صلوا علي النبي
.
.
.
.
المنزل يجب أن يكون أعظم كنزا نحصل علية في حياتنا
.
.
.
.
# من_القاتل
#أسماء العزازي
........
" خلاص هتمشي ؟ "
قالها والد حور بحزن * محمد الخواجة *.
" للأسف أيون هتوحشني قوي والله يا بابا.."
كانت تقولها بحزن شديد وتأثر.
نظرت لهم والدتها بسخط وهي تقول بسخرية .
" سبحانه الله ، الدمعة هتفر من عيني من كتر التأثر ، أول مرة أشوف أب بيودع بنته الوحيدة بجيم مصارعه ، أتفووو عليكم "
ضحكت حور بصخب وهي تنظر لوالدتها بطرف عينيها لكي لا تخسر المباراة أمام والدها ، الوضع كان كا التالي ...
تجلس حور بجوار والدهاء علي الأريكة وكل منهم يمسك ذراع البلايستيشن وينظرون إلي الشاشة بجدية وتركيز شديد كأنهم يعملون علي عملية مهمة لإنقاذ حياة شخص... وامامهم جميع التسالي المحببة للقلب.
ضحك *محمد الخواجة * بصخب مثل حور وهو يقول بمرح .
" والله العظيم الحاجة الوحيدة إلي هتخليها توحشني هو الجيم دا..."
" أحلا حاجة يا محمد أننا فنشنا اللعبة.. دلوقتي بقا هسيبك تلعب مع زينب برحتكم "
أنهت حديثها بغمزة عابثه لهم جعلت محمد يضحك علي خجل زينب الذي لم يختفي مع مرور زواجهما ، رمقتهم زينب بغضب مصطنع وهي تقول لحور بعتاب .
" هو أنا لحقت أشبع منك يا حور عشان تسافري تاني "
تنهدت حور ببعض الحزن لمفارقة عائلتها الوحيدة ، فقالت بمرح لتخفي حزنها وتأثرها من الابتعاد عنهم .
" منا بقالي سنتين في حضنك يا زينب، وطلعتي عيني فيهم كل أسبوع عريس شكل... أنا مش عارفة بتلقيهم فين دول؟..."
نظرت لها زينب بحنق وسخرية .
" علي أساس حضرتك بتشرفيني وبتحضري ؟.. أنتِ لية مش عايزة تفرحيني بيكِ ؟ لية كل مرة تكسري بخاطري وتحرجيني قدام الناس وصحابي ؟.. "
ظفرت حور بملل وهي تقول بحنق أكبر.
" يا حبيبتي أنا مش عايزة أزعلك ولا عمري قصدي أحرجك قدام الناس ومحصلش يا زوزو ، أنا كل مرة برفع راسك قدامهم ، أنت ِ مش بتسمعي بيقولوا أي؟ عيزيني أسيب شغلي وأشتغلهم خدامة في البيت.. وبعدين يا ست الكل لسة بدري كل حاجة بتيجي في وقتها "
أنت تقرأ
من _ القاتل
Mystery / Thrillerالجميع يخبرني بأني مصيبة وصداع للرأس ،وعديمة المشاعر،وليس لدي دم ، لماذا ؟ هل لأني اتعامل كشخص عادي في مواقف غير عادية ؟... دعونا نراء عملي كمحققه ورؤيتي للجثث كل يوم، التي تجعلك تستفرغ ما في جوفك لم يقتل تلك الطفلة الصغيرة التي تعيش بداخلي ، فانا...
