العدل " رذاذ من ذهب "

part14

ּ﷽
﴿إِنَّ اللَّهَ وَمَلَائِكَتَهُ يُصَلُّونَ عَلَى
النَّبِيِّ يا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ٥٦﴾

- تصويت ⭐
تفاعلكم بين الفقرات عمري سوولي واهس ♥️

قراءة  ممتعه ....

-----------------------------------------

يا ساكِن القلبِ لا تُبرح نواحيهِ
‏فأنتَ من نبضهِ بالقُرب تُحييهِ
‏لو صارَ عندَك شكٌ أنني بغدٍ أنساكَ
‏قُل لي أينسى الوردَ ساقِيه؟

------------------------------------------

ملتمين كلنا بالمطبخ خاله وبناتها يمنه صار يومين ضحك وونسه وسوالف

كاعده على الميز مقابيل ايمان بنت خالتي اني دا اثرم بالطرشي وهي تحضر بالمقبلات

شفتها مركزه وبالها شارد مو يمها ومبين عليها ضايجه ومهمومه الها فتره

تحمحمت متقصده اجذب انتباها لكن ماكو بعدها صافنه شلت الملعقه وضربت على الكاسه ثلاث مرات وماكو م شالت راسها
اخر شيء ضربتها بجلي فزت

رفعت راسها تشوف شكو قربت نفسي عليها وهمست الها بصوت ناصي

يمامه - شبيج صار الج فتره صافنه واحسج مهمومه شكو

نزلت راسها رجعت تثرم م مطيتني اي اهتمام

ايمان - ماكو شيء اثرمي فضينا خل نصب الغده

يمامه - امممم عليَّ

كامت من مكانها شايله بيدها كاسه المقبلات

ايمان - لا على امي فضيها لا تصيرين فاهي

يمامه - خوش ايمان خوش اول وتالي راح تكليلي الخبر اليوم بفلس باجر بـ بلاش

خلصت ثرم الطرشي حطيته بالمواعين وصبينا الغده كعدنا كلنا تغدينا نسولف ونضحك الوحيده بينا ايمان الي منعزله عنا عكس ما نعرفها ومتعودين عليها

طول الكعده وهي تجر صفنات خلصنا اكل والبنات غسلن المواعين واني نضفت الميز ومسحت الاخشاب

العصر صبينا جاي وقطع كيك وطلعنا بالحديقه بين الكلام وسألتهن عن ايمان

يمامه - اكللجن شبيها ايمان مو على بعضها احسها مقهوره شكو

- يا معوده هاي صديقتها صار الها فوك الثلاث اشهر مخطوفه ومحد يعرف اخبارها وهاي خايفه عليها وبين فتره والثانيه تتصل على اهلها خطيه كلش صايرين

يمامه - هي البنت شوكت انخطفت تحديداً

- اممم حسب الي فهمته منها يوم 6/11

من كالت هيج ربطت عندي الاحداث وطلعه علي من البيت حسيتها هي نفسها البنت الي يدور عليها علي