هذا الحوار دار بينهم بعد مابعد اللاصق من فمها *** نرجع لحديثهم.
سامر: شو صبرك على مشعل هذا واحد غثيث وشايف نفسه وعلى باله محد رح يكسر راسه بله قوليلي وشلون حبيتيه وهو شاك فيك ومو راضي انك تشتغلي
شهد: انت ماتختص فاهم وبعدين اهو مايبيني اشتغل لانه معطيني كل شيء ومو مخلي علي قاصر لانه يحبني وبعديين من انت وش تبي مننا ،وكيف عرفت انه مايبيني اشتغل
سامر : واي حدك تفلسف لو يحبك كان وافق يخليش تشتغلي ،بس واضح انك هبلة لو صدق يحبك مابيرفض طلبك ويخليك تشتغلي الا اذا كان وراه شيء وفي سبب مامخليه يوافق ،وسالفة كيف عرفت والله انا اعرف كل شيء عن مشعل
شهد: ، انت اشفيك وايش اللي تبي توصل له ومنو انت بالاساس وايش تبي ،،...وقاطعها
سامر : بس بس اسمعي من الاخر زوجك على اللي سواه اهو وابوه فينا بيدفعوا الثمن غالي
شهد : زوجي وعمي شنو للي سوا وايش تخبص انت
سامر : اكيد مارح يقولك على مصيبته ،وضحك بسخريه،
والا ليش يضيع نفسه ويضيعك وهو يحبك
الا ويدخل مشعل ويسمع وش قال آخر الشيء
شهد: مشعل حبيبي تعال الحقني
مشعل فك ايديها ورجولها من الحبل وضمها بقوة وهي بادلته وهي تبكي وهمست له : ضحكوا علي قالوا انك سويت حادث وخطفوني
مشعل / خلاص اهدي انا معاك
كله هذا تحت أنظار سامر، واللي ضحك باستحقار/ اشوف اجتمعت مع عشيقتك ياواطي
مشعل شاف في شهد وبعدها منه وراح اتجاه / ايش تبي بالضبط خلصني
سامر : ابغى اشتغل معك فالشركة
مشعل ضحك بسخريه: في أحلامك فاهم ،وترى مو انا اللي تهددني سامع
سامر : ولا انا اللي تهددني اقدر اوديك في ستين داهيه
مشعل: باي حق اه ، اساس انا ماالي اي علاقة في اللي سواه ابوي سامع
سامر بصراخ : لا تتتتكذب وتنكر فعلتك وانك خلصت ابوك من جريمته
مشعل يحاول يهدي نفسه واخذ شهيق: ترى اللي بيننا انتهى من زمان ، من اول ما مات ابوي على ايدك وانت اخذت حقك ، ايش تبي بعد ،خلاص صفيت حسابك يعني حتى انا قادر اني اوديك بستين داهية على جريمتك
سامر بضحكة سخرية: في الحالتين انا وياك بنسجن
مشعل : اي يعني تفكر تسجني وتنسجن
سامر: لا بس ابغى اشتغل معك فالشركة
مشعل: بفكر خلاص فكني الحين من شرك
سامر : مو تفكر الا بتوافق
مابين هالحوار كانت هناك روح ضايعة ماتدري وش صار وايش من جريمه الي متورط فيها مشعل وليش ماعلمها تحس بأنها بخيال بحلم مو واقع وكانها بوهم تحاول تطلع نفسها من هالكابوس المزعج بس مب قادرة تحس انها حامله ثقل فوق قلبها
أنت تقرأ
رغم عني حبيتك ووقعت في شباك حبك >>
Sonstigesروايتي الأولى نسيج من الواقع قد تلامس الخيال ، ابطال روايتي يحملون مزيج من العواطف والأحاسيس وثمة من المشاعر الملخبطة ولا سيما بانهم يحملون الحزن ،والعذاب ،والمغامرة ،والبهجة التى تزرع فالاخير. ادعموني اول رواية لي ويارب تنال اعجابكم 💘💘للكاتبة صاب...
