العدل " رذاذ من ذهب "

part 2

ּ﷽

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ
يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

صوتوا عمري وعلقوا بين الفقرات 🪞

قرائه ممتعه 🤍

××××××××××××××××××××××××××

نايمه على ايدي خدرت احسها راح تنفجر دا اعدل نومتي مشابعه نوم بعدني  وميته تعب لا ارادي فتحت عيني وراحت على الساعه الي يم جربايتي واشوفها ساعه  بالسبعه طفرت من الفراش عزا العزاني هاي صارلي شگد من نايمه ما بقى وقت

كمت من فراشي ركض ركض وفجأة امي تفتح عليَّ الباب د تكعدني
اردفت واني الم شعري بعشوائيه مستعجله
- عزا يمه غير تگعديني ؟!

- صارلي بالربع ساعه اروح واجي عليچ وانتِ مطموره نومه اهل الكهف تحركي بدلي فضيها حتى تتريگين ماضلچ وكت

عافتني وطلعت رحت ركض غسلت وجهي وبدلت ولفيت الشال شون مچان حطيت مكياج خفيف حمره ترابيه وجريت كحله ومسكاره ومشطت حواجبي ثخان ميحتاجلهن رسم او ترتيبات هنه من الله مرسومات

اخذت مبايلي وجنطه بيضه لبستها
لو الحك لو ما الحك والسايق بالف يا علي ييلا ييجيني وبين ما اخلص تعبر حتى السبعه

نزلت لكيت امي كاعده على الميز تنتظرني

- يلا يمه اصبلچ جاي ؟!

- لا يمه جاييش وين الحك هسه ييجي السايق يمشي على بيض مكسر

- دكليلچ لگمه قبل ما ييجي

مدتلي لفه جبن صغيره اخذتها وبديت اكُل بيها
وصبيتلي جاي
- اخذتي فلوس وياچ ؟!

- ايي اخذت خمسه الاف تكفي

- خمسه آلاف و الضهر تعالي  صيحي ميته جوع

مدت ايدها بجيب دشداشتها طلعت خمسه وعشرين وحطتها بايدي واخذت الخمسه

- هاچ هاي وين يلا تكفيچ

- يااا امي شنو السالفه شو مسويتني كلش بالوعه

- هوه انتِ هيچ كلشي كدامچ تبلعي بعد كم يوم حتى آني تاكليني

- رحم الله والديچ ، يلا جاء السايق باييي ادعيلي

- الله وياج يمه انتبهي على روحچ بنيتي

- الله كريم

بوستها وطلعت اهرول للسايق

اول ما صعدت صاح - صباح الخير
مرفعت راسي عيني بجنطتي دا ادور على الهيتفون خاف مماخذته وياي وتصير كارثه
- صباح النور

الطريق من بيتنا لدوامي بالسياره قرابه النص ساعه
وصلت للدوام ورحت اركض مثل المخبله للادارة اوقع