رونق البحر

توتر ✨

أيا ليالِ عذابِ وطول انتظاري كيف الدار؟!
أيا قسوة غربتي بروحي كم تركتي من آثار .
ويا غياهب ظلمتي صليني بها ليعود الانتصار .
ترنو فتحتبي فتقسو علي, بالله اما كفاك اعذار؟!

*****

*غيث *

"جنت احاچي مؤمل وأريد هذا السافل الخايس عديم الشرف يضل عايش حته يفيدنه بمعلوماته وبالاستجواب وانطيتهم اشاره يتحركون وياخذون چثه سلام وياهم وهمه مسافه گدامنه بينما أني وابو حرب كملنه تمشيط اخر بيت و التفتت على أبو حرب .
جاي اسولف ويااا واحاول أزيل همه اللي هو همي بالأساس وما احسسسس إلا صوت دووووووي قووووي وجاااان "..

سِراج : اجه أجلنا بحر مودع بالله ومحمد رسول الله.

اعاين لأبو حرب وأني على گعدتي گام وگف وعيونه تجدح نار بدت الأفكار تتصاعد براسي بيا مأزق صرنه وكم شخص فقدت كلماته صار الهه اثر جبير على آذاني وضليت أعيد حروفهن ..
صدگ اجه أجلنا هنا النهايه رفعت عيني وباوعتله وگلت .

غيث : إذا جانت هنا النهايه أبو حرب ف خليهه تكون مُشرفه خلي لموتك علامه يصعب نسيانها خلي استشهادنه فرح بعيون اهلنه ولآخر نفس سِراااج تفهمني .

وگفت على حيلي گدامه باوع بعيوني وهز راسه يباوعلي نظرات وداع عيونه تودعني وما قصرت أني هم ودعته بعيوني ثوااني وجرني وشبگني ظرب ظهري مرتين وصاح .

سِراج : بحررر خويه عضيدي منموت وعيونك نتصداهم همه كم نفررر .

غيث : هههه چا مو اجه اجلنه .

سراج : لا تراجعت لازم نرجع لبيتنه سالمين وبدال متكون الجثه سبب الفرحه خلي الإنتصار يعلى ويه حس الهلاهل .

غيث : چا أمشي بقينه بس احنه هنا افتر من هاي الباب وأني من هاي الصفحه ويا ميتين يا الله يحيينه .

سِراج : گول الله يلا توكلنا .

" طلع أبو حرب من الباب الاماميه بالمكان الچنه واگفين بي عباره عن بيت صاير خرابه ومن سمعت صوت طلق ناري قوي وقريب علينه وصوت سياره عرفت الخطر صار اقرب علينه خصوصاً والرتل صار شويه مسافه عنه بس الظلام ساعدنه . ما أنكر الوضع اللي احنه بي يحبس الأنفاس بس لازم نخلي ارتجافنه البسيط على صفحه ونطلع منا بأمان ..

انسحبت ببطئ أمشي وأأشر لأبو حرب يمشي وياي بهدوء بس بيناتنه عشر أمتار تقريباً هو من جانب واني من جانب ثاني . سمعنه صوت خطوات ووگفنه سفطنه روحنه على الحايط وماحجينه ولا كلمه سحبنه نفس قوي وواحد يباوع على الثاني من زرف الألمنيوم والحدايد الخاتلين وراها ظلام دامس واكو ظوه خافت من جهه الجرذان الجايين بقينه بحاله سكون منتظرين يتقرب أكثر ونچفته ...

على صوت خطوات العدو تتحرك خطواتنه وكل ما يقترب أكثر نتأهب للهجوم وبلحظه وحده شفته كدامي بالگوه اكدر أشوفه من هذا المكان الصغير يا دوب يكفي لبؤبؤ عيني مغطي وجهه وبس واحد شخص واحد ؟!! .