رغم عني حبيتك ووقعت في شباك حبك >>

البارت الرابع عشر

الا ينفتح الباب بقوة وصدمةة >>
شاهين يناظر في بناته بنظره حاده ، وهن خايفات انه سمع حوارهن.
نطق شاهين / ها كيف صرتي ياشهد ادري انك مدلعه ،وحركاتك هذه سويها لرجلك

البنات طالعن في بعض وحسوا من كلامه انه ماسمع شيء وارتاحن.

نواصل ***
شهد بضيق / تمام

شاهين / اي وترى مشعل تحت يبي يشوفك ، وانتي رسيل معاي لك موضوع

شهد/ قوله مابغى اكلمه ولا اقابله

شاهين بعصبيه/ اقول قومي نزلي والا بتوطى في بطنك ،يلاا،. وانتي ورسيل خليك بكلمك

قامت شهد حطت النقاب فوق راسها ونزلت

شاهين يأشر على ريفان / وانتي وش مجلسك

ريفان باستعباط/ كيف وشو مجلسني ؟

شاهين / اقول لا تتغابي انا قلت بكلم رسيل

ريفان / اي كلمها ترى محد ماسك براطيمك .

شاهين / صح انك ماتستحين على وجهك بس دواءك عندي
ريفان ابتسمت ابتسامة جانبة بس قبل لا تنطق سبقتها
رسيل تبغى تنهي الموضوع / يبه قولي وش تبي

شاهين / اي اسمعي جهزي نفسك بكره زواجك عالورق وبتسافري عند زوجك فالندن

كانت صدمة كبير ماتوقعت ان ابوها يوصل لهالحد من الحقاره

رسيل الدمعة في عينها وخنقتها العبرة ماقدرت تتكلم ،

ريفان / اقول ياسيد ماهو على كيفك تمشينا واختي رسيل ماهي متزوجه ولو على قص رقبتي ، انت ماعندك احساس ماعندك ضمير ،،

شاهين يعطي نظرة لريفان/ انتي هذا الشيء مايخصك وكلامي واضح بكره تجهزي الصبح جاي الرجال

ريفان / لا يخصني ونص والله ماتروح واللي بتسويه سويه سامع

>>نرجع لوراء قبل اسبوع لما كلم ابو هيثم شاهين في المقهى <<

زياد/ الصراحة يابو فيصل ان بدخل معاك فالموضوع سريع لانه وراي شغل فوق راسي ،فأتمنى تتفهمني وتسمعني للنهاية

شاهين / قول يابو هيثم وش السالفة

زياد/ انت تدري ان ابني مازن مسافر لندن يدرس جامعة، فأنا حابب ازوجه لانه أرض الاجانب ماهي بزينة وتخوف وبنات وعيال الحرام كثروا ، فأنا اقول لو يتزوج له بنت سعوديه احسن من مايتزوج بنت اجنبيه تلعب عليه والله اعلم وش بيحصل ونحنا ماندري بخبر داره

شاهين / اي وش المطلوب مني عشان اساعدك

زياد/ الصراحة انا حابب وحدة من بناتك تتزوجه على سنة الله ورسوله، وعاد بنتي تمدح عليهن وهن صديقاتها فقلت اخذ وحده من بناتك أولى من البنات الثانيات ،وبالاخير هو قرارك وقرار البنت