<<في بيت ابو هيثم >>
جميلة فالصالة، اما مناهل فالمطبخ تشوف وش الغذاء اللي سوته ميري .
دخل هيثم وابوه للبيت وشموا جميلة فوق راسها
جميلة/ هلا بو هيثم بشر
هيثم/ يمه اشوف ساحبه علي والا عيونك ماتشوف غير الحبيب
جميلة استحت : لا شدعوه
زياد/ وانت وش حارك والا غيران
جميلة بابتسامة/ ياهلا والله بولدي حبيب قلبي وفرحتي الأولى مااسحب عليك
هيثم / يابعد قلبي والله امي الغالية
زياد/ اشوف قاعدين تتغزلون ببعض ،وانا اللي معاي البشارة
جميلة/ ها بشر وش قال
هيثم/ بيتصل عليه اول شيء .
زياد/ بتصل عليه بس عشان اقول له ،والا انا قد عطيت كلمة ومابغير قراري
جميلة بتفاءل/ يلا اتصل ويصير خير
>>في لندن <<
تحديد الساعة: 2م
خارج من الجامعة هو وصديقه ومتجهين للسيارة.
طارق / اقول انت ماتبطل مشاكل بسك خلاص
مازن / والله انا كيفي ماأحب احد يطاول لسانه علي
طارق / احلف ياشيخ ترى انت بنفسك مغتر
الا يرن جوال مازن:
زياد / السلام عليكم، كيف حالك وش علومك مع الدراسة
مازن / وعليكم السلام، والله الحمدلله عال العال
زياد/ اي شد حيلك ابغى نسبة عالية
مازن / ان شاءالله يايبه
زياد / اي اسمعني زين
مازن / سامعك سم
زياد/ انت تبي تدرس فالندن صح ماتبي تنزل للسعودية تدرس
مازن باستغرب/ اي وليه السؤال ؟
زياد/ دامك تبي تدرس هناك فأنا بزوجك ببنت سعوديه من عندنا
مازن / يبه انت وش تخبص
زياد / انا خايف عليك من بنات السوء وبعدين تدري ان الاجانب مايطمنوا عالوقت وانا بعيد عنك
زياد/ يبه ترى انا مو صغير اعرف كل شيء
زياد / مازن انت عارف وش اقول وكلامي نهائي ، اذا مو موافق فالرياض ترحب وتعال ادرس هني ، وإذا تبي تتزوج فجلس فالندن لين تخلص انزل انت وياها وبنسوي زواج ،وهذا الكلام اللي عندي ويلا مع السلامة .
تووط تووط
مازن بعصبيه/ بس انا .... وضرب ايده بالدركسون
طارق / اشفيك وش صاير
مازن / سامع وش قال يقول يبغى يزوجني ، هذا آخرته بزر انا
طارق / هد اعصابك، يمكن خايف عليك مثل مسعود هذا هو تزوج وطلع يدرس
مازن / طارق انت تدري ان مسعود يحب بنت عمه ولما طلع قد تزوجها فوضعه يختلف عني
طارق / طيب يمكن البنت زينة وتعجبك ماتدري
مازن / والله يسلمك اسكت خلاص ،وخلني القى حل هالمشكلة
وساق السيارة وهو يفكر
أنت تقرأ
رغم عني حبيتك ووقعت في شباك حبك >>
Randomروايتي الأولى نسيج من الواقع قد تلامس الخيال ، ابطال روايتي يحملون مزيج من العواطف والأحاسيس وثمة من المشاعر الملخبطة ولا سيما بانهم يحملون الحزن ،والعذاب ،والمغامرة ،والبهجة التى تزرع فالاخير. ادعموني اول رواية لي ويارب تنال اعجابكم 💘💘للكاتبة صاب...
