" في أي علاقة لو ماشعرت إنك مرحب بيك ومحاط بالحب من زولك والناس الحواليهو ماتجازف وترتبط الحاجة دي بتخلق ترسبات مابتنمحي أبد الدهر، عكس الشعور داإحساس إنك مهضوم ومحبوب واللهفة جواها شايلاك بخليك تحب نفسك وشخصك المفضل وحتى الحواليهو كمان، بتبقى مبدع في إظهار مشاعرك "
.
.
.
صوت خطوات شبشب طج طج طج"
لا اراديا الموجودين راسهم اترفع و بإنتباه مع الصوت
البقول :
قتلتي برضو زي ما قتلتي امك وابوك!!!
اصلك من يومك نحس...!!!
"سهاد بترفع راسها بتعاين ليها وبترجع تقرا في المصحف بدون تنطق حرف "
واحدة من النسوان : لالا يابتي دا ما وقت كلام شين ادعي للميت بالرحمة والمغفرة اقعدي اقعدي..
[ فعلا ما وقتو بس كان لازم يتقال ]
نادية اخت احمد كانت مفرشة مصلاية وراقدة فيها رفعت راسها بتعاين ليها وبصوت هامس ما صحي نحس وبتدي سهاد نظرة كره واضحة
في السراير لجوه كانت راقدة ام احمد مغتية بتوبها وجمب رجولها اختو الكبيرة قاعدة ماسكة مصحف وبتقرا فيه.
"وسوسة كلام جانبي"
[دي منو بتشبها؟! ]
[غايتو الواحدة ما بتخاف ربنا في لحظات زي دي تجدع كلام ما ياهو]
[انتي الناس ديل حبة كدا مالهم ما شايفة اهلها وين؟! ]
[مرتو الا بتعرفها ولا خشمها فتحتو ليها]
[بري ما جات تعزي شوفيها نافشة ريشها كيف]
وصال بتقول :
لما البت دي جات مارة بجمبي انتبهت ليها فيها شبه من سهاد ودمهم واحد وبعد عاوزة اطلع بره رجعته تاني سامعة كلامها الغريب لي سهاد واستغربتو منها في وقت زي دا
جيت عليها قلت ليها
اتفضلي اقعدي
"كبيت ليها موية ومديت ليها الكباية ومعاها مصحف "
**عاينت لي وصال "شكرا"
"بعدها بفترة سلاف جات داخلة مع امها وعينها على البت القاعدة بتمسك يدي بضغطة عليها وصوت براحة
"
دي منو؟!
وصال : ما بعرفها جات قبل شوية
"عينهم عليها"
سلاف : تعالي يا امي هدي سهاد
"امها بتقالد سهاد بتعزيها وبتقعد تبكي معاها وتصبرها بكلام وتقعد"
أنت تقرأ
مندرين... قيد الكتابة
Short Story#مندرين | الآن .. انا و Fatma Gasmalla بنتمنى ليكم متابعه ممتعة☕️ أعرف غُربة الأمَاكن بَعد أن كانت أُنس، أعرف شُعور اللامَبالاة بَعد كمية الإكتَراث، أعرف خُطوات التَجاوز بَعد عشرَات الإلتفاتات، أعرف الوقُوف المُستقيم بَعد عثرات السُقوط، أعرف طعم...
