အတိအကျပွင့်လင်းတဲ့ ဆက်ဆံရေးကိုတော့ တရားဝင်မရောက်သေးပေမဲ့ အခုဆို 80 ရာခိုင်နှုန်းလောက်တော့ ဘတ်ဟျွန်းနဲ့ နီးစပ်နေပြီလို့ ဆိုနိုင်တဲ့အထိ သူတို့ နီးကပ်လာကြသည်။
”ဒီနေ့ သွားစရာရှိတာလား? ”
သောက်လက်စ ကော်ဖီတစ်ခွက်ကိုင်ထားရင်း အပေါ်ထပ်ဘတ်ဟျွန်း အခန်းထိရောက်လာသူက ဘီဒိုဖွင့်ရင်း အင်္ကျီရွေးနေတဲ့ ဘတ်ဟျွန်းကို မြင်တဲ့အခါ မေးခွန်းတစ်ခုထုတ်မေးလာပြီး နောက်က ကြိမ်ခုံပေါ် ဝင်ထိုင်ကာ ဘတ်ဟျွန်းကို ကြည့်လာ၏ ။
”ကိုကြီးလေ...နေ့လည်စာ တူတူစားချင်တယ်ဆိုလို့ ”
အညိုရောင်ဆွယ်တာလေးထုတ်လာသူက အကြောင်းအရင်းကိုပြောပြပြီး ချန်းယောလ်ကို ကြည့်လာသည်။
”ကျောင်းသွားပြီးပြီမလား
မဆိုးဘဲ ငါ့ကို စိတ်ချမ်းသာအောင် ထားမယ်မလား? ယောလ် ”မဆိုးဘဲ ကျောင်းတက်ပါမယ်လို့ ကတိပေးထားတော့ ချန်းယောလ်မှာ အလိုကျပေါ့!
ကျောင်းလည်းသွားပြီးပြီမလို့ ခေါင်းညိမ့်ပြလိုက်တော့ ဘတ်ဟျွန်းက သူ့ခေါင်းကို ဖွဖွလေး ပွတ်ပေးလာရင်း ”လိမ္မာတယ် ”လို့ ချီးကျူးလာတယ်။ပြုံးရင်း ချီးကျူးမှုကိုခံယူလာသူက ပါးချိုင့်နက်နက်နဲ့ ကျေနပ်လို့...
ဒီလိုကျတော့လည်း အဆိုးလေးကနေ လိမ္မာတုံးလေး ဖြစ်သွားတာပဲ။”ဘတ်ဟျွန်း ...ခဏ ”
အင်္ကျီလဲဖို့ လုပ်နေသူကို ခဏရပ်ခိုင်းကာ ချန်းယောလ်က ဘီဒိုရှေ့သွားသည်။
အဖြူရောင် shirt ကို ဝတ်စေတဲ့လူက အပေါ်က အဝါနုရောင် ဆွယ်တာလေးကိုလည်း ထပ်ရွေးပေးလာသည်။ အဖြူရောင် style pant နဲ့ ဘတ်ဟျွန်းက အရောင်နုလေးတွေကြား ငယ်ရွယ်နေသည်။”ဒီနေ့ ဘယ်သွားမှာလဲ ”
”ကိုကို ခေါ်ထားလို့ ၊ Ram နဲ့လည်း တူတူတွေ့မှာ
နောက်တော့ မကျစေရပါဘူး ”သေချာလေး အစီရင်ခံနေသူက ဘတ်ဟျွန်းကိုပဲ ပြုံးကြည့်နေတာ ။
မနေတတ်စွာ ဘတ်ဟျွန်းမှာ မျက်နှာလွှဲရသေး။ ဒီကောင်လေးနဲ့မှ မကြုံစဖူး ရှက်သွေးလည်း ဖြာဖူးပြီ။