اعاتب بالصور هلبت ترد روحـــــي....
.. - _-_-_-_-_-_-_-_-_-_-..
ڤيان:انفتحت الباب طلع الي هُرب من شافني عدك حواجبه ومثل التذكرني وابتسم وكال
هُرب:ياهلا ياهلا هاي انته فوفتنه نورتي مشتاقين وين مختفيه.
_هههههه ياعيني وربي اني اني الاشوق الكم، انته مختفي اني بنيه وتدري بيه ماكدر اطلع دوم انته ماتجي عليه ماتكول صديقتي اجي اشوفها.
هُرب:والله بهاي حقج عليه،تفضلي تفضلي.
طبينه لبيتهم طببنه للصاله كعدنه شويه وراها اجت امه""
ام يمن:هلا بنيتي،شلونج يماما شخبارج.
_هلا بيج حبيبتي الحمدلله والشكر اني بخير انتي شلونج صحتج شلونها.
ام يمن:علئ الله حبيبه منين هل حلوه الوياج.
_هاي اخته جوان.
ام يمن:هلا حبيبتي هلا بيج انتي واختج جنجن كمر الله يحسرجن.
_حبيبتي خاله.
هُرب:اي ولج كبرانه وحليانه شنو سالفتجن انتن المسيحيات كل متكبرن تحلون.
_ههههههه هوا اني جنت مسيحيه بس قبل فتره اسلمنا، وإذا ع الجمال شسوي يعني.
ام يمن:ياحبيبتي والله احسن شيء سويتوا شحلات وجهج وانتي بالحجاب.
هُرب:اي والله بالحالتين هي حلوه.
ام يمن:ها يمه ماتعبت وانته تتغزل بالبنيه.
هُرب:يمه قابل شعندي وياها غير أخيتي هي واحبها وربي شحلات اليوم الي اجتنه بي.
_خجلتنوني وربي.
بين السوالف الحلوه وي ام يمن وهُرب والبنات نزلن سلمن هم وقدموا النه حلويات، من صدك تونسنه بس ازهار كلش متغيره وضعفانه""
حسيت شخص ينزل من الدرج رفعت راسي وشفت يمن بطلته التحلو كل مره اشوفه بيها لابس تراك اسود وبجامه أيضا سوده ""
بيها عرض قليل وشعره مخربط اصلا مبين ستوه كاعد من النوم واستغرب وجودنه بالبيت كال ""
يمن:السلام عليكم،اليوم الشمس منين طالعه، شلونجن يأبه.
_وعليكم السلام الحمدلله بخير انته شلونك.
هز راسه بدون ليحجي وراح للمطبخ يم نرجس واني ترخصت من الحجيه ورحت اني وجوج بغرفه ازهار""
_حبيبتي اعرف الي راح اكوله ثكيل عليج بس شسوي بعد الي صار صار والله شاهد عليه اني جنت مادري بكلشيَ.
تغيرت ملامح وجها وعيونها انملن دموع كالت.
ازهار:لتحلفين عمري ميحتاج مصدكتج، بس شنو السالفه!
أنت تقرأ
داعش والمسيحيه
Dragosteفي احد محافظات العراق توجد هناك فتاة جميلة لاڪن يوجد من يحاࢪبها...؟! قصه بين...؟! داعش... حرب.... ظلم.... سحر... موت... ستصبح هذه الفتاه اسيره لداعش بين اسوار داعش هل ستقاوم مع داعش هل ستنجو هل ستعيش بين اسوار داعش ام لا..؟! للكاتبه ڪمࢪ الشيخ
