#مندرين16
لنفترض أني أحببتك ''لا سمح الله'' ، وأنت أحببتني ''آمين'' هل سنمضي كما يمضي جميع العاشقين إلى النهاية المحتومة ؟؟؟
#مندرين16
#حنين_بتقول
حرفياً م كان لي مزاج اطلع بس لمن طلعت معاهم ما ندمت ، و فعلاً كنت حأندم لو ما كنت طلعت معاهم ، قدر شنو هما لطيفين ، و اتمنيت لو كان لي أخ لطيف زي سراج م زول مُعقد و بحب اخواتو م نوع الرجال البدس اخواتو البنات و معقد و جواط و م مريح و معيشهم جو رعب ، لاحظت الحاجة دي في خالتو امال و عمو الطاهر -
بالجد راجل بمعنى الكلمة رغم صغر سنه الا انه شهم و عقلو اكبر من عمرو - لي لحظة انا قلت لي نفسي ، انا ليه حكمت انه صغير ؟
م بتذكر وصال اليوم داك قالت هي اكبر و لا هو ! فجأة قاطعني صوتو وهو بقول لي :
سراج : ما نازله معاهم ؟؟
حنين : وين ؟
سراج " بأستغراب " : كيف وين ؟ ديل نزلو قالو عايزين بيتزا سلمى من قبيل تأشر ليك و انتي م جايبه خبر !
حنين : يعني لازم انزل ؟ مصدعه لسه الصراحه و في لسعة برد كدا ، م ينفع ناكل في العربيه ؟
سراج " ضحك مد يده قفل الشباك القصادها " : دايراها بشنو ؟
حنين : اهم شي م تكون لحوم جيب اي شي
سراج : نفس الفهم بالمناسبه
حنين : جد ؟
سراج : ايوا ههه مكس اجبان كيف معاك ؟
حنين : خلاص ظريف بس صغيرونه تمام ؟
سراج " ضحك و مشى "
حنين ( بضحك مالو ! يا الله ليه بوترني كدا الزول دا لمن يعاين لي ، هفف حنين اخدي نفس .. )
" بعد ربع ساعه "
سراج ( شايل البيتزا ) : اسمعي ! جبت وحدة كبيرة بما انه حناكل نفس الشي ! رايك شنو تتقسميها معاي ، ناكل سوا ؟
حنين : و ديل وين ؟؟
سراج : جاين بس لسه م طلعت حقتهم انا مشيت طلبته و هما لسه بتشاورو و ينقوا ..
حنين : تعال طيب خلينا ناكل عشان لو بردت دي تاني ما بتتأكل ..
سراج ( فتح الباب عايز يركب - نادتو رزة قالت ليهو ) :
رزة : سراج .. سلمى قالت لي اقوليك تجيب القالت ليك عليهو !
سراج ( بأستحضار ) : اها لحظة طيب - حنين امسكي مني " ناولها بالشباك " و طلع جزلانه - بإستعجال شال القروش بعشوائيه و مد ليها القروش و ابتسم قاليها ) هاك !
أنت تقرأ
مندرين... قيد الكتابة
Short Story#مندرين | الآن .. انا و Fatma Gasmalla بنتمنى ليكم متابعه ممتعة☕️ أعرف غُربة الأمَاكن بَعد أن كانت أُنس، أعرف شُعور اللامَبالاة بَعد كمية الإكتَراث، أعرف خُطوات التَجاوز بَعد عشرَات الإلتفاتات، أعرف الوقُوف المُستقيم بَعد عثرات السُقوط، أعرف طعم...
