كولوله الخله ولفه ينام وحسره بدليله
ماينقبل لو صام صبحه ويا ليله...
.. __--__--__--__--__..
ڤيان:صار وقت الغده رحت للمطبخ شفت الثلاجه كلشي مبيها استحيت كلش ف كلت خلي اكول اله ورحت اله جان كاعده بالصاله""
ڤيان:صار وقت الغده وكلشي ماكو بالثلاجه.
رئبال:اي والمطلوب.
ڤيان:تروح تتسوك.
رئبال(بستهزاء): ليش انتي تعرفين تطبخين.
ڤيان:طبعا.
رئبال:خوش لعد هسه رايح اجيب واجي قفلي الشقه من اطلع.
ڤيان:هزيت راسي راح تقريبا نص ساعه واجه جايب كلشي خطيه خضروات فواكه لحوم كمت طبخت اني علئ السريع تمن ودجاج ""
سويت زلاطه شويه لانو احنه بس نفرين يعني من كلشي سويت شويه لانو ماكو داعي اطبخ هوايه ""
خلصت الاكل ورحت وديته للصاله لكيته ديصلي عاد انتضرته لحد مكمل وكعدنه ناكل هدوء تام لحد مخلصنه اكل وكمت شلت الاكل""
وغسلت المواعين وسويت جاي وانطيته واني رحت للغرفه بس اختليت وحدي تذكرت اهلي وكمت ابجي""
مااكدر انساهم ومنتضره يمته اشوفهم هوايه مشتاقتلهم مشتاقه ل جوان ل ازهر ل أرام ل ابويه الي اخذه مني الموت""
تعبت من البجي فتحت الجنطه وشفت شنو جايبه جان أطول شيء ماخذته ويايه دشداشه نص ردن بس طويله""
اني من النوع الي كلش خجوله ف كلش استحيت اطلع بهذا البس بس شسوي بعد كلت اخلي المنشفه علئ اديه ف ماتبين اديه""
لميت شعري وفتحت باب الغرفه شفته مبين ستره طالع من الحمام شعره مبلل ف عفته ورحت للحمام سبحت وطلعت""
باوعت للساعه جانت بل 4 كال هوا
رئبال:نعيما.
ڤيان:الله ينعم عليك.
عفته ورحت للغرفه واني ميته خجل والرب عيب رغم ما انو الدشداشه جانت كلش عريضه بس المشكله نص ردن ""
مشطت شعري نعمته كلش وضفرته وخليت الشال علئ اديه وطلعت من الغرفه شفته بعده كاعد وكاض الموبايل ويخابر ومبتسم ""
عفته ورحت للريمون أخذته من الميز وكعدت ادور بالقنوات عاد هوا سد التليفون وكعد يباوع ويايه طلعت فلم""
وكعدنه نتابعه كلعاده السكوت سيد الموقف التهيت وي الفلم لحد ما باوعت للساعه شفتها صايره 6""
ڤيان:عزااااا بعد يمتتته الحك اسوي اكل.
رئبال:بعد وكت ترآ شدعوه عليج اصلا سوي شيء خفيف احسن
ڤيان:خوش
عفته ورحت للمطبخ وطبخت تمن ومركه باميا ولحم عناد بي وصارت الساعه 8 وخلص الاكل وديته للصاله بس شاف الصينيه شال راسه وكال
أنت تقرأ
داعش والمسيحيه
Romanceفي احد محافظات العراق توجد هناك فتاة جميلة لاڪن يوجد من يحاࢪبها...؟! قصه بين...؟! داعش... حرب.... ظلم.... سحر... موت... ستصبح هذه الفتاه اسيره لداعش بين اسوار داعش هل ستقاوم مع داعش هل ستنجو هل ستعيش بين اسوار داعش ام لا..؟! للكاتبه ڪمࢪ الشيخ
