داعش والمسيحيه

تصبيره😂💛

هلي التقاليد وعگلگم باگن جم حلم مني....

     ..-_-_-_-_-_-_-_-_-_-_-_-_-_-_-_-_-_-_-..

فيان:كل يوم يمر بمثابته تقدم بحياتي بدون وجود شخص احبه ،وراح تبده سنه جديده من حياتي بدون يمن،ساعات اكول اني بعدي احبه،وساعات لا اكول الي انتهه انتهه،يحضرون لعيد ميلادي ل 18""

ابتسم واضحك وياهم بس فرحتي ناقصه،الكل فرحان وسوالف وضحك اجت جوان كالت

-كالو اليوم اكو كمر عيد ميلاده.

ازهر:شعدنه غير كمره وحده .

-الله يخليكم الي ويديم هل ضحكه على وجوهنه.

الكل كال امين وخلصوا التحضيرات العصر راحو الولد جابو كيك وهل اشياء وبليل رحت لبست فستان ابيض وبي ورد ناعم كلش نازك وحلو طويل وكلوشه ""

اندك الباب اكيد بيت عمي لانو عزمناهم خليت شيء كلش خفيف الوجهي يخفي التعب ولبست حجابي ونزلت بكل ثقه سلمت على عمتي وعمي و الولد وزنوبه ""

وكعدنه نسولف زينب نستني كل حزني خلتني ابتسم واضحك غصبن عني الكيكه جان مكتوب عليها اسمي وكل عام وانتي بخير وكيكه ثانيه مكتوب عليها عمري فرحت بالاشياء الي جابوها الي""

قطعت الكيكه وكلهم جانوا جايبيلي هدايه لاول مره حسيت بشعور العائله لانو عمي وعمتي ويانه لانو اكو شخص جبير ويانه رغم عندي اخواني بس يختلف عن الشخص الجبير بالبيت""

اكلنه كيك وسوالف وضحك اجه ازهر يمي وحضني وقدملي هديه لحد الان هي اجمل هديه مو لقيمتها الماديه لاكن لتقديره وجمالها جايب كلاده ذهب بيها اسمي ""

حضنته وبسته بخده وخلص يوم ميلادي ب اجمل مايكون نمت من وكت من كثر التعب كعدت ثاني يوم من الصبح لانو عندي روحه للسوك اني وفضه وجوان اريد اشتري شكم شغله للامتحانات لانو قربت وجوان هم تريد ملابس ""

بدلت ولبست بشت اسود وشال لونه وردي فاتح كلشش برز بياض بشرتي وطلعنه للسوك رحت للقرطاسيه واشتريت غراضي وراها رحنه لمحلات الملابس دخلت جوان وفضه اني بقيت بره ماعندي شيء""

واكفه وعيوني بالكاع حسيت ضل شخص يمي رفعت راسي وجان اشوف يمن ...........

..............................

فضه:حماسي لطفلي الاول كلش جبير اليوم عيد ميلاد فوفه والكل فرحان ومتونس ازهر جان شايل هم الها كلش يخاف عليها وجان جايب الها مبايل مانطاه الها بيوم العيد ميلاد ينطي الها ثاني يوم

-ضروري يكون عدها مبايل اخاف تغلط ولو هي مو صغيره وكلش صعبه عليه اطيها مبايل بس شسوي بعد.

-ياحبيبي فيان تربيتكم واكيد مراح تغلط للمره الثانيه،وهي ترا باول غلط مو ذنبها ذنبها الوحيد حبت واجه الولد خطبها على سنه الله ورسوله.