The Renegade Nerd (Nerd Boys Series #5)

CHAPTER 10

SABRINA KYE CORBIN

“Hindi pa tayo hiwalay, Sabrina,” diin n'yang sambit.

Napasinghal ako. “Sino nagsabi sa 'yo? Malinaw na nakipaghiwalay ako sa 'yo nakaraang buwan.”

Mapaglarong ngumisi s'ya at akmang lalapitan pa ako nang mas mabilis akong inilagay ni Lyxe sa kan'yang likuran. Magkasing tangkad lamang sila kaya pumantay ang kanilang mukha at mala-kuryenteng nagkatitigan sa isa't isa.

“Paharang-harang ka, ah.” Maangas na itinulak ni Kriser nang mahina sa balikat si Tyler.

“Ano ba, Krister!” sigaw ko at inawat sila. Nanginginig ang kamay ko dahil nakatingin lamang ang mga kasama ni Krister. Siguro naghihintay ng tiyempo na pagtulungan nilang saktan si Lyxe.

“Krister?” 'di makapaniwalang ulit n'ya sa sinabi ko at ngisian si Lyxe. “Akala ko ba babe ang tawag mo sa akin?”

Hindi ko inaasahang itinulak ni Lyxe si Krister kaya muntik na itong mawalan ng balanse kung hindi lang ito tinulungan ng mga kaibigan n'yang nasa likuran.

“Bakit ba pinapakialaman mo na ang relasyon namin ni Sabrina?! Wala na kayo kaya dumistansya ka!” nanggagalaiting sigaw ni Lyxe at dinuro pa si Krister.

Napatakip ako sa bibig sa 'di inaasahang pagsagot ni Lyxe. Gulat akong mapasinghap nang mabilis na sumugod si Krister at naisuntok si Lyxe sa mukha. Tumilapon gamit namin sa pagkabigla at pati salamin ni Lyxe ay nabasag ulit nang pahabol na tinapakan ito ni Krister.

“Galing mo rin, eh, 'no?! Talagang kinuha mo ang oportunidad na kunin sa akin si Sab nang nagkalabuan kami!” nanggagalaiting sigaw ni Krister at pinaulanan ng suntok si Lyxe na agad n'yang naiwasan.

Sandaling natulos ako sa aking kinatatayuan sa pagkabigla bago humarang nang matauhan. 'Di naituloy ni Krister ang pagsugod kay Lyxe nang makitang humarang ako. Umalis ang mga kasama ni Krister na inakala kong tutulungan ito sa pagbugbog kag Lyxe. Mukhang nagbago ang isip nila na sugufin si Lyxe.

“Sabing tama na!” malakas kong sigaw sa kan'yang pagmumukha. “Alin ba ang hindi mo maintindihan sa sinabi ko, huh? Pinagloloko mo ako kaya hiniwalayan kita kaya wala akong dahilan para bumalik sa 'yo! Bakit ba naghahabol ka sa akin kung si Ophelia lang naman ang gusto mo?”

Marahas ang pagtaas-baba ng kan'yang dibdib. Lumunok ito ng sariling laway, lumambot ang ekspresyon n'ya.

“Tara na, Sab,” yaya ni Lyxe, pilit akong hinihila at nagpahila naman ako.

“Pero ikaw lang ang mahal ko, Sab,” biglang habol na sambit ni Krister na ikinatigil ko. Natigilan din tuloy si Lyxe, biglang humigpit ang hawak sa aking kamay .  “I just find Ophelia being a pretty woman... Ikaw ang mahal ko.”

Napailing ako at ngitian si Krister na tila hinang-hina na nakatingin sa akin. Para 'bang biglang nawala ang tapang n'ya kanina dahil sa sinabi ko. Nakalimutan na n'yang kaaway n'ya si Lyxe.

“Find pretty, my ass,” asik ko. “You even pushed me no'ng kinalaban ko si Ophelia. Gusto mo lang ako sa ideyang may itsura ako at interesado kang may makuhang bagay sa akin.”

“It's not like tha—”

“Gano'n iyon, Krister!” giit ko. “Hindi ko maramdaman ang sinasabi mong pagmamahal kaya h'wag mo nang lokohin ang sarili mo. H'wag na nating lokohin ang sarili natin dahil sa una pa lang wala tayong nararamdaman sa isa't isa.”

Hindi nakapagsalita si Krister kaya kinuha ko ang pagkakataon na iyon para hilahin si Lyxe na tahimik nakikinig sa amin. I'm not sorry sa mga sinabi ko dahil totoo naman. Hindi ako galit dahil sa naghiwalay kami kundi dahil sa pinaglalaruan lang namin ang sariling damdamin.