رغم عني حبيتك ووقعت في شباك حبك >>

البارت الثامن عشر

_____________________________ &&& نكمل

ضحيتي الأولى كانت انت

في أرض المملكة السعودية **

: ياعم انا طالب القرب منكم واعتبر ان المبلغ اللي عليك من المهر وزواجنا نبغى يكون في هالاسبوع لان مثل ماتشوف بنسافر

: والله ياولدي مانب عارف وش اقولك بس والله انك شهم ورجال ولد رجال وبنتي من نصيبك ولي الفخر وانا الحين بقولها واكيد بتوافق

: على بركة الله وصدقني حنان في عيوني ومابقصر معاها

ابو حنان ابتسم ربت على كتفه: ونعم فيك وانا بسلمها لك وانا واثق

________________________________________^^^^^

> في بيت ابو فيصل <

ابو فيصل في غرفته ويتكلم فالجوال

مجهول: اسمعني ابغاك الحين تجيب ريفان من لندن وبأي طريقة اهم شيء ماتجلس هناك

شاهين بعصبيه: انت جنيت كيف اجيبها وهي تزوجت وبعدين فكني منها خلاص محد يعرفها انا بنتي وش عرفهم انها موجودة فالندن وياكبر لندن

مجهول بصراخ: انت اشفيك مو مستوعب الكلام اللي اقولك اياه قلت لك ريفان ماتقعد فالندن انت تبي تورطنا وانت تدري ان انهم فالندن وماهو بعيد انهم مراقبين لنا ولتحركاتنا فنجيب بنتك قبل لا يسون لها شيء

شاهين ورمى الشماغ على الأرض وبعصبيه: ياخي انت تبي
اعصابي تتلف يسوا اللي يبي يسوا ماهمني وبصراخ هستيري

خلها تموت وافتك انا خلاااااااص تعبت من هالبنات وماغير تزيدن الهموم علي ؛خلاص ماهمني شيء اللي يصير يصير وهم تبروا مني وانا تبريبت منهم وعيالي مايعرفوهم ولا بيعرفوهم

وانتهينا سااامع وأغلق الاتصال وجلس على طرف السرير و مسك شعره ورجعت ذاكرته لوراء

نررررجع لقبل سبع سنوات

فالشركة وفي مكتب ابوه كان واقف هو إخوانه وابوه

الاب بقلة حيله وكان مصايب الدنيا كلها فوق رأسه وضاقت به الدنيا: يابو فارس خله يوقع على الأوراق ويروح مانب ابوه ولا اعرفه

شاهين بترجي : يابوي اسمعني صدقني ان هالرجال ضحك علي وانت تدري ان الشيطان شاطر وانا يابوي مابغى غير رضاك طلبتك ابوي لا تقسى علي

ابو راكان بعصبيه: انت عاقل كيف يضحك عليك وين عقلك انت

ابو فارس بنفس العصبيه: انت وطيت راسنا وبسبتك نحنا خسرانين والحين الله العالم وش بيصير بشركاتتا بسببك وفوق كل هذا تقول ضحك عليك وين كان عقلك وقتها ماقلت وش بيصير فينا