00:00
عُتمة
تعصف الرياح لتمهد طريق العبور..
𝐍𝐨𝐰 𝐥𝐨𝐚𝐝𝐢𝐧𝐠. . .
رزة ( بي لهفه و فرحه ) : منو عليكي الله ؟؟؟
وصال : وانتي لو م عرفتي بتجني
رزة : ياخ قولي لي
وصال : بيحب حنين !
"رزان ملامح وشها اتغيرت وقتي مع آخر كلمة قالتها وصال وقامت طوالي من عندها بدون ماا تنطق ولا حرف"
"وصال بتعاين ليها وهي بتطلع منها"
بسم الله دي مالا دي...
"رزان جات الغرفة وبقت تودي وتجيب في الموضوع من تاني وبتضغط على اصابعها بعدم إستيعاب للسمعتو هسي "
__كيف يعني حنين انا ما حينفع اسكت هههه دي ملعبة دي ؟!! هو قايلني شنو؟!!
"بتطلع وبتجي جهة غرفة سراج واقفة ومسكت وكرة الباب وطق طق دقتو وكررب فتحتو قبل تسمع رد حتى"
سراج بإستغراب بعاين ليها وعاقد حواجبيه بعلامة إستفهام
رزان !!!
__ممكن أخش يا سراج؟!
**هو انتي فعلا دخلتي قبل حتى ارد مش كان احسن تنتظري لما اقول ليك اتفضلي
__من متين يا سراج؟!
** شنو هو ؟!
__ههه انت بتستهبلني ولا قصدك شنو عشان ما فاهماك انا حاليا انا البسأل و انا العاوزة توضيح للحاصل دا؟!
**شنو هو يابت الناس اتكلمي عديل و خلي كلامك واضح داخلة صارة وشك بتبرطمي انتي في شنو اصلا ما فاهمك انا؟!!
__ههه لا انت فاهم وفاهم كويس كمان بس ابدا ما كان العشم يا سراج ابدا ما كان ياخ اقلاها كان تجيبني وتقعد الهبلة دي وتقول لي كيت كيت مش بالبساطة ديتتخطاني ولا كأني زول
"بعاين ليها بإستغراب شديد "
**رزان انتي ما طبيعية الليلة عايني اذا عاوزة تسوي فيني مقلب بالله عليك دا ما وقتو وما فاضي ليك انتي وسلمى لحركات الشفع دي وامشي شوفي قرايتك واخديالباب دا معاك في يدك من غير ما تفهميها تطردة لو سمحتي !! ...
__مقلب؟! وحركات شفع؟! للدرجة دي شايفني هايفة كدا؟! او ما عندي موضوع؟!
** انتي حا تقولي العندك ولا اطلع انا واخلي ليك الغرفة وياريت تتكلمي براحة ..
__تمام طالما عامل انك ما فاهم تقدر توضح لي موضوع حنين الفجأة دا شنو؟ !! بس صحيت الليلة وقلبك قال ليك حنين ولا في حد غير ليك رايك مني؟!! ولا هي دخلتفجأة كطرف تالت و حصلت البلبلة دي ! هااه ؟؟؟ ..
أنت تقرأ
مندرين... قيد الكتابة
Short Story#مندرين | الآن .. انا و Fatma Gasmalla بنتمنى ليكم متابعه ممتعة☕️ أعرف غُربة الأمَاكن بَعد أن كانت أُنس، أعرف شُعور اللامَبالاة بَعد كمية الإكتَراث، أعرف خُطوات التَجاوز بَعد عشرَات الإلتفاتات، أعرف الوقُوف المُستقيم بَعد عثرات السُقوط، أعرف طعم...
