العدل " رذاذ من ذهب "

part 11

ּ﷽
﴿إِنَّ اللَّهَ وَمَلَائِكَتَهُ يُصَلُّونَ عَلَى
النَّبِيِّ يا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ٥٦﴾

- تصويت ⭐ وتفاعلكم بين الفقرات بنات 💬

قراءة  ممتعه ....

-----------------------------------------------------------

سَگَيِت الزَرِع بلَيَاليِ النِدَاماَ
شَافِتَه عَيُونَيِ وَ صَاح الدَمَع سَلاَماً سَلاَما .

     °°°°°°°°°°°°°

بعد مرور اسبوعين وفي مكان اخر  :

يومين يمرون على وجودي بهل مكان الموحش واني جاهله مصيري تماما كل خوفي يمسوني بسوء وخوفي كله من الي اسمه رذاذ

من بعد الي سواه ذاك اليوم عرفت ان ما عنده مخافه الله ولا يفكر بحرام وحلال وهل شيء زاد ذعري منه ومن وجوده حواليًّ

كاعده بالغرفه بين اربع حيطان والمكان هدوء على غير العاده تكون اصوت ضحكهم وسوالفهم البذيئه مسموعه

محتضنه نفسي وصافنه على الارض من الملل كمت احسب كم دائره سوده بكل كاشيه وكم دائره رصاصيه بيهن
سمعت صوت الباب ينفتح وخرخشه المفاتيه احتضنت نفسي اكثر وكلبي رجف حيل من شفته داخل علي

شايل بيده صينيه مرتبها بطريقه جداً راقيه استغربت حركته حطها بالكاع ورفع عينيه علي اتصادمت انضارنا فبعض  وبدون م يكول اي شيء حطها بالكاع يمي وطلع قفل الباب

كمت من مكاني بعد ما تأكدت انه راح رحت على الصينيه اشوفها لكيته حاط بيها بانكيك وعصير برتقال وشوكه وسكينه
الشوكه العاديه مال حلويات لكن السكينه حاده مال تقطيع

ما اهتميت ولا فكرت زايد شلت الصينيه حطيتها بحضني وكعدت اكل

خلصت وحطيتها على صفحه يمي ورجعت على نفس كعدتي وصفنتي

مر وقت اجهل مدته ورجع انفتح الباب وجانت صدمتي كبيره من شفته …

--------------------------

كاعدين نسولف وي الولد بمواضيع عشوائيه وجان يدخل علينا رذاذ جاي يخابر سد الاتصال ووكف كدامنا مترأس الكعده واردف بصوت رزن ومسموع

رذاذ - وصلت البضاعه بومه راح يوقع عليها كُل الموجودين بهل جمعه السزز ترحون تستلموها كيلو واحد نقص انـ *** ابهاتكم خوش ؟

نجم - هههههه عنيف لازم البضاعه راجعه للوالد حتى هيج عليها تشدد

انجبح علئ وجهة الاثول جفص جفصه كد راسه بعده م مكمل جملته خزرته حتى يسكت
عثمان - انجب نجم

رفع ايده واشر بمعنى اسكت التزمت الصمت ومن شفته هادء وكل معاني ساكنه عرفت اكو ملعوب بس شنو هو ما جاي الكطه
دار وجهة على نجم وابتسم بمكر ابتسامه صفره