بعد خيلاني و جماعتهم فاتو ، دخلت استحميت و جيت ناديت امي :
** تعالي اقعدي !
__ يا كريم يا رب .. ( قعدت ) مالك ؟
** قبيل كنت مع قصي
__ وين الجديد ياهو حالكم كل يوم !!
** بيتنا خلص و بقى على الفرش بس ! و دي احلا و اجمل
حاجة حصلت في اليوم دا !
__ الحمدلله والله ي بتي ! قصي دمو حار م بتاع مهلة و شاطر !
** فعلا ً ! اها فجأة زنقني بموضوع العرس ، قال شهر اكون جهزت كل شي !
__ شهر كيف يعني !؟ شهر شنو م تتحبسي ؟؟ كدي فهميني
و احنا نجهز نفسنا متين يعني ؟؟
( سلمى جات طايرة بي صوتهم )
سلمى : في شنوووو .. في شنووو ( قعدت في نصهم )
** شهر تجهيزات عفش وًحاجاتي والله م عارفه يا امي انا زاتي متلخبطه شديد ، افكاري كلها اتغيرت حتى شغلي اسي طلع برا الحسابات !
__ يجي يقعد مع ابوك عشان نفهم الحاصل
** اكيد حيجي ! المهم بكرة حتمشي معاي نشوف البيت عشان على اساسو اقدر احدد الفرش اتخارج منو !
سلمى : دا شنو دا ؟ بيت منو ؟؟ في شنو فجأة هيييي ؟؟؟؟؟
__ لا هو مالو فجأة كدا ؟
سلمى : الفجأة شنو فهموني معاكم ياخ ؟!!
** ( بي توتر ) قصي قرب زمن العرس ! مفروض نبدأ نجهز !!
سلمى ( بتصفق ) : يا سلااااام احلاااا احلاااا حاججة ، احم احم
معاكم اخت العروس شخصياً ! واااي انا ماشه افتش شكل
فستاني .. ( قامت جرت )
** سلمى في عالم تاني !
__ م عارفه لكن ربنا يسهل !!
** طيب انا بمشي ارقد ابوي لمن يجي صحيني عايزة اتكلم
معاهو
__ طيب !
بتقول :
ليلتها حسيت مخي شاطب ، رغم ان دي ايام بنخطط ليها انا و قصي من زمان يمكن من قبل م نتخطب ، هسي م قادرة افهم
الفيني دا شنو ! كل العملتو جبت لابتوبي و ربعت في نص السرير ، بعد قعدته جريت الوصلة شبكت
تلفوني في الشاحن و وصلت سماعتي و اتصلت على قصي !
فصل فيني و رجع لي .. رديت ليهو و انا بمد يدي على درجي عشان اشيل النوته حقتي ، اللي هي مرجع لي كل تفاصيل العرس !
قصي : وصال ! الوو
** هاه حبيبي ايوا معاك ، وصلت كيف ؟
قصي : الحمدلله بخير ، بتكركبي في شنو ؟
أنت تقرأ
مندرين... قيد الكتابة
Short Story#مندرين | الآن .. انا و Fatma Gasmalla بنتمنى ليكم متابعه ممتعة☕️ أعرف غُربة الأمَاكن بَعد أن كانت أُنس، أعرف شُعور اللامَبالاة بَعد كمية الإكتَراث، أعرف خُطوات التَجاوز بَعد عشرَات الإلتفاتات، أعرف الوقُوف المُستقيم بَعد عثرات السُقوط، أعرف طعم...
