گل بهار

ذكريات عن الماضي

سكتتها اسمهان وكلتها ونيمتها طفله مثل الملاك... لعلويه زهره يمه ام احمد هاي شلون بيها لبنيه واحنه ليله طالعين من كربلا شلون بهل هاي لطفله لمانعرفهم خاف سوي النه مشكله واني اخاف عله ابوج واخوته وعدهم بنات هواي وستعبرت لعلويه زهره وبجت وكملت حجيها هاذ ابو احمد مارجع صار 14 يوم 🥺 ولوكت موزين وذني خواتج شباب وكل وحده عد رجلها بس انت لشايله همها لمارجعلج رجلج اخاف /اسمهان سمعت حجي امها نهضت بسرعه وخلت ايدها عله حلگ والدتها وگالت لايمه لتگولينها اترجاج وبجت وخلت راسها عله صدر امها /اني خايفه يلغاليه خايفه جاسم بعد ميرجع وبجت بصوت عالي بحيث اخواتها لخمسه واخوات رجلها بنات عمها علئ وبنات صفاء العم لثالث كلهن لتمو يمها خايفات عله اسمهان وقلقات ليكون لابن لاكبر لهل عيله بعد ميرجع او قتلوه حزب البعث البائد محد يعرف عنه شي بحيث اخوته مابديهم حيله

عائله متكونه من 3 اخوان وعائلاتهم

السيدعلي ابو اسمهان واخواتها لخمسه واخوها مؤيدمهدي وامهازهره

السيد علئ واولاده 7 وبناته 2
وزوجته ليلا متوفيه
لمن انجبت اخر ولد كرار الي ربته اسمهان وي احمد ك ولد الها مو ك ابن عم او اخ رجلها لا اسمهان ربته هوه واخوها مؤيدمهدي ك اولادها حته يسموها ماما لمن جابته بئثناء الولاده توفت خالتها ام جاسم اخت امها

تجمعهم الخوه والموده والاحترام
واحد يتكه علثاني بوقت الضيق واحد يسند واحد گلب بگلب ملتحدين وناجحين وسعدا ملتمين يجمعهم بيت واحد جبير واسع بس مو بوسع گلوبهم ساده نجبا غياره

لبنات كلهم يحبون اسمهان حته بنات عمامها يحتبروها اختهم لكبرا وجاسم وباسم اخوه تؤم

ارجع بيكم للماضي قبل 13 سنه 🕯️

جان عمر اسمهان بوقتها 16 سنه بعمر ابن عمها جاسم واخوه باسم بحيث اخوتهم بين ل 14 وال وال 12 الا اخرهم ولد وبنات

حدث تشدد بين لاخوين بسبب اسمهان بت عمهم... جاسم يعشقها لاكن يحترمها ويحترم لعايله وهوه من سبق اخوه بحبها
من طرف اخر باسم موبس يعشقها لا هايم بهواها اذا ماشافها وتغيب فترة زمن عنها ينجن

بين ما اسمهان گلبها مايل لجاسم ومتشوف غير اسدها وابن عمها لابن لاكبر للعيله جاسم لانسان الراقي

صار هواي صراع باسم يلح وهي ترفض وجاسم سكت ماخالف اخوه احتراً لعايلته وابوه وعمه ...
ومن طرف ثاني ماصار سنتين لامهم من توفت لهسبب هوه يتحمل مسئولية اخوته

سكت جاسم من خيروه عمه وابوه بزواج من اسمهان لاكن بعد لسكوت رفض
لانو يعرف اخوه عصبي وميتحمل الم فراقها...
ايام وتم زواج اسمهان من باسم
بس فردشي لي موجع گلب جاسم انو اسمهان عنيده ويمكن هاذ الزواج ميدوم ويمكن يطلع باسم من هلزواجه بكسرت گلب وخاطر
ضحه جاسم بحبه لاخيه باسم وشباب زمان مو مثل شباب هسه شباب زمان قول وفعل وجانو ميكسرون كلام اهلهم

ليلة زفاف اسمهان جنها زافيها للقبر مو لباسم الوسيم الجسيم بس هي بخاطرها اخيه مو هوه

قبل الزفه بليله نزلت من لبيت للحديقه تريد شوف جاسم لاخر مره وتعرف وين تلگاه وگفت عله راسه جان گاعد ب مكان امه الي متعوده تگد بيه گعدت يمه وگالت عرفت الگاك هنا شتاقيت الها يجاسم 🥺
گلها بگد الدنيه مشتاق الها لو موجوده ليله وي باسم باجر اول ولد الها ينزف وهي ماموجوده يسمهان
هاذ لحجي گطع گلب اسمهان وبجت رغم هي ليلها ونهارها تبجي لئلمها
لاكن نهضت واستقامت وگالت اجيت اوعدك ماراح اصير زوجه لباسم لو اموت بدموع تجري وگلب موجوع حجتها حذرها جاسم بس مافاد

الي يخطب يجهزوله غرفه من لبيت الجبير وباسم واسمهان اخذو نصيبهم
بعد لزفاف وفرحة باسم لماتتوصف عرف انو زواجهم راح يفشل لامحال

بس هوه هم عاند وازوجها باسم ولمن صار لزواج بصباح عرسها رجعت لغرفة اخواتها لي جانت هي بيها هوه يرجعها وهي تعوفه وتطلع من غرفته استمرو عله هاي 9 اشهور حدما وضعت حملها اسمهان وجابت محمد

لمن جابت اسمهان محمد طلقها باسم

وبعد العده عقدولها لجاسم جابت احمد وغرام تؤم وباسم زوجوه اختها جنان وجابت جنان ولد
بعمر احمد وغرام بينهم بس 2 شهور وهماتي سماه ابو محمد بحيث ابن اسمهان رباه عمه جاسم

اتمنه تفرحوني بتفالعكم جديده ع لواتباد