*غيث*
جاي اسمع صوتهم.. هذا صوته اجه .
أجه أبو حرب ..هلاااا بجيتك خويه .
جريت نفس قوي وصحت بلكت يسمعني ..
هلااااااا بيكممممممم.
تعااااالووووووو اني هنا..
صوت وقع الاحذيه والركض السريع غمضت عيني احفظ هاي التفاصيل طلقه. إثنين . تلاثه .
وسمعت صوته يعيط كالعاده ميبطل همجيته
سِراج : وللللك بحررررر وينك سوده بوجهي عليك .
غيث : ها لك نغ* تعاااال .
"جاي اقاوم ألمي وتعبي أريد اسمعه صوتي .لوهله نسيت أني عد ناس غربه . صوتهن اخترق اذاني غمضت عيني أأن يارب شهل الوجع..بعدهن يعيطن هاي البنيه تبجي ومچلبه بأمهه سمعتهه تحجي بهمس مرتجف لامهه ."
رونق : اجوو حياخذونه م-ااماا لتروح-يين ..
"منو ياخذهن . يييي لازم ناخذهن نسوان داعش هذوله شيسوون بهيج منطقه خطره وشلون محد كتلهم اكيد متواطئين ويه داعش وبنص تفكيري، دخل الهمجي مداهمه هاي مو إنقاذ ،
دفر باب الغرفه وفات عيونه تجدح نار واگف بإستقامه التفت مرتين يحاول يقتص المكان كله ويتطمن ...
ابتسمت بصعوبه . شكله وهوه داخل هيج خلاني أفتخر هذا اللي يحارب من كل گلبه هذا اللي اطباعه عكس العالم ..
اكو ناس تسمع اغاني اذا ضاجت .هو يستمتع بطريقه ملئ الشاجور صوت الرصاصات وهنه ينطلقن من سلاحه وتخترق العدو تخلي ابتسامته تتوسع ومخاب ضني جاي اشوف ابتسامته ..
يعتلي ملامحه النصر وكأنه وجودي اعظم انتصاراته
مختلف أبو حرب ".
سِراج : بحر بحررررر ..
"صوتتتتتههه شبي شبي تره گاعد گدامه ليش يعيط فوك التعب يربي".
سِراج : اخلو المكان بالعجل لگيت القائد .
سلاااام..بلغ البقيه سوي نداء شامل جهازي مو عندي .
سلام : تأمر سيدي .
"يحجي بثبات وقوه أمر البقيه بإخلاء المكان خوفاً إذا احد شك او عرف المنطقه خطره .
سلام موجود ويه أبو حرب ..معقوله شجاي يصير
سلام گال سيدي ...؟!!!
لا هاي هيه ".
سلام والبقيه جرو خطواتهم بره بهدوء وحذر أجهزه النداء متوقفت الفرق البقيه كلهه وصلت الهه المعلومات والتبليغ بوجودي.
اتقدم عليه أبو حرب ."
سِراج : بحرررر خويه الحمدلله على السلامه .
يحجي بترقب لملامحي يباوع عليه ويتفحص جسمي .
غيث : ااااااااااخ احترگو اهلك ابن المشعول .
سِراج : حقك حقك خويه تتوجع اتأخرت عليك بس شسوي .
غيث : دوخر انعل صفحه اخوك دوخىررررر گاعد رجلي ابن الطرگه .
سِراج : هااا هااا ييي شبيك گول وخر شجاك صاير تتمجعص .
"استغفر الله هذا شتحجي ويا هسه اجه بثگل جسمه وذب نفسه عليه حسيت روحي تطلع من حلگي من الوجع وهذا يكول يتمرعص مدري شنو".
أنت تقرأ
رونق البحر
Romance(شسويتي ! تريدين تضلين يمهم تكتلين بالعالم...) لتروحين ابقي يمي اني تعبان.. احبج. اكرهك قذر انت مو انسان ..لا حيوان أنت ..
