رونق البحر

الأمانه ✨

يا من بهِ عجزَ الوصفَ وصفهُ*
وصاحتْ الكلماتُ أعد لنا ذكرهُ*
فخبئتُكَ وناديتَ لا والف لا *
هذا عشيقي والفؤاد حبيبهُ*

*غيث *

سِراج : شستلمت بحرر شجاي تحجون؟!!  منو يموت .

غيث : أبو حرب دگ الباب بعد من تفوت يجوز بالله عدنه أشياء خاصه .

سِراج : هااا بعتني صار بهجت مووو .

بهجت : سِراج گلت بهجت ؟! .

سِراج : إحترامي سيدي أعتذر .

بهجت : خوش ديله يله أقنع صديقك اني طالع .

غيث : مع السلامه ، شبيك صافن بوجهي تعال اگعد .

سِراج : شضام رحمه لدينك شضام بحر .

غيث : أني رح اسولفلك بس ممنوع أحد يعرف وأبد لتعارض اللي راح أسوي .

سِراج : ممنوع أحد يعرف شنو چا وبهجت منو گله أمي .

غيث : بهجت ميعرف ليش أني رايح انلصم ليسمعونه .

سِراج : دقيقه انت وين رايح شو دسولف فتيته لگلبي .

غيث : أبو حرب خويه ، تذكر روحتنه للموصل أول مصارت الغاره هناك بالجانب الأيمن .

سِراج : يي يي ، من اختفيت غير .

غيث : الصراحه اني انفصلت عنكم جنت اكدر ارجع وياكم وأكمل الطريق وبنفس الوقت أكدر اقصف المكان من بعيد بس دخلت ، للمقر جانت الغايه مهمه ولگيت الجنت أدور عليه , أول مشفته ابستم اللي وهو ميعرفني جان ظرب بوكتهه ومداهمه صارت قويه ، بنص هاي المداهمه جان واگف هادئ بركن من أركان المقر الرئيسي للقائد الملعون مالتهم ، جانت غايتي اجيبه عايش وأرجعله حقه  والأمانة اللي توكلت بيهه ، بس اخخخ .

سِراج : مفهمت منو هذا ويا أمانه وشعندك يم واحد بالموصل منين تعرفه .

غيث : لتلبگ خلي أكمل ، الأمانه أبويه گلي عليهه امانه  لا والله متتسمى أمانه حقهم اللي ضاع اللي سلبه أبويه ومحد يدري عنه بس أني ومصطفى ، وهسه جاي اكلك عليه ولو أمي تدري تصير مشاكل وتطردني أني ومصطفى وحته أبويه تطلعه من گبره .

سِراج : ياعلي دخيلك شمسوي أبوك شجاي تكول أنت بحررر صدك تحجي يا حق اللي انسلب .

غيث : أبو حرب خويه أنت عبالك اني قررت هاي المداهمه صدفه ، كلشي جان مخططله من البدايه وردت اظرب عصفورين بحجر اكتل الجرذ قائدهم ، واجيب صُهيب ويايه .

سِراج : صُهيب ، دقيقه وين سامع هالاسم أني .

غيث : يي هو هذا اللي ببالك  مبتغاي أخو رونق ، تذكر من جنت گاعدين وامي حجت على صداقتهه هي وام رونق .

سِراج : يي يي كمل انطيني من يمك هذا العصير .

غيث : يي هاك ، المهم أم رونق وأمي صداقه من الصغر ومن ازوجن أبو رونق وأبويه صارو اصدقاء مو بس صداقه أسره وأخوه لا صارو اصدقاء شغل ، جان شغلهم عالي ودخلهم قوي يشتغلون تجاره سيارات خارج وداخل العراق سمكره دوليه وماكو بيناتهم شي، بس باليله وضحاها أبو رونق أأمن لواحد من عُماله وهذا العامل خانهم وباك نص حقهم ، وأبويه عرف بالبوگه ، والمن تهم برأيك .