داعش والمسيحيه

الاخير

هم يجي يوم ونكعد سويه..

هم يجي يوم وابوس رموشك..

يابعد عيني ورمشها.

بقلمي( كمر الشيخ)

                 ..................................

فيان:حبك لشخص مستحيل ينتهي بيوم وليله،ممكن تمثل انو انته نسيته بس انته بالحقيقه تتناسه،وهذا الكلام يطبق عليه لانو بالفتره الي درو اهلي بعلاقتي ويا بديت اتناسا""

وامثل اني سعيده،وصلت بيه مرحله امثل على نفسي،امثل اني سعيده امثل اني كرهته امثل اني طلعته من كلبي بس بالحقيقه ولا شيء من كلامي صح لانو اليحب ماينسى اليحبه وبالذات اذا كان الحب الاولي""

بيوم كاعده يم فضه نسولف على عقد جوان والملابس اندكت الباب الولد جانوا بالبيت رحنه نشوف منو طلعت ام يمن واخواته وسيارات كومه وناس بس بالبدايه دخلن البنات وامه راحت عيني لا ارادي على ازهار""

الي عيونها عباره عن دموع وعيون ارام الي تباوع الها بندم استقبلناهم كلبي يرفرف واحس روحي ح اطير وخايفه كلش من رده فعل اخواني رحنه بسرعه نجهز الضيافه ويادوب كفت الحلويات والاشياء الي عدنه""

لناس الي اجت مادري يمن جاي وياهم لو لا قدمنه الضيافه وكعدت يم البنات نسولف وازهار طول ما كاعدين بالها مشغول،واول ما اجت ام يمن فضه لكفت السالفه ف بسرعه اتصلت على عمتي ""

علمود تجي شويه والله واجت سلمن وحجت ام يمن بابتسامه

-عيوني يا ام حمزه احنه جايين للمره الثانيه متعنين للمحروسه بنتكم تدرون ابنه يحبها ورايدها واحنه ندري بالي صار واعرف غلط بس من حجوا جان اكو كلام وخطبه،المهم يا حبيبه احنه جايين نخطب فيان ل يمن وانشاءالله هل مره تصير قسمه،والله يختي  الكلام بينه هل يمن كلش يحبها مو امدح با ابني بس والله هل فتره كلش تعب واحنه الي بيدنه كاعد نسوي علمود ينجمعون الي يحبون بعض جوه سكف واحد.

خدودي اشتعلن جمر جوان تكرص بيه مكيفه وفضه الي عيونها تباوع اليه بحب وحنان،والله العظيم كل ما اذكر الي صار احس خدودي يرجعون يحمرون ردت عليها عمتي

-والله يا حبيبه احنه نشرف بيكم، و وين نلكه احسن منكم البنتنه والراي راي اخوانها ورايها واحنه بعد راح نصير نسابه،واهل .

كملن حديثهن واني منتضره يرحون علمود اشوف شنو راي خواني كلبي على نار بس كلش فرحت من شفت الناس الي جايين وياا وصراحتا توقعت تكب العيطه بين يمن واخواني بس الحمدلله عدت سلامات""

شويه وراحو طبوا الولد الوجوهه مكلوبه كبل كال ارام بدون مقدمات

-خويه خلي ننطيها الهم يمن كلها تعرفه خوش رجال.