رونق البحر

،1،وجودك✨

ظلمه الدنيا ظلمه مجاي اشوف شي صوت دوي الطلقات تخترق اذاني وتعتصر روحي ريحه الدم المنتشر بكل مكان ..

صوت الأطفال يبچون صوت عياط النسوان انسلبو إنسبوو البيوت إنهجمت .

اخخخ يا طعم الخساره شكد مرير خسرت اني خسرت والارذل من هيج خذلت ناسي اهلي ولد بلدي

يمكن حموت هاي آخر لحظاتي مو ....!
ثگلت عيوني ما اكدر أفتح تنفسي بده يختفي
تحجر الهوه بداخل صدري ثگل قوي وكأنما احد مخلي على صدري حجاره جبيره.

هاي شنو الحراره سائل حار جاي ينزل على عيوني ..

ههه سخريه وضعي سخريه مظروب على راسي معقوله ..
اني اللي تهتز العيون وترتجف الانفس بحظرتي اضعف لهل الدرجه .
جاي أحاجي نفسي؟!! ييي خايف أهلي! أمي! بلدييي .
روحي.!
جاي احسسس اكو أحد جاي يلزمني أطراف ناعمه مو خشنه اريد أفتح عيوني منو هذا ..
ليش يهز جسمي اريد أبعده عني ..

دقيقه لا الصوت أنثوي بنيه ؟!!! طاقتي خلصت
يمكن حفقد الوعي ..
وممرت ثواني وفعلاً وگعت مغمي عليه..

*****
روووونق ماااااما دتعاي عاد ساعديني يوم وينج
صخامه يالتفيسه وينج ..
* رونق*
يا ساتر شكو البيت انهجممم شنو دخلو علينه اندلو مكانه يارب دخيلك رجليه بعد متشيلني من الخوف
ليش أمي تعيط ...

رونق : ها يوم هااا شكو شصاير ؟!

إيلاف: لا ماكو شي تعاي سويلنه ريوك عيب يمنه ضيف ماما واني حطلع الخبز استعجلي لتصفنين .

رونق : ضيف ؟!! يا ضيف منو هاااااا هذا البشع الضخم حته ما أعرف أسمه!!!!

"داعوشيييي هذا داعوشي اني أعرف من ملابسه مببببيييين شلون ماما دخلته للبيت اخ منهه اخخ كله صوجي".

إيلاف : شنو بشع عيب ماما امشي لتحصليلج كفخه مني بالعجل يله .

رونق : يابه مشينه لتعصبين عيني.

مشيت اسوي زقنبوت للداعشي اللي يمنه ياريت لو عايفته يموت ولا صايحه أمي عليه.

اني جنت خايفه معرفت أتصرف اول مره اشوف هيج موقف گدامي منطقتنه مو آمنه..
والقصف يشتد والعراق بحرب داميه هجوم الدواعش على الموصل زاد بشكل فضيع ..

ياريت لو يرجع الوقت شويه وما اطلب من أبويه نروح لبيتنه بالموصل عمت عيني عليك يابه كله صوجي بسببي مات ..

محاصرين احنه هنا لا اكلنه اكل ولا نومنه نوم عايشين بقلق وتوتر كل يوميه منتظرين موتنه ..
وأمي تتصنع القوه اني أعرف هي خايفه بس مو على نفسهه خايفه تخسرنه اني واللي إسمه أخويه.

نفضت افكاري وحاولت المم شتات نفسي واقوه لخاطر أمي كافي خطيه..
وبدون ما أعرف اكو دمعه خاينتني ونازله