السلام عليكم ورحمة الله وبركاته،
نكمل دعم للاستمرار والتكمله
بسم الله نبدأ
بعد هالسنين ماذا لو اجتمعنا_____________________________________
وصلوا للسوق ونزلوا البنات
واقفات عند المدخل
ترف : بنات احس ماله داعي يعني في زحمة وكيذا ويمكن فالكوفي اللي فوق مانلاقي وسع يكفينا
عبير : واي منك وهذا البنت بتوصل عيب شنو اقولها
سماهير بتفهم : عبير يعني قصد ترفوه ان اذا جاءت صاحبتك نروح غير هالمكان يعني كوفي شوب وبعدين مكان هدوء مو زحمة وكيذا
ترف : واو اميزي اول مره تفهميني عالطاير
سماهير بثقة: اصلاً دايم افهم
وسن : واييي وبعدين معاكن انتن يعني بنتم واقفات كيذا عاجبكن الوقفه
عذاري بضحكة: اووه ماي قاد بيبي ادري انك ماتستحملي ودايم الوقفه تتعبك معليش بنات الانسه وسن تبغى السيارة اتصلوا عالسواق
وسن أعطتها نظره حاده : الواضح انك ناويه على شر يااختي العزيزه اعتقد ماعندي مانع يكون فالشارع احلى
عبير : هيييا انتي وياها مانبغى شي مشاجرات استحن شوي مو كل يوم مشحنات بس خلاص طقت كبدي منكن كأنك شريكتها مب اختها
عذاري: والله قوليها هي كل يوم نفسيه ابغى اشوف يوم واحد ماتناقرني فيه
جاءت بترد وسن الا تقاطعها ترف
ترف : اووووص خلاص وعبير اتصلي للبنت وينها ماوصلت وانتن والله لو فشلتونا قدام البنت لعلم جدي وعماني يتصرفوا معاكن
اخذت عبير الجوال من شنطتها وتتصل
الا توقف سيارة من قوة اضاءتها البنات غمضن عيونهن
ريفان : يلا بسوي لك رسالة اذا بنرجع
مازن : انا مع شباب الأحسن انك تتصلي لان الرسالة ممكن ماشوفها
ريفان فتحت الباب: تمام يلا مع السلامة
مازن بابتسامة: انتبهي على نفسك
ريفان بحنيه اول مره تسمع هالكلمة منه : وانت بعد
وقفلت الباب
عذاري: مو كأنها هذا هي ريفان
عبير بحماس أشرت: اي هذي هي
ترف : اذا ماخاب ظني مو هذي سيارة مازن صديق صقر
وسن : وانت وش عرفك بسيارة صديق اخوك
ترف عصبت : هيا انتي لا يروح تفكيرك بعيد ترى اهو صديق روحه ودايم يجي ويروح عندنا وبعدين بتفهميني انك ماتعرفي مازن اللي كل العائلة تعرفه
أنت تقرأ
رغم عني حبيتك ووقعت في شباك حبك >>
Randomروايتي الأولى نسيج من الواقع قد تلامس الخيال ، ابطال روايتي يحملون مزيج من العواطف والأحاسيس وثمة من المشاعر الملخبطة ولا سيما بانهم يحملون الحزن ،والعذاب ،والمغامرة ،والبهجة التى تزرع فالاخير. ادعموني اول رواية لي ويارب تنال اعجابكم 💘💘للكاتبة صاب...
