"أنتِ الأنتباه الوحيد لشخص مزاجي جداً"
•هتان
3:24Am
ما ادري وش جالسه اسوي بنفسي!، كنت احاول طول السنين المرت اتخطاها واتجنب اي طريق يوديني لها، رغم أذيّتها لي، والمشاعر التأثر علي بسلبيه كبيره ما زال قلبي يرشدني الها كانها كل الطرق لقلبي، رغم كل البرود اللي يكسو تفاصيلي لكن داخلي يشتعل شوق لأيامي معها.
بعد ما سيطر التفكير علي وحرمني من ابسط حقوقي قمت من سريري محاولة مني انهاء دوامة التفكير هذي
شعرت ببرد طفيف بجلدي فرحت الدولاب ادور حاجه خفيفه البسها، لبست هودي ونزلت المطبخ اسوي لي كوب قهوه اروق فيه على نفسي، صعدت لغرفتي بهدوء بحكم اني حصلت ميلو نايم وما كنت ابي اصحيه وابلش فيه بعدين صحيح اني احبه بس مالي خلق لأحد، وصلت غرفتي رحت للدرج فتحته واخذت منه علبة الدخان، رحت البلكون حقي واشلعت سيجار احاول فيه اخفف من البداخلي!، كان الجو خارج الغرفه بارد بشكل مو طبيعي رغم اننا ببدايه شهر فبراير بس باقي الجو كذا، قاطع تفكيري علبه الدخان اللي مو وقتها تخلص الحين ما انتبهت انهم كانو اخر ثلاث سجاير عندي
حملت نفسي ورجعت الغرفه حتى اضاءة شاشه جوالي معلنه وصول رساله!
باقي الوقت متأخر مدري مين بيرسل لي، حاولت اتجاهل الرساله لكن رحت تلقائيًا اشيك من مين المسج
حصلت مسج من رقم تركي كنت بفوت اشيك وش الخلاه يبعت بهيك وقت لي، لكن قاطعني اتصال منه رغم استغرابي بس اجبت على الاتصال
هتان بتعجب: هلا تركي!؟
تركي: توقعت احصلك بذا الوقت صاحيه
هتان: ايي جاني أرق وما قدرت انام
تركي: هتان اقدر احصلك ؟؟
هتان بتعجب: متى ؟؟
تركي: الحين
هتان بقلق: ليه صاير فيك شي تركي ؟؟
تركي: راح ابعت لك لوكيشن وفهمك
هتان: تمام
قفل تركي الإتصال
واتجهت بسرعه غيرت ملابسي وطلعت خارج البيت، ركبت السياره وفتحت على الوكيشن وكان الطريق بعيد شوي عن بيتي، تحركت و وصلت عنده بعد اربعين دقيقه تقريبًا كان مكان قريب من البحر، ارسلت له اني وصلت وعلمته مكاني بالضبط شوي الا حصلته واقف قريب من السيارة حقتي.
نزلت من السياره وشعرت ببروده شديده استقرت بجسمي حتى استقبلني تركي بحضن طويل من دون مقدمات، بادلته الحضن رغم كرهي للأحضان.
•وتين
جلست بمكاني بعد ذي المشكله الحاده اللي صارت بيني وبين ايار ما انكر غلطي اني رفعت صوتي عليها وتماديت جدًا بكلامي معها بس هي تشوف نفسها كيف هي بارده معي وبسبب ذا الشي علاقتنا اصبحت شبه معدومه، حبي لها كبير بس هي مو معطيتني فرصه اعبر عنه، راح اتركها براحتها لين اشوف حل للي بينا،
نهيت التفكيري وقررت اسوي اي حاجه تنسيني اللي صار قمت لغرفتي اخذت شاور سريع وبدلت ثيابي وجلست قدام الشاشه اتابع لي مسلسلي المفضل مر وقت طويل وشعرت بملل مسكت جوالي وكنت ببعت ل ايار اراضيها واعتذر منها بس فكرت اني ذي المره مو انا الغلطانه ف سحبت ع الفكره، حصلت مسجات كثير من ارام اللي فعليًا زمان ما كلمتها
رديت عليها و عطول شافت
ارام: وتين كنت بشاورك بشي
وتين: وش هو؟؟
ارام: بحكم انو زمان ما تجمعنا ك صحاب كنت بفكر اسوي جَمعه عندي وبنكون بس احنا يعني مافي احد غريب اش رأيك ؟؟
وتين: ترا حلوه الفكره بس لي فتره علاقتي مو تمام مع ايار ف مدري اذا باجي او اذا هي بتيجي
ارام: اوف لا تخربيها والله لي زمان ما شفتكم واحس مشتاقه لوقتنا مع بعض ف اعطيني الأوكيه من عندك وأنا احاول مع حبيبتك وأقنعها تيجي
وتين: خلاص افكر واشوف نفسي اذا اقدر
ارام: عشاني وتين
وتين: خلص انزين اجي عندك
ارام: حلو اكلم ايار وردلك خبر
أنت تقرأ
غَـسـق
Roman d'amourكأن القلبَ رُغمَ الهجرِ لا زالَ يخفقُ بوهمِ الحب، ويحاول في سراب الإمكانيات، فإن عاد الحبيبُ هل يغفرُ القلبَ ما قد سلفَ؟، من عذاب الخيبات؟، وألمِ الخُذلان؟، وهل الأعذارُ ستُعيدُ لذةَ الهفات و جمال البدايات، هل سيغفرُ الحُبَ كُلَ تِلك الزلّات؟
