قضية لا تموت
زينب العبودي
البارت ٨
أسمهان- راح تسوي أخوك يتوهم مثل ما دائماً تطلعني مخبلة ومريضة واتوهم، عمو بكر حذف الرسائل الاخيرةً ألي بينه وبين سوزان، حذف الرسائل الي تثبت همه البارحه بهذا الوكت بغرفة نومي.
بعدهي ممكملة كلامهه الكل تهجم عليهه بالكلام ، بس هي جانت اذكى منهم قبل لتحجي اي حرف راحت وكفت يم الحجي ، خاف يهجم عليهه بكر وبالفعل هجم عليهه هو بالقوة وامي باللسان بس مفادته القوة وهي محتميه بظهر ابويه ومجلبة بدشداشة
اني شكد ماجنت ادور على دليل وگالب الدنيا بس من سمعت الي حجته أسمهان تجمدت بمكاني شنو بغرفة نومهم شكاعد تحجي هاي مجنت حاسب حساب هيج شي يعني جان غضبي وخوفي خاف معترفتله هي معجبة بشخصيته وهو يگللهه اني اتمنى لو متزوج وحده مثلج.
هذا الشي الي جنت مفكر بي وممتقبلة، مجنت حاسب حساب للكلام ألي حجته أسمهان
الحجي-بكر وخر ايدك تريد تضربهه وهي محتمية بيه انتَ شنو ماعندك احترام ألي مو اني واكف گبالك، شبيكم شنو سالفتكم تخبلتوا بهذا الليل.
بكر-يابة خليني اخلص عليهه الهاي الحيوانة دتسمعه تريد تخلينه نتكاتل يالله ترتاح مليت منهه ومن أوهامه، من وراك رجعتها، شفت بعينك أوهامها راح تخسرني أخويه.
أسمهان -مااتوهم واذا تريد دليل عندي الدليل هالمرة متكدر تطلعني مخبلة
عبالك حذفتهن سيطرت لا حبيبي هالمره اني مو زوج اخذتلهن صور حتى الكل يعرف شكد ماعندك ضمير وشكد تتبلى عليه ومسويني وحده مريضة
هاك عمو شوف بعينك خاف عبالك اتبله عليه والله جذاب ممكفي يجيبهه الغرفتي فوكاهه يحجي عليه كافي بعد كافي اني بشر والله بعد مااتحمل هاك شوف عمو شوف بعينك شوف منو الي يتوهم، ومنو الي يتبلى على الثاني.
انصدم ابوية وأني من سمعت اكو رسائل تثبت كلامها ، وكفت بمكاني ومنطقت إي حرف، بس من شفت والدي همل الدليل، رحت بسرعه ردت اخذه من ايده ،وأني وبكر جنه نتقاتل على الجهاز،تجردنا بهاي اللحظة من اخلاقنا تجاه والدنا، بكر يحاول يتخلص من الدليل، اني اريد اشوف الدليل وأمي تتوسل بأبوية" تطلب منه ميصدك أسمهان.
إلى أن صاح والدي بصوت عالي، وبعصبية يخزر بينه معترض على عدم أحترام وجوده، وطردني من البيت، وطلب من بكر يصعد فوك.
مجاهد-ما أتحرك خطوة، إذا ماشوف الرسائل.
رد أبويه بعصبية وكل لشته ترجف "لا انتَ تخبلت رسمي ولك شلون تحجي هيج ولك شلون تنطق هالكلام شلون تشك بأخوك.
-أشك شنومسمعت مرته شحجت وعدهه دليل والدليل بيدك وانتَ حتى مكلفت روحك وباوعت عليه وملتهي تگول شلون تشك بأخوك انطيني "انطيني الموبايل خل امحي الشكاوي تحجي عليه.
أنت تقرأ
قضية لا تموت
Ficción Generalكاتب للروايات تسرق فتاة عقله بغموضها وقضيتها وحكايتها تشوش العقل ! قالت لهُ لا تتجاوب معي إهمل رسائلي لأنني سأحولك لشخص مريض لا يثق حتى في نفسهُ وانتم كذلك أيها المتابعين إن دخلتهم وتعمقتم بسطور هذهِ الرواية ستجعل منكم شخص لا يثق حتى ف...
