي والله ما كان قصدي و رن جواله
: هلا يا جدي
جمعه : وينك يا ابوك بياذن المغرب وانت مو فيه
: هذاني جاي بالطريق بس انشغلت شوي
جمعه : يالله لا تبطي
: ابشر و سكر و ناظر القبر : المفروض تكون معهم الحين مو انا اهههخ بس مسح دموعه و قام ناوي يرجع البيت
