رونق البحر

إعتناء✨

*غيث*

*في سْرِ عينيكِ سحرُ القصيدْ.
وفي جمال مقلتيكِ صمتْ شَريد
أنا الذي خَضعتُ ومالي فِكّرُ سَديد
أنا القوه والعزه أنا ذو العقل الَمَريد
أخانني قلبي وبغفلةٍ ولى عنيد ؟!
رفقاً بعشقي فاتنتي ..هَوني على قلب العقيد*
***

_جاي ادردم وحدي مخلي ايدي على عيني ما اكدر افتحهن ،،،، دنيا ليل وبارده .صار يومين من راح سِراج ، وأتذكر الأبيات الجنت أكتبها جنت عاشق للغه العربيه وأبياتهه شغلي وتعبي خلاني أغفل شويه عن أكثر شي أحبه.

تنهدت والدنيا بره ضربت عواصف الظاهر الشتا هاي السنه قوي وبين ما اني نايم وصاحي اندگت الباب ..

رونق : غيث نايم !!؟
حچت بصوت ناصي همست بس سويت نفسي نايم ما أريد ادخل بنقاش وياها وأني اصلا تعبان البنيه هاي سليطه اللسان لسانهه اطول منهه رعنه .

رونق: شسمه نايم مو !
غيث : يي نايم .
رونق: دگوم اتعشه .
غيث: ما اريد.
رونق: غيث صوتك شبي ؟!

*هاي شبيهه شبي صوتي مابي شي بس جاي احس عيوني ثگيله*

غيث:شبي صوتي.
رونق: شو دقيقه وخر ايدك شو فتح عينك غيث .
غيث : رونق طلعييي بره .
رونق : ششش بس دقيقه خلي أشوف ماما شو تعالي يوم .

*هاي ليش تعيط شبيهه جابت اللحاف وغطتني ،لا حاره اني محتر كلش جاي احس جسمي نار وعيوني محترگه *

غيث: رونق.
رونق: ها گول.
غيث: إيدج بارده وخريهه عن گصتي .
رونق : غيث أنت مصخن مشتعل نار شو بس تكدر تفتح عيونك.
غيث: مممممم .
رونق: ربي دخيلللللللك .

* رونق*

ما أدري شسوي دزتني أمي اسويله عشه وراحت للمزرعه تغطي التنور وتشيل الحطب انوب اني وحدي .انجبرت اروح اني بس انصدمت والله العظيم حرارته كُلش عاليه مَفتح عيونه أبد ،وگام يأأن صوته تغيرر خفت ،،،صحت أمي وأمي ماكو مرجعت لسه

رونق : غيث تسمعني.
غيث: اكلي خ** طايحه الحظ .
رونق : وسم هاي شبيك .
غيث: چا شگالولج آنه اطرش.
رونق: لا بس مريض.
غيث: الدنيا حاره.
رونق: جبتلك كمادات أصبر هسه تصير زين .
غيث :ثلجتت غطيني بارده.
رونق: مو جنت محتر شبيك.
غيث: بااارده اخخخ يا علي .

* خِفت والحسين ديرجف جسمه كله يختض وعرگان شعره لزك على گصته عاگد حواجبه ويأن ..
شسوي ميقبل اتقربله شلون أساعده.
استغليت وضعه لأن مغمض ورحت خليت الكمادات على عيونه ووجهه نگعت رگبته وصدره.
مي بارد *

غيث: وخررررري وخري هاي شخليتي .

*عاط بيه بس ميگدر يتحرك جسمه قشعر أثر بردوه ألمي بس ميخالف ليروح يصير بي شي *