رونق البحر

الشرط ✨

يا من ينظرُ لعيناي كُف عن سؤالي
وكيف السؤالُ وأنتَ مجرمُ بالجمالِ
فأنا العاشقُ المتيمُ وأنتَ الغافلُ عن حالي
قل لي أينَ مهربكَ !وقد حُسمَ التلاقِ
ف واللّه لإسعى وأن كان الفوزُ بكَ اذلال ِ

****

"غيث "

"شرط يا شرط شتگول هاي  مفهمت "

غيث : أأمري عيوني الج .

رونق : أريد شسمه .

غيث : شسمه يي بالله هذا الشسمه وين الگاه.

رونق : لا لا خلص ما أريد انسى أوي .

غيث : رونق گولي لتشلعين گلبي عاد.

رونق : ها يعني طلعت أشلع كلبك ، لا على شنو داده أعتذر ما اطلب منك شي .

غيث : شلون حكفخج والخلق محمد احجي  يمعوده منا  الوادم خاف تكعد .

" يابه احس روحي بس أريد اكفخهه هيج على وجهه شكد تجرجر بالحجي أبد ما احب هيج نوع أني تلعب نفسي تتمايع بالحجي حطيت أيدي على عيوني ومسحت وجهي أتمالك أعصابي ، واباوعلهه عيونهه ذبلانه ومبينه تعبانه وصايرات دم ، شنو جانت تبجي ؟!  لملمت نفسهه وعدلت العبايه اللابستهه ورادت تكوم تروح "

رونق : أنسى بحر .

غيث : شو أبويه تعالي جنتي تبجين !.

"گمت على حيلي وگفت بصفهه  هي نزلت راسهه محجت ولا كلمه رفعت راسهه على كيفي ، وياريت  مشفت هالمنظر أحس گلبي انعصر شلون وأحد خايف من شي هيج شعور مدري شجاني بس حيلي نهد وما اعرف اريد شسوي ، تبجي ومختنكه ومتطلع صوت تفرك بأيديهه وشهگت شهگه سحبت روحي وياها  وجان تحجي بصوت مهزوز "

رونق : أني أريد أ - أأنام  .

غيث : شتنامين منو بچاچ ليش تبجين باوعيلي عاد رونق .

رونق : عوفني ح-حباب .

"بعدهه تشهك هاي ليش من تبجي متكدر تسولف ,ما اعرف شصار بيه رغم الوجع اللي بجسمي بس ممهتمله بگد وجع گلبي حالياً جريتهه وخليتهه على صدري وحظنتهه خايف خايف بس مو أني الحظنتهه گلبي حظنهه اني معليهه بس اللي فاجئني ، مدفعتني هاي ليش مدفعتني ! "

غيث : رونق آسف والخلق عيونج ما أعيدهه تنكسر أيدي اذا ازعل عيونج لتبجين .

رونق : أني سمعته هو نفسه هذا اللي اجه هو ييي .

غيث : شجاي تكولين فهميني منو سمعتي .